YEREMIA 30:3 - KITAB NU TUMPU ALLA LELE MA'IMAI'

³ Kalana tokaje mae na tempo'nyo po ule'mo Ku poko ima'i na kantumuu'an nu mian anu palesayamo hi beleng-Ku, Israel tiba Yehuda. Po ule'mo Ku boa na aha ilipu' anu binee'-Kumo hi mompolee' nu aha. Lipu' aijo' po ule' nu ala nu aha.”

YEREMIA 30:3 ပူးပေါင်းရင်းမြစ်များ

EZRA 3:1

I bitu'on kopopitu'nyomo, mian nu Israel haha aijo' tinataapmo na jinojoong i kota' nu aha toto samian. I tanggan sa'angu' bitu'onmo ai-aijo' aha sinihukmo i Yerusalem,

EZRA 3:12

Manjoo' na aha to ima-imam, to mia-mian nu Lewi ka' to pola-polaya' mae nu aha sa'anakan anu ilangkai'mo hondo anu toho'mo nontoa Laigan nu Tumpu anu nai-naipuan mae. Salatan aha nontoamo mesen anu binaumo da bau pompotinjoan Laigan nu Tumpu aijo', aha i humangmo ka' tinumando'mo. Panyo to mia-mian sangga'at anu tinoka i kiijo' nontaligalaimo kalana ilame'mo,

EZRA 3:8

Sahingga salatan tinokamo i bitu'on anu ko ohua'nyomo, i taun anu ko ohua'nyomo salatan mian nu Israel ninsusule'mo i Yerusalem, aha nontampu'unimo po'ule' nombau Laigan nu Tumpu. I Zerubabel, i Yesua tiba to sanga-sangalu sangko bansa nu aha, to ima-imam, mian nu Lewi osainsanggo-sanggomo aha iwi-iwi' anu toho'mo binoa i Babel, nokalajamo hingga-hinggat. Aha mian nu Lewi anu ko umunmo 20 na taun mokiita' binee'an kalaja monjagai anu mokalaja i Laigan nu Tumpu aijo'.

MAZMUR 126:4

O, Tumpu po'ule'akon mae poko'ima'i na ka'ada'an mami susumo kaunyo anu no'otimo po'ule'mo mingue de tempo'mo nu ehua.

MAZMUR 53:6

Mian anu ma'idek na kinyonyoanyo talalo ahi' mabuhuk, padahan madi' ko anu mompopobuhuk, kalana Tumpu mompotanatamo buku nu mian anu montumbuhimo belemiu; aha madi'mo tinalima nu Tumpu, jadi' opatundu'mo nu belemiu na aha.

YEREMIA 16:15

panyo atasmo sanggong-Ku, Tumpu Allah anu tumuu' anu nomboamo mian nu Israel nosabat lengkat mae isa'angu' na lipu' sasu utara ka' lengkat mae ilipu' iwi-iwi' sangga'at anu pinongga'a-ga'atakonan-Kumo aha. Aha po ule'mo Kusule'akon mae itano' nu aha, lipu' anu binee'-Kumo hi mompolee' nu aha.”

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

YEREMIA 27:11

Panyo bansa anu mongka'oho' ahi' tundu' ka' mongka'oho' ahi' tulut hi tomundo' Babel na Ku pobee' ahi' jojoong itano' kinahampean nu aha, ka' mongale' ikiijo'. Aku, Tumpu notataemo.”

YEREMIA 29:10

Tumpu notatae, ‘De sampa'mo pitumpulu' na taun na kopinnyo na tempo' nu aha Babel mongala kasampatan, Aku po ule'mo mompalahatikan belemiu ka' Ku ganapimo na palajanjian-Ku po ule'mo momboa belemiu mo uuka mae itampat aiya.

YEREMIA 29:14

Memang totu'u ohumpakmo nu belemiu na Aku. Belemiu Ku posihukmo lengkat mae hi iwi-iwi' na bansa ka' lengkat mae hi iwi-iwi' na lipu' tampat belemiu gina'a-ga'atakonmo ka' binoa. Belemiu po ule'mo Ku sule'akon mae ilipu' pinolengkatan nu belemiu aiya ka' mule' po ule'mo Ku bee' na kantumuu'an nu belemiu anu nai puan mae. Aku, Tumpu notataemo.’

YEREMIA 3:18

Israel mosa'angu'mo tiba Yehuda ka' hingga-hinggatmo mae toka lengkat ilipu' pinomboan isasu utara. Aha minsusule'mo mae ilipu' anu binee'-Kumo salaku tano' pusaka' hi aha lee' nu belemiu.”

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

YEREMIA 30:18

Tumpu po ule' mule' notatae; “Belemiu mian anu palesayamo hi beleng-Ku Ku kalibosimo ka' po ule'mo Ku pokopiani na kantumuu'an nu belemiu i tano' kinahampean nu belemiu. Yerusalem po ule'mo ahi' obau ka' laigannyo nu tomundo' opoko ima'imo.

YEREMIA 30:4

Tumpu notataemo hi aha mian nu Israel tiba Yehuda,

YEREMIA 31:16

Hokotmo bolimo humang ka' sapuimo na lolu' nu beleyum! Madi' ola palasuma na lawe nu belemiu nompalakai to ana-anak nu belemiu. Kona hi belemiu tantu ko hukuman anu obee' to ana-anak nu belemiu minsusule'mo mae lengkat i lipu' nu sampobali'.

YEREMIA 31:23

Tumpu Anu Mahakuasa, Tumpu Allah Israel notatae, “De maluanyo mian anu palesayamo hi beleng-Ku, Ku pojadimo ma'ima' na kantumuu'an nu aha susumo naipuan mae, sahingga ilipu' Yehuda tiba ikampungnyo anu toto ise-ise' ohongo mule' na mian motatae, ‘O amalakon da Tumpu mombalakati puge'nyo anu susi' i Yerusalem tampat samata-mata ola Ia na monjojoongi.’

YEREMIA 31:27

Aku, Tumpu notataemo, tukoong-Ku tokaje mae na tempo'nyo lipu' nu Israel tiba Yehuda Ku pobuke'imo nu manusia tiba binatang.

YEREMIA 31:31

Tumpu notatae, “Tokaje mae na tempo'nyo Ku bauje na palajanjian anu obauje mule' tiba mian nu Israel ka' Yehuda.

YEREMIA 31:38

Tumpu notatae, “Tokaje mae na tempo'nyo songko-songko na Israel po ule'mo obau salaku kota'-Ku lengkat pe'e mae hi Menara i Hananeel toka-toka i Sabatan Daka' anu i Pasu'nyo.

YEREMIA 32:37

Po ule'mo Ku posihuk na bansa aiya lengkat mae ibansa iwi-iwi' tampat pipinongga'a-ga'atakonan-Ku aha kalana Aku pinusamo, ka' notambuha'mo hi aha. Aha Ku boamo mule' mae itampat aiya ka' Ku pobee'mo jojoong i aiya sahingga madi'mo ko anu mompoposia.

YEREMIA 32:44

sulat anu salaku tanda ingolimo otandatanganimo ka' osegenmo ka' opohosonmo nu to sakisi-sakisi. Aijo' jadimo saidi' mae i daerah nu aha Benyamin, ikampung-kampung toto ise-ise' anu ohani tiba Yerusalem, i kota-kota' Yehuda, i kota-kota' daerah anu aita' mae ibungkutnyo, i daerah tengke nu bungkutnyo, tiba i Yehuda anu isasu salatan. Bansa aiya po ule'mo Ku pojadi susumo momonanyo mae na ka ada'annyo ma'ima' ahi' ilipu' aiya. Aku, Tumpu notataemo.”

YEREMIA 33:26

sumo aijo'mo na Aku tataap ahi' na montoongi palajanjian-Ku tiba aha lee' mae i Yakub tiba posaihon-Ku i Daud. Samian na lee' mae i Daud Ku pile'imo da mompalentah lee' mae i Abraham, i Ishak, tiba i Yakub. Aku mongkalibosimo mian anu palesayamo hi Belengku, ka' po ule'mo mompojadi aha ko kamajuan i uno nu kantumuu'an nu aha.”

YEREMIA 51:60

Iwi-iwi' na balaa' anu montokai mae Babel tiba hahan sangga'at anu kiijo' ilipu' aijo' noko tuliskumo isa'angu' na kitab anu ilulun.

YEHEZKIEL 20:42

Bisuanyo belemiu Ku boamo minsusule' itano' nu Israel, tano' anu jinanji'Kumo hi mompolee' nu belemiu, sahingga nu sumbu'je nu belemiu taalu' Akumo ahi' na Tumpu.

YEHEZKIEL 34:13

Aha Ku sabatakonmo mae lengkat mae hi aha to bansa-bansa tiba to lipu-lipu' anu isalipu'an lantas Ku posihukmo ka Ku boamo iposi lipu' anu aha. Aha Ku laya'mo mamba ito bungku-bungkutnyo ka' ibangka'nyo haha aijo' i Israel ka' Ku boamo na aha ipadang tampat nu hemputon ka' anu ma'ima'an.

YEHEZKIEL 36:24

Ku posihukmo na belemiu lengkat mae i batu-batu bansa tiba lipu' Ka' Ku sule'akonmo itano' nu belemiu.

YEHEZKIEL 47:14

Aku binasumpa'mo saba' tano' aijo' Ku bee'mo hi mompolee' nu beleyum. Kalana aijo' alamo na tano' aijo' ka' bagi adi-adin hi bubuu' belemiu.

YOËL 3:1

Tumpu notatae, “Tempo'nyo aijo' Yerusalem tiba Yehuda Ku po ule'mo na kasanangan i uno nu kantumuu'an nu aha.

ZEFANYA 2:7

Mian anu jojoong i Yehuda anu moko ala mopalai saidi' mae monjojoongimo daerah nu belemiu aijo'. Aha saidi' mae molaya'mo potuu'on itano' aijo' ka' de pihimo aha hoyotmo ilaigan nu aha mian Askelon. Kalana Tumpu, Tumpu nu aha na monjagai aha ka' mule' da aha po ule' sanang na kantumuu'an nu aha.

ZEFANYA 3:20

Tokaje mae na tempo'nyo anu jojoong i kota' atina' nono ga'a-ga'atmo po ule'mo Ku boa mae minsusule'. Belemiu Ku potalasanggomo i songko-songko na dunia aiya, Kabilahian nu belemiu i uno nu kantumuu'an po ule'mo Ku bee'.” Tumpu notataemo. 1

LUKAS 17:22

Lapas aijo' i Yesus notataemo hi anu saja' mombatuki Ia, “Tokaje na tempo'nyo komiu kahanda' montoa sansinaa, i sinaa Anak nu Mian, panyo komiu madi' moko ala toa.

LUKAS 19:43

Beleyum mongoa'ije sa'angu' na tempo', tempo' sampo bali'um mongewa iyayamae; aha montumbuhi ka' mompakisa beleyum lengkat mae i songko-songko na tampat.

LUKAS 21:6

“Tokaje na tempo'nyo iwi-iwi' anu otoa miu aiya ohobo'akonmo; madi'mo ko batu sambatu pe'e tongkunsun aiya i tampatnyo!”

PO'ULE' INGULIT 30:3

saba' Tumpu Allah nu belemiu mongkalibosimo belemiu. Belemiu po'ule'mo osule'akon mompala'i bansa-bansa anu pinongga'a-ga'atakonan-Nyomo belemiu, ka' po'ule'mo mongoa'i kasanangan.

PO'ULE' INGULIT 30:5

Sahingga belemiu po'ule' mule' mongala tano' anu naipuan mae kinajojoonganmo nu mompolee' miu. Ka' belemiu lebemo mongoa'i kasanangan, ka' konjoo'nyo nu belemiu lebemo mintuang molingkuduimo mompolee' nu belemiu.

IBRANI 8:8

Panyo Tumpu nontoamo kasala'an hi mian anu palesayamo hi Ia, sahingga Tumpu notatae, “O inau', tokaje mae na tempo'nyo, Aku mompodaagi'je palajanjian anu sala'je tiba bansa Israel, ka' tiba bansa Yehuda.