YEREMIA 32:9 - KITAB NU TUMPU ALLA LELE MA'IMAI'

^9-10 Sahingga ingolingkumo na tano' i Hanameel sampulu' ka' popitu' na doi salaka na angga'nyo. Aku nolagamo to saki-sakisi lantas i ahop nu aha tinandatanganankumo na sulat tanda ingolimo lantas pinokampitankumo segel, ka' tinimbangkumo na doinyo.

YEREMIA 32:9 ပူးပေါင်းရင်းမြစ်များ

KAJADIAN 24:22

Salatan iwi-iwi' na unta manjoo'mo na inginumnyo, posaihon i Abraham nongalamo mainan mosoni' anu mahan na olinyo lantas pinokonanyomo i sung nu langkoyang aijo'. I botokonnyo pinopusoknyomo na galang mosoni' ohua'.

KAJADIAN 37:28

ka' salatan to pia-piangkuka na mian nu Midian anu badagang notulumo, i Yusuf binuatakonmo nu to utu-utusnyo tu'a lengkat aijo' i uno nu bubung lantas pinobalukmo hi mian nu Ismael aijo', olinyo uampulu' na takean nu doi salaka. Lapas aijo' binoamo na ia nu to daga-dagang namba i Mesir.

1 TOMU-TOMUNDO' 20:39

Salatan i Tomundo' notulumo, nabi aijo' notataemo hi ia, “Belento Anu Opopodaka', tempo'nyo aku hau-haunyo nahampate i pahampatean, samian na suludadu nomboa mae hi belengku samian na sampo bali' anu i hakop. Notatae na suludadu aijo', 'Ojagai ima-ima' na mian aiya. De ia malai, beleyum tionyo opatei bau pontokong ia, kabai mombayan 3.000 na doi salaka'.'

NEHEMIA 5:15

Iwi-iwi' na gubernur anu nompalentahmo momona ma'isa pe'e aku nompalentah, tinimbalimo tanggungan nu mian da'isan kalana aha montuntut patompulu' na doi salaka, na otalima sansinaa pombayan anu o kaan ka' anggur. Pakalaus mule' to mia-mian anu kopangkat aijo' hi aha suele nonsakisamo mian da'isan. Panyo aku madi' mongka'oho' mombau sumo aijo' kalana aku mabuhuk hi Tumpu Allah.

ESTER 3:9

De belento tomundo madi' kabalatan, da sahanyo obaumo ahi' na sulat bau pompalentah da opateimo na aha. Ka' de ositujui nu Belento tomundo' na anu pinoitangkumo aiya, aku momboaje mae salaka 340.000 na kilogram aitu pe'e tantu molabih oboa mae hi belento Tomundo da pongisi kas.”

NOSABATMO 21:32

De anu pinateannyo aijo' samian na botuan mo'ane kabai boune, tumpunyo nu sapi' aijo' tionyo ahi' mombayan tolumpulu' na doi salaka hi anu mompojoong botuan aijo', ka' sapi' lakinyo aijo' tionyo ahi' opahambunu'akon nu batu sampe mate.

YESAYA 55:2

Bau apaa na mongoli tulu-tulumo anu madi' moko pa'osa, ka' bau apaa na mokalaja de madi' momposanang? Batukimo na palentang-Ku, da belemiu mongkaan anu ma'ima', ka' molasaimo kaanon anu matami'.

YEHEZKIEL 4:10

Roti aijo' tionyo ahi' nu bagi ima-ima' sahingga toka nu sansinaa nu kaan ola 230 gram. Madi' timbali molabihi aijo'.

HOSEA 3:2

Sahingga aku nombayan sampulu' ka' olima' na doi salaka ka' 150 kilo gram na gandum da bau pongala boune aijo'.