YEREMIA 3:12 - KITAB NU TUMPU ALLA LELE MA'IMAI'

¹² Tumpu nompalentahmo mae aku da mamba mompoto'i han aiya hi aha Israel: “O Israel anu madi' tulu-tulutan, pinsusule'mo mae hi beleng-Ku! Aku talalo hondo mongkalibosi ka' madi' saja'mo montambuha'i beleyum.

YEREMIA 3:12 ပူးပေါင်းရင်းမြစ်များ

KAJADIAN 4:7

De beleyum nombaumo anu ma'ima', tantu beleyum tolomoing; panyo de beleyum nombaumo anu ma'idek, saba' dosa' montanda'imo minsoop i uno nu kinyonyoa nu beleyum. Dosa' kahanda'mo mongkuasai butong nu beleyum, panyo beleyum tionyo ahi' mohungku'i ia.”

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TOMU-TOMUNDO' 17:23

Sahingga ahennyo mae madi'mo Tumpu nonginau' aha, panyo ahi' ingalin-Nyomo na aha da bolimo jojoong i tano' anu binee'Nyomo hi aha. Aijo' jinadimo susumo anu pinoto'imo nu Tumpu hi aha anu pinotokamo nu to posa-posaihon-Nyo ka' to nabi-nabi. Sumo aijo'mo na mian nu Israel anu binoa nokiijo' i pinongalinan i Asyur ka' i kiijo'mo na aha jinojoong sampe sina uuka aiya.

2 TOMU-TOMUNDO' 17:6

– anu ko osio'nyomo na taun na i Hosea nompalentah – i Salmaneser nongalamo Samaria. Lantas mian nu Israel binoanyomo nokiijo' i Asyur salaku mian anu i hakop. Sambagian na aha pinojoong i kota' Halah, ka' sambagian mule' koko Kaunyo Habor i da'erah Gozan, ka' sambagian mule' i to kota-kota' i lipu' Madai.

2 TOMU-TOMUNDO' 18:1

I taun ko totolu'nyomo na i Tomundo' Hosea anak i Ela nompalentah Israel, i Hizkia anak i Ahas tinimbalimo tomundo' nu Yehuda.

2 TAWARIKH 29:10

Uuka aiya aku kahanda'mo mombau palajanjian tiba Tumpu, Tumpu Allah nu Israel, da Ia madi'mo montambuha'i kita.

2 TAWARIKH 30:9

De belemiu po'ule'mo palesaya hi Tumpu, saba' to mia-mian anu nomboamo to utu-utus nu belemiu salaku mian anu i hakop mongkalibosimo ka' mompobee'mo mae aha minsusule'. Tumpu Allah nu belemiu aijo'mo na Tumpu Allah anu manonong ka' mongkalibosi; Ia po'ule' mongala belemiu de belemiu po'ule'mo minsusule' hi Ia.”

MAZMUR 103:17

Panyo Tumpu sabole-boleh mongkalibosi mian anu tulu-tulutan hi Ia, kanonongan-Nyo saja' sabole-boleh sampe molundu-lundu na tulunan

MAZMUR 103:8

Kalana Tumpu saja' mongkalibosi ka' mongkanonongi, Ia talalo hondo sabaan ka' kalibosannyo daka' hondo.

MAZMUR 103:9

Ia madi' sabole-boleh saja'mo monsegai ka' madi' motambuha' sampemo toka sidu-sidutu'.

MAZMUR 145:8

Tumpu aijo' pangkalibosi ka' pangkanonongi, madi' sampa motambuha' ka' saja' mongkalibosi.

MAZMUR 79:5

O, Tumpu, sampemo toka sidu-sidutu' na Belento motambuha' ka' kinyonyoa nu Belento anu saja' madi' sanang hi kami sabole-bolehmo mook susumo apu?

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YESAYA 31:6

Tumpu notataemo, “O, bansa Israel, belemiu madi'mo nohongo-hongo mae Aku ka' binaladosa'mo hi beleng-Ku. Panyo uuka aiya po ule'mo mae toka hi beleng-Ku!

YESAYA 44:22

Kasala'an nu beleyum Ku laa'mo da mamba susumo kundom, dosa' nu beleyum Kusikaimo da mamba susumo sehu'. Pinsusule'mo mae hi beleng-Ku, kalana pinobebas-Kumo na beleyum!”

YEREMIA 11:6

Lantas Tumpu notataemo mae hi belengku, “Lako mamba ikota-kota' nu Yehuda tiba ijalan-jalan nu Yerusalem. Poto'iakon na potuunon-Ku aiya hi aha to mia-mian anu kiijo' mae. Poto'i hi aha da mompalahatikan ka' montuluti atulan nu palajanjian-Ku.

YEREMIA 12:15

Panyo salatan osabatakonmo na aha, po ule'je ahi' Ku kalibosi na aha; batu-batu bansa po ule'mo Ku sule'akon mae minsusule' iposi lipu' nu aha.

YEREMIA 23:8

panyo atasmo sanggong-Ku, Tumpu Allah anu tumuu' nonomboamo mian Israel nosabat lengkat mae isa'angu' na lipu' anu isasu utara ka' mule' lengkat mae isongko-songko na lipu' sangga'at anu pinongga'a-ga'atakonan-Kumo aha. Aha po ule'mo jojoong iposi tano' kinahampeannyo.”

YEREMIA 3:1

Tumpu notatae, “De samian na bengkele' gina'atakonmo nu langkai'nyo, lantas boune aijo' timbalimo bengkele' nu mian sangga'at, saba' langkai'nyo anu momona aijo' madi'mo timbali po ule' mongala bau bengkele'nyo kalana aijo' timbali mongidei lipu' aiya. Beleyum Israel nanjoo'mo hondo na sindua'an nu beleyum, kadaka' uuka aiya beleyum kahanda' mule' minsusule' mae hi beleng-Ku!

YEREMIA 3:14

Tumpu notatae, “O mian anu madi' tulu-tulutan pinsusule'mo mae hi beleng-Ku! Belemiu Akumo na tumpunyo. Aku mongalamo belemiu toto samian isa'angu' na kota' ka' mule' toto ua'aha isa'angu' na tulunan nu bansa ka' po ule'mo momboa belemiu i Puge'nyo nu Sion.

YEREMIA 3:18

Israel mosa'angu'mo tiba Yehuda ka' hingga-hinggatmo mae toka lengkat ilipu' pinomboan isasu utara. Aha minsusule'mo mae ilipu' anu binee'-Kumo salaku tano' pusaka' hi aha lee' nu belemiu.”

YEREMIA 3:22

O belemiu iwi-iwi' anu nompala'imo Tumpu, pinsusule'mo mae! Ia mompo alinmo belemiu ka' mompotimbalimo belemiu tulu-tulutan. Belemiu notatae, “Ii', uuka aiya kami tokamo mae hi Tumpu, kalana Ia Tumpu Allah mami.

YEREMIA 3:5

Beleyum mule' notatae, kooyum Aku madi' mule' saja'mo montambuha'i beleyum. Sumo aijo' na anu tinaloakonmo nu beleyum, o Israel, panyo hau-haunyo aijo' saja' ahi' nu bau na palabuatan iwi-iwi' anu timbali nu poko ala nu bau.”

YEREMIA 3:7

Aku monsangka de ia moko baumo iwi-iwi' aijo' tantu ia po ule'mo mae minsusule' hi beleng-Ku. Panyo ia madi'mo ahi' ninsusule' mae ola mule' ahi' nompaka lambamo nasala'. Mokonyo aijo' gina'atakon-Kumo ka' nolaa'mo ia. Yehuda utus i Israel anu madi'mo tinulu-tulutan aijo' nontoamo iwi-iwi' aijo'. Panyo ia madi' ahi' nabuhuk. Ia ola mule' ahi' suele nasala'mo,

YEREMIA 30:11

Aku tokamo mae ka' belemiu Ku posalamatmo. Bansa-bansa, tampat pinongga'a-ga'atakonan-Ku belemiu iwi-iwi' Ku silakaimo, panyo belemiu na madi' ahi' Ku bau sumo aijo'. Memang belemiu madi' ahi' bebas ihukuman panyo hukuman anu Ku bee' hi belemiu na adin ahi' sosok tiba anu sahondo-hondonyo. Aku, Tumpu notataemo.”

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

YEREMIA 31:21

Pokonai tanda na jalan da osumbu' na kajalanan lio na jalan anu kinajalanan nu beleyum naipuan mae. O Israel, pinsusule'mo mae! Pinsusule'mo iposi kota' nu belemiu anu u'utu mae momona.

YEREMIA 31:8

Lengkat mae isasu utara sinule'akon-Kumo na aha Pinosihukumo na aha lengkat mae ipuus nu tano'. Mian anu napisokmo tiba mian anu kinapi'mo mambamo hingga-hinggat tiba aha, ka' suele boune anu sala'je nompohampe anak tiba anu poboa malia'mo monganak. Aha iwi-iwi' po ule'mo mae toka ka' manjoo'mo hondo na mamba mae ilipu' aiya.

YEREMIA 33:26

sumo aijo'mo na Aku tataap ahi' na montoongi palajanjian-Ku tiba aha lee' mae i Yakub tiba posaihon-Ku i Daud. Samian na lee' mae i Daud Ku pile'imo da mompalentah lee' mae i Abraham, i Ishak, tiba i Yakub. Aku mongkalibosimo mian anu palesayamo hi Belengku, ka' po ule'mo mompojadi aha ko kamajuan i uno nu kantumuu'an nu aha.”

YEREMIA 4:1

Tumpu notatae, “O mian Israel, de belemiu mongka'oho' mae minsusule' hi beleng-Ku. Alin pe'e mae na pilogot anu Ku ka'ideki aijo', ka' tulu-tulutanmo ahi' hi beleng-Ku.

MOHAANGI 3:22

Liibos nu Tumpu madi' toho' mingkot, balakatnyo madi' toho' mingkot,

YEHEZKIEL 11:17

Aku, Tumpu Anu Matangkas na Kuasanyo mompoto'imo taalu' Aku momposihukmo aha anu kiijo' mae nobagi-bagimo itampat nu aha lantas po ule'mo monsule'akon tano' nu Israel hi aha.

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

YEHEZKIEL 39:25

Tumpu Anu Matangkas na Kuasanyo notatae, “Panyo uuka aiya po ule'mo Ku kalibosi na aha mian nu Israel lee' i Yakub ka' po ule'mo Ku pokopiani na kantumuu'an nu aha. Tiba jalan anu sumo aijo' na Aku monjagai da sanggong-Ku tataap oholomati.

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

IMAMAT 26:40

Panyo lee' nu belemiu mongakuije dosa' nu aha ka' dosa' nu mompolee' nu aha anu madi'mo mohongo-hongo Aku ka' noto idekmo beleng-Ku,

ZAKHARIA 1:4

Boli montiho susumo mompolee' nu belemiu. Daagi' pe'e naipuan mae to nabi-nabi nompotokamo potuunon-Ku hi aha da aha bolimo mombau palabuatan anu ma'idek, ka' mombau dosa'. Panyo aha madi' nompajuli ka' madi' nongka oho' tinulu-tulutan hi beleng-Ku.

PO'ULE' INGULIT 30:2

De belemiu ka' lee' nu belemiu mongka'oho'mo minsusule' hi Tumpu Allah nu belemiu ka' totu-totu'u na kinyonyoa nu belemiu montulutimo palentah-Nyo iwi-iwi' anu binee'kumo hi belemiu sinaa aiya,