YEREMIA 3:21 - KITAB NU TUMPU ALLA LELE MA'IMAI'

²¹ Aita' mae ibawo nu to bungku-bungkutnyo ihongomo na potatae anu ihengge'mo; aijo' potatae nu aha mian Israel anu ihumangmo ka' lewa' mongkakase, kalana aha binaladosa'mo ka' nongkolilimimo Tumpu Allah nu aha.

YEREMIA 3:21 ပူးပေါင်းရင်းမြစ်များ

AYUB 33:27

Sahingga i ahop nu mian da'isan ia motataemo, ‘Anu ma'idek ku anggapmo ma'ima', dinaka'mo na dosa'ku, panyo Tumpu Allah madi' mohukum aku.’

AMSAL 10:9

Mian anu madi' tageo' na kinyonyoanyo kantumuu'annyo aman; panyo mian anu mongakali saidi' mae osumbu'mo.

AMSAL 19:3

Manusia mompolugi' posi butongnyo nu kaponga'annyo lapas mae mompisala'imo Tumpu i han anu jinadimo aijo'.

YESAYA 15:2

Aha mian anu jojoong i Dibon mindakomo mamba ipuge'nyo da humangmo itampat ponsomban pilogot. Aha mian anu jojoong i Moab talalomo susa' na kinyonyoa kalana aitu aha montando'imo kota' Nebo tiba Medeba. Kinismo nu aha na ubak tiba jangkut nu aha salaku tanda kinyonyoa talalomo hondo' sinusa'.

YESAYA 17:10

O, Israel beleyum nongkolilimo Tumpu anu nomposalamatmo ka' nonjagaimo beleyum susumo bungkutnyo nu batu anu mahoson hondo. Panyo ola mule' ahi' beleyum nonsu'anino ale' anu osombahkon hi pilogot.

YESAYA 57:11

Tumpu notatae, “Ihe na pilogot haha aijo' anu nombaumo belemiu da nabuhuk, sahingga belemiu binalekomo ka' madi'mo nonginau' mae Aku? Pa' belemiu madi'mo monsombah Aku, kalana Aku pininmo hondo na madi'mo kino lewo-lewo'?

YEREMIA 12:12

Lengkat mae aijo' ipadang tampat anu mateges anu aita' mae ibungkutnyo, to mia-mian tinokamo mae kahanda' montololangi. Pinotokang-Kumo mae na pahampatean da mongideimo iwi-iwi' na lipu' sahingga madi'mo daagi' ko samian na anu tumuu' dame.

YEREMIA 13:25

Sumo aijo'mo na uki' nu belemiu anu tinantukan-Kumo kalana belemiu nongkolilimimo mae Aku, ka' pinalesayamo hi to pilo-pilot anu madi' totu'u.

YEREMIA 18:15

Panyo mian anu palesayamo hi beleng-Ku nongkolilimimo Aku, ka' nompapuimo kamangian sinombahkon hi pilogot. Aha tinasala'mo ijalan nai-naipuan mae anu tionyo ahi' nu tului nu aha, lantas noselemo namba ijalan anu ma'isa pinohata.

YEREMIA 2:32

Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

YEREMIA 3:2

Soba tanggalakon mokiita' ibawo nu to puge-puge'nyo! Tampat iya na anu ma'isa toho' kinalambanan nu beleyum nasala'? Susumo aha mian nu Arab ipadang tampat anu mateges, sumo aijo'mo na beleyum sumuhang isohipi' nu jalan montanda'i mian anu kahanda' bakusinta. Beleyum nohenyuimo lipu' aiya nu palabuatan masala' tiba palabuatan nu beleyum ma'i-ma'idek.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

YEREMIA 7:29

Tumpu notatae, “O mian anu jojoong i Yerusalem, pongoa'imo susa' kalana ko anumo silaka! Guntingimo na ubak nu beleyum ka' alinmo! Nyanyiakonmo na nyanyian nu montando'i aita' mae ibawo nu to bungku-bungkutnyo, kalana Aku, Tumpu notambuha'mo ka' madi'mo nongala belemiu iwi-iwi'.

YEHEZKIEL 23:35

Tumpu Anu Matangkas na Kuasanyo notatae, “Kalana beleyum nongkolilimimo Aku, ka' nohikumo mae Aku, beleyum mongoa'imo kasansala'an kalana taha-tahahumo na napisu majota hi mo'ane na beleyum ka' sola-sola' masala' na beleyum.”

YEHEZKIEL 7:16

Sambagian na tumuu' ahi' ka' mopalaimo mamba ibungkutnyo. Ikiita' mae aha sumomo to tomo-tomonsi' dara anu ilaa'mo lengkat mae isongko-songko na bangka'nyo; iwi-iwi' mohehengakonmo dosa-dosa' nu aha.

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 8:14

Aha mian nu Israel nombaumo iwi-iwi' laigan nu tomundo' panyo aha madi'mo nonginau' anu nompotimbalimo aha. Aha mian nu Yehuda nomponjoo'mo kota' anu ko bentengnyo panyo Ku tau'akonmo mae na apu da mompapui iwi-iwi' na laigan nu tomundo' haha aijo' tiba iwi-iwi' na kota' nu aha sampe mingkot.”

MIKHA 3:9

Potombihing mae na potataengku aiya, o belemiu anu balakuasa i Israel anu nongka'idekimo ka'adilan ka' mule' nonggeo-geo'akonmo han anu totu'u.

NOMBILANGMO 22:32

Pinokilawa nu malaekat nu Tumpu, “Kadaka' dinokemo nu beleyum na keledai nu beleyum sampe pinintolun? Aku toka da mongampang beleyum kalana de o ala i pikilan-Ku, madi' ma'ima' de beleyum mamba.

2 KORINTUS 7:10

Kalana kalibosan anu sumo aijo' sahingga kinyonyoa nongabali'mo ahennyo oposalamatmo. Ka' mian madi' ko mompele-pele' i han aijo'. Sumo aitu mule' kalibosan anu ola mombatuki kahanda' nu mian monsaduakon kapatean.