YEREMIA 3:1 - KITAB NU TUMPU ALLA LELE MA'IMAI'

¹ Tumpu notatae, “De samian na bengkele' gina'atakonmo nu langkai'nyo, lantas boune aijo' timbalimo bengkele' nu mian sangga'at, saba' langkai'nyo anu momona aijo' madi'mo timbali po ule' mongala bau bengkele'nyo kalana aijo' timbali mongidei lipu' aiya. Beleyum Israel nanjoo'mo hondo na sindua'an nu beleyum, kadaka' uuka aiya beleyum kahanda' mule' minsusule' mae hi beleng-Ku!

YEREMIA 3:1 ပူးပေါင်းရင်းမြစ်များ

MAZMUR 106:38

Aha nombubusakonmo baso' nu mian anu madi' kosala'nyo, baso' nu posi to ana-anak nu aha, da okolobanakon hi to pilo-pilogot; sahingga lipu' nu aha aijo', i ngedeanmo nu aha.

YESAYA 24:5

Tano' mahumimi'mo kalana nu saduakon nu palabuatan nu mian anu monjojoongi nolanggaimo iwi-iwi na palentah nu Tumpu, nongabali'mo iwi-iwi na anu tinantukannyomo ka' madi'mo nontoongi palajanjian anu binau-Nyomo tiba aha sampe toka sidu-sidutu'.

YEREMIA 2:20

Tumpu notatae, “Pininmo na beleyum madi'mo nongka'oho' nohongo-hongo Aku; madi'mo mongka'oho' mo tuluti kabai monsombah Aku. Aita' mae itoto sa'angu' na puge'nyo anu matunjo, ka' akaong i patuunyo nu toto sangkau na kau' anu tambok na honnyo beleyum monsombahmo to pilo-pilogot anu mombee'i kalumba'an.

YEREMIA 2:23

Baani hondo na beleyum motatae tukooyum, beleyum madi'ko palabuatan ma'idek, ka' tukooyum Baal madi' toho' tinulutan nu beleyum! Soba toa na palabuatan nu beleyum akaong ibangka'nyo tutugi na palabuatan nu beleyum ma'i-ma'idek ka' akuimo! Beleyum sumomo ahi' unta behenyo anu mongkahanda'imo ohasi' nu lakinyo maha popadeka'anmo mokiijo' ka' mo uuka mae madi'mo opoko ala otahani,

YEREMIA 2:7

Namba ilipu' anu ma'omuk Aku na nomboa aha da molasaimo hasin nu tano'nyo ka' iwi-iwi' na anu ma'ima ikiijo' mae. Panyo ikiijo' mae tano'-Ku ihumimi'anmo nu aha ka' anung-Ku pinojadimo nu aha susumo sa'angu' na balang anu okahegatimo.

YEREMIA 22:20

Tumpu notatae, “O mian anu jojoong i Yerusalem, lako mamba i Libanon ka' i Basan, ka' poloboo'mo kiijo' mae. Polokihis aita' mae i bungkutnyo nu Moab, kalana iwi-iwi' na sangalu nu belemiu pinatundu'mo.

YEREMIA 3:22

O belemiu iwi-iwi' anu nompala'imo Tumpu, pinsusule'mo mae! Ia mompo alinmo belemiu ka' mompotimbalimo belemiu tulu-tulutan. Belemiu notatae, “Ii', uuka aiya kami tokamo mae hi Tumpu, kalana Ia Tumpu Allah mami.

YEREMIA 3:9

ka' madi' hondo-hondo mongoa'i ambang. Ia nasala' kalana nonsombahmo batu tiba kau'sahingga lipu' aiya nahumimi'mo.

YEREMIA 31:22

Sampe toka hipian na beleyum saja'mo bata-bata, o bansa anu madi' tulu-tulutan hi beleng-Ku? Aku nompotimbalimo apa-apaa anu sala'je jinadi' idunia aiya, apa-apaa na anu okahelani hondo, ma'isa toho' jinadi boune monjagai mo'ane.”

YEREMIA 4:1

Tumpu notatae, “O mian Israel, de belemiu mongka'oho' mae minsusule' hi beleng-Ku. Alin pe'e mae na pilogot anu Ku ka'ideki aijo', ka' tulu-tulutanmo ahi' hi beleng-Ku.

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

MOHAANGI 1:2

Sampahu toka sampahu ia humaang kalana sinusa'mo lolu'nyo jinumujumo i gagisingnyo. Madi' ko samian pe'e na to sindu-sindua'annyo na mongka'oho' mohase' ia. Ia kinabisa'anmo nu to sanga-sangalunyo anu tinimbalimo sampobali'nyo.

YEHEZKIEL 16:26

Mesir anu mompaha ohani beleyum talalo hondo masawala' hi to bou-boune sinampoduhusmo nu beleyum. Tinotonggolakonmo nu beleyum na masala' da Aku motambuha'.

YEHEZKIEL 16:30

Tumpu Anu Matangkas na Kuasanyo notatae, “Iwi-iwi' aijo' binaumo nu beleyum susumo mian anu saja' masala' mai-madi'mo monsumbu' ambang.

YEHEZKIEL 16:35

O, Yerusalem, anu saja' masala', potombihing mae apaa na anu tinaloakonmo nu Tumpu Anu Matangkas na Kuasanyo, “Beleyum nongukatmo baju' nu beleyum, ka' salaku mian anu saja' masala' binee'mo nu beleyum na butong nu beleyum hi to sinta-sinta nu beleyum tiba hi to pilo-pilogot nu beleyum anu okahegati aijo'. To ana-anak nu beleyum pinateanmo nu beleyum ka' kinolobanakonmo nu beleyum hi pilogot haha aijo'.

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

HOSEA 1:2

Tempo'nyo Tumpu notatae, momonanyo hi bansa Israel, anu pinotokakonku, Tumpu notatae, “Hosea, osoaimo na samian anu mongka'oho' saja' masala' ka' to ana-anak nu beleyum suele timbali sumo ia. Mian-Ku anu palesayamo pokakanamo sumo bengkele' nu beleyum aijo'; aha atina' madi' tulu-tulutan hi beleng-Ku ka' ola ahi' mompala'i Aku.”

HOSEA 2:2

Tumpu notatae, “O to ana-anak-Ku, tina nu beleyum misa'mo daagi' bengkele'-Ku, ka' Aku misa'mo langkai'nyo. Kalana aijo' ulusmo na ia, da ia bolimo daagi' masala', ka' bolimo mombau anu moko masala'.

MIKHA 2:10

Tinjomo ka' lako'mo i aiya madi'mo daagi' ko ka amanannyo. Iwi-iwi' na dosa' nu belemiu nompotokamo mae balaa' anu okabuhuk hondo i tampat aiya.

ZAKHARIA 1:3

Panyo uuka aiya Aku motataemo hi belemiu: Pinsusule'mo mae hi beleng-Ku da Aku suele minsusule'mo hi belemiu.

MATIUS 5:31

“Daagi' mule' ko ajalan sumo uuka: Batu-batu mian anu mongga'atakon bengkele'nyo, tionyo ia mombee' sulat pooga'atan hi ia.

PO'ULE' INGULIT 22:21

jadi boune aijo' tionyo ahi' oboa i sabatan nu laigan nu tu'anyonyo. I tampat aijo' to momo'ane i kota aijo' tionyo ahi' mompahambunu'akon ia nu batu sampe mate. Boune aijo' nombaumo han anu moko ambang bansanto kalana noduhusmo tiba mo'ane sangga'at ma'isa pe'e no'osoa tempo'nyo ia daagi' jinojoong i laigan nu tuumanyo. Tiba jalan anu sumo aijo' belemiu nombaumo sonto' da bolimo ko anu mombau anu ma'idek susumo aijo'.

TO MIA-MIAN KOPIAN 19:2

Panyo mamanga boune aijo' notambuha'mo hi ia, sahingga ia ninsusule'mo i laigan nu tuumanyo kiijo'mae i Betlehem. Salatan boune aijo' ingopatmo na bitu'on na kinopinnyo na jinojoong kiijo' mae,