YEREMIA 3:18 - KITAB NU TUMPU ALLA LELE MA'IMAI'

¹⁸ Israel mosa'angu'mo tiba Yehuda ka' hingga-hinggatmo mae toka lengkat ilipu' pinomboan isasu utara. Aha minsusule'mo mae ilipu' anu binee'-Kumo salaku tano' pusaka' hi aha lee' nu belemiu.”

YEREMIA 3:18 ပူးပေါင်းရင်းမြစ်များ

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

YESAYA 43:5

Boli mabuhuk, kalana Ku jagaimo na beleyum. Lengkat mae ikinsoban tiba lengkat mae ikabete'an. Ku palentahmo mae na mompolee' nu beleyum da tokamo mae sihuk.

YESAYA 43:6

Ku palentahmo na utara tiba salatan, da aha sampa opolapas. Sahanyo to ana-anak nu beleyum anu to momo ane minsusule'mo, mae lengkat itano' anu majo'on, ka' to ana-anak nu beleyum anu to bou-boune minsusule'mo mae lengkat iwi-iwi na pus nu tano'.

YEREMIA 16:15

panyo atasmo sanggong-Ku, Tumpu Allah anu tumuu' anu nomboamo mian nu Israel nosabat lengkat mae isa'angu' na lipu' sasu utara ka' lengkat mae ilipu' iwi-iwi' sangga'at anu pinongga'a-ga'atakonan-Kumo aha. Aha po ule'mo Kusule'akon mae itano' nu aha, lipu' anu binee'-Kumo hi mompolee' nu aha.”

YEREMIA 23:8

panyo atasmo sanggong-Ku, Tumpu Allah anu tumuu' nonomboamo mian Israel nosabat lengkat mae isa'angu' na lipu' anu isasu utara ka' mule' lengkat mae isongko-songko na lipu' sangga'at anu pinongga'a-ga'atakonan-Kumo aha. Aha po ule'mo jojoong iposi tano' kinahampeannyo.”

YEREMIA 3:12

Tumpu nompalentahmo mae aku da mamba mompoto'i han aiya hi aha Israel: “O Israel anu madi' tulu-tulutan, pinsusule'mo mae hi beleng-Ku! Aku talalo hondo mongkalibosi ka' madi' saja'mo montambuha'i beleyum.

YEREMIA 30:3

Kalana tokaje mae na tempo'nyo po ule'mo Ku poko ima'i na kantumuu'an nu mian anu palesayamo hi beleng-Ku, Israel tiba Yehuda. Po ule'mo Ku boa na aha ilipu' anu binee'-Kumo hi mompolee' nu aha. Lipu' aijo' po ule' nu ala nu aha.”

YEREMIA 31:8

Lengkat mae isasu utara sinule'akon-Kumo na aha Pinosihukumo na aha lengkat mae ipuus nu tano'. Mian anu napisokmo tiba mian anu kinapi'mo mambamo hingga-hinggat tiba aha, ka' suele boune anu sala'je nompohampe anak tiba anu poboa malia'mo monganak. Aha iwi-iwi' po ule'mo mae toka ka' manjoo'mo hondo na mamba mae ilipu' aiya.

YEREMIA 50:20

Toka itempo'nyo aijo' Israel tiba Yehuda belesi'mo madi'mo baladosa', kalana Ku ampunimo na to mia-mian anu pinosalamat-Kumo. Aku, Tumpu, notataemo.”

YEREMIA 50:4

Tumpu notatae, “Toka itempo' aijo' aha mian nu Israel tiba Yehuda tokamo mae hingga-hinggat ka' lewa'mo humang molio Aku, Tumpu Allah nu aha.

YEREMIA 50:5

Aha molelekimo jalan mamba i Sion, lantas mambamo mompatui jalan aijo'. Aha mombaumo palajanjian anu sampe toka sidu-sidutu' tiba Aku, ka' sabole-bolemo nu toongi nu aha.

YEREMIA 7:7

De belemiu mombali'imo jalan nu kantumuu'an nu belemiu tiba kalakuan nu belemiu ka' mule' madi'mo mombau iwi-iwi' aijo', Ku pobee'mo na belemiu tataap jojoong ilipu' aiya anu binee'-Kumo salaku tano' pusaka' hi mompolee' nu beleyum.

YEHEZKIEL 11:17

Aku, Tumpu Anu Matangkas na Kuasanyo mompoto'imo taalu' Aku momposihukmo aha anu kiijo' mae nobagi-bagimo itampat nu aha lantas po ule'mo monsule'akon tano' nu Israel hi aha.

HOSEA 1:11

Bansa Yehuda tiba bansa Israel oposa'angu'mo mule'. Aha po'ule'mo mohangkat samian bau polaya', ka' aha timbalimo da'isan ka' sanangmo mule' i lipu' nu aha. Memang Sinaa nu Yizreel tinimbalimo sinaa anu opopodaka'!

HOSEA 2:2

Tumpu notatae, “O to ana-anak-Ku, tina nu beleyum misa'mo daagi' bengkele'-Ku, ka' Aku misa'mo langkai'nyo. Kalana aijo' ulusmo na ia, da ia bolimo daagi' masala', ka' bolimo mombau anu moko masala'.

AMOS 9:15

Ku pojoongmo na aha mian-Ku anu palesayamo ilipu' anu Ku bee'mo hi aha. Aha madi'mo daagi olalin, tataapmo ikiijo'. Akumo na Tumpu Allah nu aha anu notataemo.” 18

ZAKHARIA 10:6

“Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.

ZAKHARIA 2:6

Tumpu notatae hi mian anu palesayamo hi Ia, “Aku nomposungkehetmo belemiu namba isongko-songko na tampat. Panyo uuka aiya o to mia-mian anu binoamo ka' pinojoongmo i sa'angu' na tampat pala'imo mae na Babel ka' mule' pinsusule'mo mae i Yerusalem.