YEREMIA 3:10 - KITAB NU TUMPU ALLA LELE MA'IMAI'

¹⁰ Salatan nombaumo iwi-iwi' aijo' Yehuda anu madi'mo tinulu-tulutan aijo' ninsusule'mo mae hi beleng-Ku, panyo ola ahi' nimpula-pula kalana kinyonyoanyo madi' ahi' sahondo-hondonyo. Aku, Tumpu notataemo.”

YEREMIA 3:10 ပူးပေါင်းရင်းမြစ်များ

2 TAWARIKH 34:33

To pilo-pilogot anu toto henyu-henyu anu kiijo' i iwi-iwi na tampat anu minsoop da'erah nu Israel, iwi-iwi' ingideanmo i Tomundo Yosia. Lantas pinokemannyomo da iwi-iwi' na mian monsombahmo Tumpu, Tumpu Allah nu mompolee' nu aha. Sahingga tempo'nyo i Yosia daagi' tutuu', mian da'isan saja'mo sabole-bole tinulu-tulutan hi Tumpu.

MAZMUR 18:44

Belento nompobebasmo aku da madi' nupoposia nu aha sa'anakan anu palaganta, ka' nompotimbalimo aku mongkuasai to bansa-bansa; bansa anu madi' ku sumbu' tinimbalimo posaihonku.

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YESAYA 31:6

Tumpu notataemo, “O, bansa Israel, belemiu madi'mo nohongo-hongo mae Aku ka' binaladosa'mo hi beleng-Ku. Panyo uuka aiya po ule'mo mae toka hi beleng-Ku!

YEREMIA 11:10

Aha nombaumo dosa' bibinaunyo nu mompolee' nu aha kalana madi'mo nontuluti Aku, aha nonsombahmo pilogot sangga'at ka' madi'mo ka'oho' montuluti palentah-ngKu. Mau Israel kabai Yehuda nolanggaimo palajanjian anu binaung-Kumo tiba mompolee' nu aha.

YEREMIA 12:2

Sinu'anmo nu belento na aha susumo sosu'anon, lantas aha nimbakatmo, tinumuu'mo, ka' nimbua'mo. Aha saja mombisalakon anu toto ima-ima' mongkona butong nu Belento, panyo i uno nu kinyonyoa nu aha, aha sabenannyo ahi' madi' mompajuli Belento.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

HOSEA 7:14

Aha madi totu tou na balado'a hi edeng-Ku. Kalu aha balado'a aha matimaleo, i tampat kahoyotan, ka tumando susumo anu binau nu mian anu madi palesaya hi beleng-Ku. Kalu aha balado'a mompoita gandum, ka anggur, aha momboyo boyoto butong susumo anu lewa nu bau nu mian anu lewa monsombah pilogot. Aha memang ahi totu touu molawan Aku!

AMOS 4:9

Ku puhakon mae na mombun mapanas ka' Ku pakatui panyakit anu mongidei anu sinu'an, ka' ale' nu anggur nu belemiu. To kau-kau' ara ka' to kau-kau' zaitun nu belemiu ningkotmo na kinaan nu kihi-kihi'. Maumo sumo aijo' belemiu madi' ahi' minsusule' mae hi beleng-Ku.

MALEAKHI 2:11

Mian nu Yehuda nolanggaimo palajanjian nu Tumpu tiba aha ka' nombaumo hahan anu okabuhuk hondo kiijo' i Yerusalem ka' mule' isongko-songko na lipu'. Aha nohumimi'imo Laigan nu Tumpu anu nunu ka'ima'i ka' mule' no'osoamo tiba to bou-boune anu monsombah to pilo-pilogot nu bansa sangga'at.