YEREMIA 28:9 - KITAB NU TUMPU ALLA LELE MA'IMAI'

⁹ Panyo nabi anu nongkila-kilamo kadamean ola timbali o, akui salaku nabi anu totu-totu'u sinai mae nu Tumpu, de iwi-iwi' na anu kinila-kilanyomo memang ahi' ko bukuti'nyomo.”

YEREMIA 28:9 ပူးပေါင်းရင်းမြစ်များ

PO'ULE' INGULIT 18:22

De samian na nabi motatae kalana sanggo nu Tumpu, panyo anu nu taloakon aijo' madi' jadi, saba' anu tinahi'annyo aijo' nyata' misa' anu nolengkat mae hi Tumpu. Nabi aijo' motatae posi pongka'oho'nyo, jadi boli okabuhuk na ia.”

YEREMIA 6:14

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah, madi' mongkuka,’ aha notatae, ‘iwi-iwi' ma'ima' ka' madi' ko apa-apaanyo.’ Pada han madi' ahi' hondo-hondo sumo aijo'.

YEREMIA 14:13

Lantas aku notataemo, “O Tumpu Anu Matangkas Na Kuasanyo, Belento nonsumbu'mo nabi-nabi polo'mo notatae hi mian da'isan koonyo nu aha madi'mo daagi' ko pahampaten, kabai kasusa'an i anu okaan, kalana Belento binalajanji'mo koonto lipu' aiya saja'mo ko kadamean.”

YEREMIA 8:11

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah madi' mule' mongkuka,’ aha notatae, ‘iwi-iwi' ma'ima' ka' madi' ko anu mompoposia'.’ Padahan madi' ahi' sumo aijo'.

YEREMIA 4:10

Lantas aku notataemo, “Tumpu Anu Matangkas na Kuasanyo, Belento nongakalimo mian nu Yehuda tiba mian anu jojoong i Yerusalem! Belento notataemo, koonto saidi' mae ko kadameanmo, padahan uuka aiya nyawa mami opateimo nu bajak.”

YEHEZKIEL 33:33

Iwiiwi' na anu nu taloakon nu beleyum atina' saidi' mae tionyo ahi' jadi, ka' de tempo'nyo aijo' tokamo mae nu sumbu'je nu aha taalu' daagi' toho' kino nabi tinoka aijo' hi aha.”

PO'ULE' INGULIT 18:21

Ugat belemiu motatae i uno nu kinyonyoa, ‘Mosia na kami monsumbu' potuunon nu samian na nabi aijo' nolengkat mae hi Tumpu kabai misa'?’

YESAYA 44:26

Akumo na nompododo potatae nu posihaon-Ku, ka' nompotimbalimo apaa na anu tinanga'anmo nu anu sinaing-Kumo, Pinoto'ing-Kumo, Yerusalem po ule'mo ojojoongi nu mian, ka' iwi-iwi' na kota' i daerah Yehuda po ule'mo Ku bau; anu singkapmo na idek po ule'mo obau.