YEREMIA 31:3 - KITAB NU TUMPU ALLA LELE MA'IMAI'

³ itampat anu majo'on mae aku nompotoamo butong-Ku hi aha. O mian nu Israel, naipuan pe'e mae Aku memang ahi' mongkalibosi belemiu ka' memang Aku saja' ahi' sabole-bole mompotoa saba' Aku na saja' ahi' mongkalibosi belemiu.

YEREMIA 31:3 ပူးပေါင်းရင်းမြစ်များ

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

MAZMUR 103:17

Panyo Tumpu sabole-boleh mongkalibosi mian anu tulu-tulutan hi Ia, kanonongan-Nyo saja' sabole-boleh sampe molundu-lundu na tulunan

MAZMUR 25:6

Boli okolilimi na kanonongan ka' kalibosan nu Belento, o Tumpu, anu pinotoamo nu Belento salatanmo pe'e momonanyo mae.

NYANYIAN ANU TALASANGGO 1:4

Sampamo lia-lia' na kita, o tomundo'ku, boamo mae na aku i uno nu salipi' nu beleyum.

YESAYA 43:4

Beleyum na ko angga'nyo ahi' imatang-Ku, Aku mohalagai ka' mule' mongkalibosi ahi' beleyum; sahingga Ku bee'imo mian salaku baumo pombolosi beleyum, to bansa-bansa salaku baumo pombolosi santuu' nu beleyum.

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

YESAYA 49:14

Panyo mian anu jojoong i Yerusalem notataemo, “Tumpu nompala'imo kita, Tumpunto nongkolilimimo kita.”

HOSEA 11:1

Tumpu notatae, “Aku mongkalibosi Israel daagi' pe'e aha ise-ise', Ilagangku na anak-Ku aijo' nosabat mae lengkat i Mesir.

HOSEA 11:4

Kalana Ku kalibosi Ku po ohani na ia hi beleng-Ku. Iwi-iwi' na kasansala'annyo, Ku polaing. Ka' kalana kanonongan-Ku binee'an-Kumo mongkaan naia.

MALEAKHI 1:2

Tumpu notatae hi mian anu palesayamo hi Ia, “Aku mongkalibosi belemiu.” Panyo tinaaman nu aha, “Mosia na Tumpu mongkalibosi kami?” Tinaaman nu Tumpu, “Temisa' i Esau utus tu'a i Yakub? Panyo i Yakub na Ku kalibosi ahi',

ROMA 8:30

Sumo aijo'mo na Tumpu nolaga aha anu tinantukanmo imoona; ka' aha anu ilaga-Nyo aijo', timbali nupobee' mompaha ima' tiba Ia. Ka' aha nupobee' mompaha ima' mule' tiba Tumpu Allah, mongala bahagian i kantumuu'an nu Tumpu.

ROMA 9:13

I Kitab nu Tumpu tinulis nu Tumpu notatae sumo uuka, “I Yakub Ku kalibosi, panyo i Esau Ku ka'ideki.”

PO'ULE' INGULIT 10:15

Panyo kalibosan anu taha-tahahumo nu Tumpu Allah hi mompolee' miu, sahingga mau manjoo' na bansa panyo belemiu na pinile'an-Nyo, ka' sampe tempo' uuka aiya belemiu mian-Nyomo anu pinile'anmo.

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.

PO'ULE' INGULIT 33:3

Totu-totu'u, Tumpu mongkalibosi bansa-Nyo. Nu jagai na mian iwi-iwi' anu tinimbalimo anu-Nyo. Imbo' da kita tolodadupu i ahop nu tengke-Nyo ka' montuluti iwi-iwi' apaa na anu pinalentahkon-Nyomo.

PO'ULE' INGULIT 4:37

Kalana Ia mongkanonongi mompolee' miu sahingga belemiu pinile'an-Nyomo; nu kuasa-Nyo anu daka' hondo ka' belemiu binoa-Nyomo nosabat lengkat mae i Mesir.

2 TIMOTIUS 1:9

Tumpu momposalamat kita ka' molaga kita da timbali mian-Nyo anu palesayamo. Binaunyo na aijo' misa' mintoong i apaa na anu binauntomo, panyo mintoong i posi kahanda'-Nyo tiba balakat-Nyo. Ia mombee'i kita balakat-Nyo nontulu hi Kristus Yesus ma'isa pe'e dunia aiya pinotimbali.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

1 YOHANES 4:19

Kita mongkalibosi, kalana Tumpu momonamo na mongkalibosi kita.