YEREMIA 3:3 - KITAB NU TUMPU ALLA LELE MA'IMAI'

³ Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

YEREMIA 3:3 ပူးပေါင်းရင်းမြစ်များ

KAJADIAN 19:34

Dodododopnyo anak anu tumpe notataemo hi utusnyo ise', “Na' utu pihi-pihi aku noduhusmo tiba tuumanto! De saidi' malomo po'ule' mule' olanguinto na ia. Lantas beleyumo na moduhus tiba ia. Da kita toto samian mohumpak anak.”

NEHEMIA 9:17

Aha madi'mo nohongo-hongo, iwi-iwi' na kanonongan nu Belento madi'mo pinajulian nu aha. Ka' iwi-iwi' na anu binaumo nu Belento oka-okabangangi madi'mo nu inau' nu aha. Kalana aha kinobubuunmo sahingga aha nompile'imo samian anu binau kapala, da momboa aha mamba i Mesir, ka' po ule'mo timbali posaihon. Panyo Belento Tumpu Allah sanang na kinyonyoa mongampuni, talalo hondo sabaan, manonong ka' mule' talalo hondo mongkalibosi. Kalibosan nu belento totu-totu'u madi' hondo ko gampanyo; Belento madi' nompojohok aha.

AMSAL 21:29

Mian anu madi' tageo' na kinyonyoanyo nu palesaya totu-totu'u na butongnyo; mian anu ma'idek na kinyonyoanyo madi' mosumbu' ma'ambang.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YEREMIA 14:1

Tumpu notataemo sumo uuka hi belengku mongkona tempo' nu posinaa anu tinahahumo hondo,

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 14:3

To posa-posaihon nu mian kaya sinaimo mamba molio uee iyaya mae; Iwi-iwi' na bubung ilambananmo nu aha panyo ueenyo iningkotmo iwi-iwi'. Madi' mae kino isinyo na kendi anu po ule' mae binoa nu aha. Binimbangmo na aha ka' sinusa'mo na kinyonyoa nu aha ka' na ambangmo sahingga kinukumbunganmo nu aha na ohup nu aha.

YEREMIA 14:4

Ujan madi'mo tinudun ka' tano' notiismo ka' nobeka-beka'mo; mian anu mongale' nongkukumbungimo ohup nu aha kalana madi'mo daagi' koanu otaha'imani.

YEREMIA 36:2

“Ala na kitab sa'angu' anu ilulun, ka' tulis ikiijo' iwi-iwi' na anu pinoto'ing-Kumo hi beleyum mongkona Israel tiba Yehuda ka' mule' mongkona iwi-iwi' na bansa. Tulis iwi-iwi na potataengKu lengkat pe'e mae momonanyo Aku notataemo hi beleyum tempo'nyo i Tomundo' Yosia nompalentahmo sampe tempo uuka aiya.

YEREMIA 5:24

Madi' toho' belemiu tinolotuka mongadati mae Aku, padahan Aku na nombee'i mae ujan maumo ipalatamanyo nu lonu nu ujan kabai ikamingkotannyo mo nu lonu nu ujan. Aku mule' ahi' na nombee'i belemiu lonu nu mongala isi nu ale' sataun toka sataun.

YEREMIA 5:25

Panyo dosa'mo nu belemiu haha atina' na nonsaduakon sahingga apaa na anu ma'ima' madi'mo ilasa nu belemiu.

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEREMIA 6:15

Sabenannyo aha ma ambangmo ahi' kalana nombaumo iwi-iwi' anu moko ambang aijo'. Panyo kinabanmo na ohup nu aha ka' madi'mo nonsumbu' ambang. Kalana aijo' aha ohukumo susumo mian sangga'at; sisikon nu aha mingkotmo de Ku hukumo na aha. Aku, Tumpu, notataemo.”

YEREMIA 8:12

O mian anu palesayamo hi beleng-Ku, sabenannyo ahi' belemiu na ambangmo kalana nombaumo iwi-iwi' na palabuatan anu moko ambang aijo'! Panyo belemiu madi'leges ka' madi' monsumbu' ma ambang. Kalana aijo' belemiu silakamo susumo mian sangga'at anu sinilakamo; madi'mo ko sisikonnyo na beleyum de Ku hukumo na belemiu.

YEREMIA 9:12

Aku nompokilawamo, “Tumpu kadaka' lipu' aiya opojohokmo da kunmo ka' manggasmo susumo padang tampat anu mateges sahingga madi'mo daagi' ko anu montulu? Pa' daagi' ko anu pande hondo monsumbu' iwi-iwi' aiya? Hihe na pinompoto'ianmo nu belento katalangan da ia timbali mule' ahi' mompoto'i hi mian sangga'at?”

YEHEZKIEL 3:7

Panyo bansa Israel na madi' ahi' mongka oho' beleyum ka' Aku mule' madi' ahi' nu palahatikan nu aha. Aha iwi-iwi' panggaga hondo ka' madi' tulu-tulutan.

IMAMAT 26:19

Belemiu talalo hondo kobubuun, panyo Ku patundu'mo na belemiu. Ujan madi'mo tudun, sahingga tano' nu belemiu timbalimo mapengges ka' mokutmo sumo besak.

AMOS 4:7

Pinoliwa'-Kumo na tudun mae na ujan salatan anu osu'an nu belemiu talalomo hondo palalu i uee. Ku tudunakon mae na ujan i sa'angu' na kota', ka' madi' mokiijo' i kota' sangga'at. Ale' sa'angu' nutului nu ujan, sadangkan ale' sa'angu' mule' manggas madi' ko uee-ueenyo.

AMOS 4:8

To pia-piangkuka na kota', miannyo anu jojoong i lundengmo nu megot, aha molio uee i kota' sangga'at, panyo uee ikiijo' madi' sukup. Maumo sumo aijo', belemiu madi' ahi' minsusule' mae hi beleng-Ku.

ZEFANYA 2:1

O bansa anu madi' monsumbu' ma'ambang, sinsumbu'mo,

ZEFANYA 3:5

Panyo Tumpu daagi kiijo' i kota' aijo'; Ia saja' mombau anu mingkona ka' madi' toho' sala'. De subu-subumo Ia mombee'imo ka'adilan hi mian-Nyo anu pinalesayamo. Panyo mian anu madi' monsumbu' ka'adilan i kota' aijo' tataap mombau anu ma'idek madi'mo monsumbu' ambang.

HAGAI 1:11

Pinotokang-Kumo mae na sinaa nontimpa'i tano' ka' to puge-puge'nyo ka' mule' sinin na ale' nu gandum ka' mule' sinin na ale' nu zaitun ka' iwi-iwi' na anu sinu'an i tano' aiya nanggasmo ka' suele manusia tiba binatang iwi-iwi' anu ingusahakonmo nu belemiu.”

PO'ULE' INGULIT 28:23

Ujan madi'mo tudun ka' tano' nu belemiu bengkengmo susumo besak.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!