YEREMIA 3:7 - KITAB NU TUMPU ALLA LELE MA'IMAI'

^7-8 Aku monsangka de ia moko baumo iwi-iwi' aijo' tantu ia po ule'mo mae minsusule' hi beleng-Ku. Panyo ia madi'mo ahi' ninsusule' mae ola mule' ahi' nompaka lambamo nasala'. Mokonyo aijo' gina'atakon-Kumo ka' nolaa'mo ia. Yehuda utus i Israel anu madi'mo tinulu-tulutan aijo' nontoamo iwi-iwi' aijo'. Panyo ia madi' ahi' nabuhuk. Ia ola mule' ahi' suele nasala'mo,

YEREMIA 3:7 ပူးပေါင်းရင်းမြစ်များ

2 TAWARIKH 17:4

panyo monsombah Tumpu Allah. Ia montuluti iwi-iwi palentah nu Tumpu Allah, ka' kantumuu'annyo madi' sumo to tomu-tomundo nu Israel.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

YEREMIA 33:24

“Pinalahatikanmo nu beleyum apaa na anu pinoto'imo nu mian mongkona aijo' Israel tiba Yehuda? Aha nontaloakonmo tukoonyo nu aha Aku nongalinmo ohu-ohua' na bansa aijo' anu pinile'an-Kumo. Mokonyo aijo' nu toa nu aha na mian anu palesayamo hi Belengku aijo' madi'mo kinokaliangan-Nyo, ka' madi'mo daagi' monganggap aha salaku sa'angu' na bansa.

YEREMIA 5:11

Mian nu Israel tiba Yehuda totu-totu'u nombusikimo mae Aku. Aku, Tumpu notataemo.”

YEHEZKIEL 16:46

Utus tu'a nu beleyum atina'mo Samaria isasu utara tibamo kampungnyo anu toto ise-ise'. Ka' utus ise nu beleyum atina'mo Sodom isasu salatan tibamo kampungnyo anu toto ise-ise'.

YEHEZKIEL 16:47

Pa' na'osamo na beleyum nombatuki kalakuan nu aha ka' nontiho palabuatan nu aha anu okahegati aijo'? Ma'isa! Madi'mo daagi' pin beleyumo ahi' na anu tala-talalo palaganta nu lingkuduimo nu beleyum na aha.

HOSEA 11:7

ka' madi'mo hondo mohongo Aku. Sahingga aha lewa'mo opalentah, madi' ko anu moko ala mompobebas aha mau ahi' aha moloboo' momoita tulung.”

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

AMOS 4:8

To pia-piangkuka na kota', miannyo anu jojoong i lundengmo nu megot, aha molio uee i kota' sangga'at, panyo uee ikiijo' madi' sukup. Maumo sumo aijo', belemiu madi' ahi' minsusule' mae hi beleng-Ku.

MALEAKHI 2:11

Mian nu Yehuda nolanggaimo palajanjian nu Tumpu tiba aha ka' nombaumo hahan anu okabuhuk hondo kiijo' i Yerusalem ka' mule' isongko-songko na lipu'. Aha nohumimi'imo Laigan nu Tumpu anu nunu ka'ima'i ka' mule' no'osoamo tiba to bou-boune anu monsombah to pilo-pilogot nu bansa sangga'at.