YEREMIA 3:2 - KITAB NU TUMPU ALLA LELE MA'IMAI'

² Soba tanggalakon mokiita' ibawo nu to puge-puge'nyo! Tampat iya na anu ma'isa toho' kinalambanan nu beleyum nasala'? Susumo aha mian nu Arab ipadang tampat anu mateges, sumo aijo'mo na beleyum sumuhang isohipi' nu jalan montanda'i mian anu kahanda' bakusinta. Beleyum nohenyuimo lipu' aiya nu palabuatan masala' tiba palabuatan nu beleyum ma'i-ma'idek.

YEREMIA 3:2 ပူးပေါင်းရင်းမြစ်များ

KAJADIAN 38:14

Saba' baju'nyo anu o pusok de balumo, binolosannyomo nu baju' sangga'at. Ohupnyo kinukumbungannyomo nu kokudu, lantas ia sinumuhangmo i sabatan daka' nu kota Enaim, anu ikiijo' i jalan osahak mamba mokiijo' i Timna. I Tamar nonsumbu'mo saba' i Syela, anak i Yehuda anu tampa-tampalui' dinaka'mo, panyo ia ma'isa pino'osoakon tiba olitau aijo'.

1 TOMU-TOMUNDO' 11:3

Aha 700 na to lalangkoyan anak nu mian daka' na ingosoan i Salomo ka' daagi' mule' ko ambahue'nyo aha 300 na boune. Boune haha aijo' na nonsaduakon i Salomo nohikumo Tumpu Allah,

2 TOMU-TOMUNDO' 23:13

Ka' suele mezbah haha aijo' anu i sasu kabete'an Yerusalem, i sasu salatan Bungkutnyo nu Ka'idekan i humimi'anmo. Mezbah haha aijo' binau i Tomundo' Salomo bau ponsomban to pilo-pilogot anu mahumimi' – aijo'mo Asytoret pilogot boune bansa Sidon, Kamos pilogot nu bansa Moab, tiba Milkom pilogot nu bansa Amon.

MAZMUR 106:38

Aha nombubusakonmo baso' nu mian anu madi' kosala'nyo, baso' nu posi to ana-anak nu aha, da okolobanakon hi to pilo-pilogot; sahingga lipu' nu aha aijo', i ngedeanmo nu aha.

AMSAL 23:28

Aha labot mohakop susumo tololang, ka' monsaduakon manjoo' na to momo'ane anu lewa'mo nasala'.

YEREMIA 12:12

Lengkat mae aijo' ipadang tampat anu mateges anu aita' mae ibungkutnyo, to mia-mian tinokamo mae kahanda' montololangi. Pinotokang-Kumo mae na pahampatean da mongideimo iwi-iwi' na lipu' sahingga madi'mo daagi' ko samian na anu tumuu' dame.

YEREMIA 2:20

Tumpu notatae, “Pininmo na beleyum madi'mo nongka'oho' nohongo-hongo Aku; madi'mo mongka'oho' mo tuluti kabai monsombah Aku. Aita' mae itoto sa'angu' na puge'nyo anu matunjo, ka' akaong i patuunyo nu toto sangkau na kau' anu tambok na honnyo beleyum monsombahmo to pilo-pilogot anu mombee'i kalumba'an.

YEREMIA 2:23

Baani hondo na beleyum motatae tukooyum, beleyum madi'ko palabuatan ma'idek, ka' tukooyum Baal madi' toho' tinulutan nu beleyum! Soba toa na palabuatan nu beleyum akaong ibangka'nyo tutugi na palabuatan nu beleyum ma'i-ma'idek ka' akuimo! Beleyum sumomo ahi' unta behenyo anu mongkahanda'imo ohasi' nu lakinyo maha popadeka'anmo mokiijo' ka' mo uuka mae madi'mo opoko ala otahani,

YEREMIA 2:7

Namba ilipu' anu ma'omuk Aku na nomboa aha da molasaimo hasin nu tano'nyo ka' iwi-iwi' na anu ma'ima ikiijo' mae. Panyo ikiijo' mae tano'-Ku ihumimi'anmo nu aha ka' anung-Ku pinojadimo nu aha susumo sa'angu' na balang anu okahegatimo.

YEREMIA 3:1

Tumpu notatae, “De samian na bengkele' gina'atakonmo nu langkai'nyo, lantas boune aijo' timbalimo bengkele' nu mian sangga'at, saba' langkai'nyo anu momona aijo' madi'mo timbali po ule' mongala bau bengkele'nyo kalana aijo' timbali mongidei lipu' aiya. Beleyum Israel nanjoo'mo hondo na sindua'an nu beleyum, kadaka' uuka aiya beleyum kahanda' mule' minsusule' mae hi beleng-Ku!

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 3:21

Aita' mae ibawo nu to bungku-bungkutnyo ihongomo na potatae anu ihengge'mo; aijo' potatae nu aha mian Israel anu ihumangmo ka' lewa' mongkakase, kalana aha binaladosa'mo ka' nongkolilimimo Tumpu Allah nu aha.

YEREMIA 3:9

ka' madi' hondo-hondo mongoa'i ambang. Ia nasala' kalana nonsombahmo batu tiba kau'sahingga lipu' aiya nahumimi'mo.

YEREMIA 7:29

Tumpu notatae, “O mian anu jojoong i Yerusalem, pongoa'imo susa' kalana ko anumo silaka! Guntingimo na ubak nu beleyum ka' alinmo! Nyanyiakonmo na nyanyian nu montando'i aita' mae ibawo nu to bungku-bungkutnyo, kalana Aku, Tumpu notambuha'mo ka' madi'mo nongala belemiu iwi-iwi'.

YEHEZKIEL 16:16

Sambagian na pakean nu beleyum ginunakonmo nu beleyum bau pombunga-bungai tampat ponsomban pilogot nu beleyum. Beleyum tinimbalimo mian anu saja' masala' ka' nombee'mo butong nu beleyum hi to momo'ane.

YEHEZKIEL 20:28

Aku nombomo mae aha itano' anu jinanji'-Kumo hi aha. Salatan aha nontoamo puge'nyo haha aita' anu toto tangka-tangkas ka' mule' kau' anu toto tambo-tambok na honnyo aha nomsombahkonmo koloban itampat haha aijo'. Aha nonsaduakonmo da Aku notambuha' kalana koloban-koloban anu opotunu ka' mule' aha nonsombahkonmo anggur nu aha.

HOSEA 2:5

Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

LUKAS 16:23

Mian kaya aijo' suele i nate ka' i lamun. I dunia nu mian mate aijo' sinansala hondo. Ka' tempo'nyo ia nontanggalakon aijo' mae nokiita' i bawo, tinoanyo na i Abraham i tampat majo'on, ka' i Lazarus i sohipi' i Abraham.

PO'ULE' INGULIT 12:2

De belemiu ninsoopmo i lipu' aijo' belemiu tionyo ahi' mongidei tampa-tampat ponsomban aita' i bungkutnyo anu to tangka-tangkas ka' i puge'nyo iwi-iwi' ka' i patu nu kau' anu toto hohopo' na honnyo, tampat nu bansa anu jojoong ikiijo' monsombah to pilo-pilogot nu aha.