YEREMIA 32:12 - KITAB NU TUMPU ALLA LELE MA'IMAI'

¹² Ka' ohu-ohua' na sulat aijo' binee'kumo hi Barukh anak i Neria makumpu i Mahseya. Aku nombee' aijo' i ahop i Hanameel tiba sakisi-sakisi anu nontandatanganimo sulat haha aijo' ka' i ahop nu to mia-mian anu sika-sika suhang ipopasan aijo'.

YEREMIA 32:12 ပူးပေါင်းရင်းမြစ်များ

YEREMIA 32:13

I ahop nu aha iwi-iwi' pinoto'ingkumo hi Barukh,

YEREMIA 32:16

Salatan sulat haha aijo' salaku tanda ingolimo binee'-kumo hi Barukh, aku binalado'amo,

YEREMIA 36:26

Itomundo' ola mule' ahi' nompalentah anaknyo momo'ane, aijo'mo i Yerahmeel tiba i Seraya anak i Azriel tiba i Salemya anak i Abdeel da mohakop aku tiba i Barukh julutulisku. Panyo kami pinosulukmo nu Tumpu.

YEREMIA 36:32

Sahingga ingalang-Kumo na kitab anu ilulun anu pipinombolosi ka' binee'-kumo hi Barukh julutulisku. Lantas tinulisnyomo iwi-iwi' na anu pinoto'ingkumo hi ia, aijo'mo isi nu kitab anu ilulun momona ka' tinuangan mule' nu to pia-piangkuka na potuunon sangga'at anu pokakana sumo aijo'.

YEREMIA 51:59

Anu sola' monsangalui i tomundo' Zedekia aijo'mo i Seraya anak i Neria makumpu i Mahseya. Itaun kino opatnyomo na i Zedekia tomundo' nu Yehuda nompalentah, i Seraya nonsangaluimo i Zedekia namba i Babel. Sahingga binee'ankumo sa'angu' na kalaja na ia.

2 KORINTUS 8:21

Kami mongka'oho' mokalaja hodi-hodi' misa' ola i ahop nu Tumpu, panyo mule' suele i ahop nu mian.