YEREMIA 3:19 - KITAB NU TUMPU ALLA LELE MA'IMAI'

¹⁹ Tumpu notatae, “O Israel, Aku kahanda'mo montalima beleyum salaku anak-Ku, ka' mombee'imo beleyum lipu' anu oka'ima'i nu kinyonyoa, lipu' anu ma'ima' hondo idunia aiya songko-songko. Ku kahanda'i da beleyum monsanggo Aku tuuma nu beleyum, ka' madi'mo daagi' mompala'i Aku.

YEREMIA 3:19 ပူးပေါင်းရင်းမြစ်များ

MAZMUR 106:24

Lapas mae aha madi'mo nongka'ima'i lipu' anu ma'ima'an hondo aijo', kalana madi'mo pinalesaya hi janji' nu Tumpu.

MAZMUR 16:6

Totu-totu'u ma'ima' hondo apaa na anu nubee' mae nu Belento hi belengku, talalo hondo momposanang kinyonyoangku!

MAZMUR 89:26

Kalaja'annyo ku paka po'ewamo, lengkat mae i Ambai anu i Totonga'nyo toka-toka i Kaunyo nu Efrat.

AMSAL 3:35

Mian anu pande mompaka talasanggomo na sanggonyo, panyo mian anu ponga' saja'mo o alu.

YESAYA 63:16

Te misa' Belentomo ahi' na Tuuma mami? I Abraham tiba i Yakub madi' Monsumbu' kami. Panyo belento o, Tumpu atina'mo ahi na Tuuma mami anu Nomposalamatmo kami daagi' pe'e naipuan mae.

YESAYA 64:8

Panyo Belentomo ahi' na Tuuma mami, kami tano' ponto na pinotimbali, ka' Belentomo ahi' na nontali' ka' Belento na nompotimbali.

YEREMIA 12:10

Nanjoo'mo na anu balakuasa lengkat mae isalipu'an nongideimo ale' nu anggur-Ku ka' sola'mo nompahampeja'akon ale'-Ku. Lipu'-Ku anu ma'ima' hondo binali'anmo nu aha sahingga tinimbalimo padang tampat anu mateges ka' iliingmo.

YEREMIA 3:17

Tempo'nyo aijo' kota' Yerusalem osanggohimo ‘Kajojoongan nu Tumpu'’, ka' iwi-iwi' na bansa sihukmo ikota' aijo' monsombah Aku. Aha madi'mo daagi' montuluti pongka'oho' nu kinyonyoa nu aha anu panggaga ka' ma'idek aijo'.

YEREMIA 3:4

De beleyum nu tokaimo nu kasusa'an beleyum motataemo mae hi belengku, kooyum Aku tuuma nu beleyum, kooyum Aku mongkalibosi beleyum daagi' pe'e beleyum ise-ise'.

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

YEREMIA 5:7

Tumpu notatae, “Kadaka' Aku mongampunimo dosa-dosa' nu mian anu palesayamo hi beleng-Ku? Aha nompala'imo mae Aku ka' mule' nonsombahmo anu misa' Tumpu Allah. Aku na nombee'i anu okaan hi aha sampe aha nobosumo, panyo aha nasala'mo ka' toto minsan aha mambamo hi to mia-mian anu saja' masala'.

YEHEZKIEL 20:6

Tempo'nyo aijo' Aku nompohosonmo nu sumpa' na momboa aha mosabat lengkat i Mesir mamba ilipu' anu pinile'an-Kumo da bau kajojoongan nu aha. Lipu' aijo' kaya ka' mule' ma'omuk, tano' anu ma'ma hondo isongko-songko na dunia.

DANIEL 11:16

Tomundo' nu lipu' sasu utara aijo' monsuka-sukaimo ka' madi'mo daagi' ko anu mongewa mau pe'e pa' mosiamo. Ia mule' monjojoongimo ahi' tano' anu ma'ima' ka' mongkuasaimo songko-songko.

DANIEL 11:41

Ka' suele tano' anu ma'ima' nu tumbuhimo ka' mule' pulu'an nu madala na mian anu nu pateimo. Panyo to kala-kalaja'an nu Edom, Moab tiba bahagian anu talalo hondo penting i uno nu kalaja'an Amon na madi' ahi' opoposia.

DANIEL 11:45

Ka' mule' ia mombaumo kemah nu kalaja'annyo i olot nu ambai tiba bungkutnyo tampat nu Laigan nu Tumpu. Panyo lapas aijo' silakamo ka' madi' ko anu salasamian pe'e na nontulungi ia.”

DANIEL 8:9

I sala' sa'angu' na tanduk aijo' tinumuu'mo mule' sa'angu' na tanduk ise' anu tinimbalimo dinaka hondo ka'kakuasa'annyo ingewamo no insu'sasu salatan ka' mule' sasu kinsoban ka' mule' no insu' sasu tano' anu ma'ima'an hondo.

HOSEA 11:8

Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

GALATIA 3:26

Kalana komiu pinalesayamo hi Kristus Yesus, sahingga komiu nosa'angu'mo tiba ia; ka' kalana aijo', komiu timbalimo to ana-anak nu Tumpu.

EFESUS 1:5

Sahingga Ia nontantukanmo momonanyo pe'e tukoonyo da kalana palesaya hi Yesus Kristus nu hangkatje na kita da timbali to ana-anak-Nyo. Ka' memang aijo'mo na anu nu nuka'oho' Nu bau.

PO'ULE' INGULIT 14:1

“Belemiu mian anu pinalesayamo hi Tumpu Allah nu belemiu. Jadi de belemiu ko anumo sinilaka, ka' mombaumo adatnyo kona hi mian anu sinilakamo, boli mombelai butong miu kabai mongkis siakan nu belemiu susumo anu nubau nu aha bansa sangga'at.

IBRANI 10:39

Kita aiya misa' mian anu tolo sule' ka' sala' na jalan. Panyo kita mian anu pinalesayamo hi Tumpu ka' anu pinosalamatmo.

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.