YEREMIA 38:13 - KITAB NU TUMPU ALLA LELE MA'IMAI'

¹³ Lantas ihela'mo nu aha na aku da osabatakonmo lengkat i bubung aijo'. Lantas aku tinahanmo ipopasan nu laigan nu tomundo'.

YEREMIA 38:13 ပူးပေါင်းရင်းမြစ်များ

KAJADIAN 37:28

ka' salatan to pia-piangkuka na mian nu Midian anu badagang notulumo, i Yusuf binuatakonmo nu to utu-utusnyo tu'a lengkat aijo' i uno nu bubung lantas pinobalukmo hi mian nu Ismael aijo', olinyo uampulu' na takean nu doi salaka. Lapas aijo' binoamo na ia nu to daga-dagang namba i Mesir.

1 TOMU-TOMUNDO' 22:27

Poto'i hi aha da oposoopmo na ia i talungku', ka' boli oponjoo' na mombee'i mongkaan ka' monginum sampe aku minsusule'mo mae ma'i-ma'ima'.”

AMSAL 29:10

Mian anu madi'tageo' na kinyonyoanyo nuka'ideki nu mian anu ka'oho mompatei, panyo nusangaja'i nu mian anu manonong.

YEREMIA 26:16

Sahingga to mia-mian anu toto tangka-tangkas na pangkatnyo i uno nu pamalentahan tiba aha mian daisan notataemo hi to ima-imam ka' hi to nabi-nabi haha aijo', “Mian aiya motatae mompake atas sanggo nu Tumpunto; madi' pantas na ia ohukum mate.”

YEREMIA 32:2

Tempo'nyo aitu suludadu nu tomundo' Babel hau-haunyomo nontumbuhi Yerusalem. Aku tinahanmo ipopasan nu laigan

YEREMIA 37:21

Sahingga i Tomundo' Zedekia nompalentahkonmo da aku otalungku'mo i popasan nu nu laigan nu tomundo'. Jadi aku jinojoongmo ikiijo' mae, ka' sansina-sinaa obee'i roti anu o'alamae itampat pombauan roti sampe palasadia'an roti ikota' aijo' i ningkotmo iwi-iwi'.

YEREMIA 38:12

I Ebed-Melekh nompoto'imo mae hi belengku da momposapit hude aijo' ilepaku da bau polapisi kahohon da madi' kandalisan. Sahingga tinulutankumo na anu pinoto'i i Ebed-Melekh aijo'.

YEREMIA 38:28

Aku tataap ahi' tinahan ipopasan nu laigan nu tomundo' sampe tinoka na sinaanyo Yerusalem pinatundu'mo nu sampobali'.

YEREMIA 38:6

Lantas ingalamo nu aha na aku lantas pinungumo nu aha ka' inguluakonmo nu kahohon na aku i uno nu bubung, bubung aijo' anu i Malkia anak momo'ane i tomundo' anu kiijo' ipopasan nu laigan i tomundo'. Bubung aijo' madi'mo ko ueenyo, olamo henseknyo jadi aku ninsoopmo i hensek aijo'.

MOHAANGI 3:58

Belento toka mae nongala-alapakonmo palakalangku, o Tumpu, butongku pinosalamatmo nu Belento.

SISIKON NU TO RASUL-RASUL 23:35

ia notatae, “Ma'ima'mo! Ku palesaje na palakalaum, de to mia-mian anu nongkalaak beleyum tokamo i aiya.” Lantas ia nompalentahkon da i Paulus opojoong i laigan daka' hi Herodes.

SISIKON NU TO RASUL-RASUL 24:27

Salatan ingohua'mo na taun, i Perkius Festus nombolosakonmo i Feliks salaku Gubernur. Ka' kalana i Feliks ka'oho' mongala kinyonyoa nu to mia-mian Yahudi, ia nompojohokmo i Paulus i uno nu talungku'.

SISIKON NU TO RASUL-RASUL 28:16

Tempo'nyo tinokamo i Roma, i Paulus pinobee'mo jojoong sausa'nyo ka' nujagai nu samian na suludadu.

SISIKON NU TO RASUL-RASUL 28:30

Ohua' na taun na ki no pinnyo i Paulus jinojoong i Roma, i laigan anu pinosi sewanyo. Ia sanang na montalima iwi-iwi' na mian anu toka molenga ia.