YEREMIA 32:7 - KITAB NU TUMPU ALLA LELE MA'IMAI'

⁷ koo-Nyo i Hanameel, anak momo'ane nu babo'-Ku i Salum tokaje mae mompoto'i da ku oli na tano'nyo anu kiijo' i Anatot i daerah nu aha Benyamin. Kalana, akumo na julunyo mae anu daagi' talalo ohani, anu kohak mongoli tano' aijo'.

YEREMIA 32:7 ပူးပေါင်းရင်းမြစ်များ

1 TOMU-TOMUNDO' 14:5

Panyo Tumpu nompoto'imo hi ia, tukoo-Nyo bengkele' i Yerobeam uutumo mae, toka mae mompokilawa pa' mosia na anaknyo kiijo' masakit. Ka' Tumpu mule' ahi' nompoto'imo hi Nabi Ahia mosia na anu tionyo nu poto'i saidi mae. Salatan bengkele' i Yerobeam tinokamo kiijo' ia ningadi-adi'mo susumo mian sangga'at.

YEREMIA 1:1

Kitab aiya isinyo potatae i Yeremia anak i Hilkia, sala'samian na imam anu lengkat mae i kota' Anatot i uno nu daerah Benyamin.

YEREMIA 11:21

Aha to mia-mian nu Anatot mongkahanda'imo da beleyum silakamo. Aha notatae, “De beleyum me saja' mompoto'i mae potuunon nu Tumpu hi kami, beleyum opateimo mami.”

YEREMIA 32:6

Tumpu notataemo mae hi belengku,

YEREMIA 32:8

Lantas sosok hondo susumo anu pinoto'imo nu Tumpu tinokamo mae na i Hanameel hi belengku ipopasan nu laigan nu tomundo' ka' nompoto'i da mongoli tano'nyo. Kalana aijo' aku iyakinmo taalu' Tumpu totu-totu'u ahi' notataemo mae hi belengku.

IMAMAT 25:23

Tano' nu belemiu madi' timbali opobaluk sidu-sidutu'mo kalana tano' aijo' misa' belemiu na tumpunyo panyo anu nu Tumpu Allah. Belemiu ola susumo mian anu lengkat mae i salipu'an anu pinoloasmo da mompake tano' aijo'.

IMAMAT 25:24

De santake na tano' opobalukmo, tionyo ahi' o akui na hak nu tumpunyo anu momona, anu po'ule' mololo'i tano' aijo'.

IMAMAT 25:25

De samian na aha mian Israel kinasiasimo sahingga ia mompobalukmo tano'nyo, anu daagi' hondo ohani na moto utus na tionyo mololo'i tano' aijo'.

IMAMAT 25:34

Panyo hemput padang anu ohani i kota nu aha tulunan bansa Lewi madi' timbali opobaluk. Aijo' aha mian nu Lewi na tumpunyo sampe toka sidu-sidutu'.

IMAMAT 25:49

kabai babo'nyo, kabai tominsannyo, kabai mian sangga'at sangalunyo anu mompaha sumbu' hondo, timbali mololo'i ia. Kabai de ia na saidi' mae moko alamo mololo'i, ia timbali mololo'i butongnyo.

NOMBILANGMO 35:2

“Potokakon hi bansa Israel tukoong-Ku tano' pusaka' anu nuhumpakje nu aha aijo', to pia-piangkuka na kota'nyo ka' anu ko hemputnyo ewa, tionyo ahi' nubee' nu aha hi mian nu Lewi da aha timbali jojoong ikiijo'.