YEREMIA 27:7 - KITAB NU TUMPU ALLA LELE MA'IMAI'

⁷ Iwi-iwi' na bansa tundu'mo hi ia, hi anaknyo momo'ane tiba hi makumpunyo sampe tokaje na tempo'nyo negaranyo aijo' madi'mo balakuasa. Toka itempo'nyo aijo' bansa Babel tundu'mo hi bansa-bansa sangga'at anu mahason ka mule' to tomu-tomundo'nyo anu daka na kakuasa'annyo.

YEREMIA 27:7 ပူးပေါင်းရင်းမြစ်များ

MAZMUR 37:13

Panyo nu kokojoi nu Tumpu na mian anu palabuatannyo ma'idek, kalana Nu sumbu' na ka ahenannyo nu mian aijo' maliamo mae toka.

YESAYA 13:1

Aiya na potuunon nu Tumpu anu tinalima i Yesaya anak i Amos mongkona Babel:

YESAYA 21:9

Soba toa, aijo'mo na aha! Gombuan nu suludadu anu tinokamo mae toto ua-ua'aha mae. Lapas aijo' mian anu monjaga aijo' nompolelemo, “Babel pinatundu'mo! Iwi-iwi na patong nu nu sombah nu aha nohintutumo ka' notanatamo itano!”

YEREMIA 34:1

Salatan i Nebukadnezar tomundo' nu Babel tiba suludadunyo anu lebemo pinaka pohoson nu to sulu-suludadu anu lengkat mae isinin na bansa ka' negara tinundu'mo hi ia, aha tinokamo mae nontumbuhi Yerusalem tiba kota-kota' anu madi' majo'on ikiijo', Tumpu nompoto'imo mae hi belengku.

YEREMIA 44:30

I Hofra tomundo' nu aha Mesir Ku bee'mo hi sampobali' nu aha anu ko kahanda'mo mompatei ia, susumo Aku nombee'mo i Zedekia tomundo' nu aha Yehuda hi Nebukadnezar tomundo' nu aha Babel, sampobali'nyo kokokahanda'mo mompatei ia aijo'.”

YEREMIA 46:13

Salatan i Nebukadnezar tomundo' nu Babel tinokamo mae nontumbuhi Mesir, Tumpu nompoto'imo mae hi belengku, Ia notatae,

YEREMIA 52:31

Itanggan uampulu'mo ka' olima bitu'on ko sampulu'nyomo ka ohua' kinona itaunmo ko tolumpulu'nyomo ka' popitu' na i Yoyakhin polo-polo'mo binoa itampat pinompojoongan, i Ewil-Merodakh tinimbalimo tomundo' nu Babel. Lantas itaunmo aijo' na ia nolibosmo hi Yoyakhin ka' nompolapasmo ia madi'mo tinalungku',

YEHEZKIEL 30:24

Lantas Ku pohosonmo na limanyo i tomundo' Babel, ka' Ku potoongmo na bajak-Ku ilimanyo. Panyo lima i tomundo' Mesir Ku pato'akonmo sahingga ia molotando'mo ka' mule' silakamo i ahop i tomundo' Babel, sampobali'nyo.

DANIEL 2:37

Anu talasanggo belento Tuanku atina'mo na tomundo' anu molingkudui iwi-iwi' na tomundo'; belentomo Tuanku na anu talalo hondo balakuasa. Tumpu anu kiita' mae i suluga' nombee'imo mae hi belento Tuanku kalaja'an aiya, kakuasa'an, ka' kahosonan ka' mule' katalasanggoan.

DANIEL 4:22

O, Tuanku belentomo Tuanku na kau' anu mata-matangkas ka' anu mahoson aijo'. Katalasanggoan nu belento Tuanku mompaka pintuangmo toka-toka i langit ka' mule' kakuasa'an nu belento Tuanku mompaka ewamo toka-toka i pus nu tano'.

HABAKUK 2:7

Panyo madi' nu sumbu' nu beleyum na beleyum atina' nompatundu'mo mian sangga'at, saidi' mae suele ko samaya'mo ka' opakisamo da mombayan bunganyo. Iwi-iwi' na sampo bali' nubeleyum tokamo mae ka' okabuhukmo nu beleyum. Nu pahuhuakonmo nu aha na halata' nu beleyum.

HABAKUK 2:8

Beleyum lewa'mo nompahuhuakon manjoo' na bansa-bansa, panyo sagala bansa anu madi' pinoko ala pinatundu' nu beleyum saidi' mae mompahuhuakon beleyum, kalana lewa'mo beleyum nompatei ka' kalana talalomo hondo na beleyum sininggi hi aha to lipu-lipu' ka' mule' hi to kota-kota' ka' hi miannyo anu jojoong ikiijo'.

ANU PINOTO'I HI YOHANES 14:8

Malaikat anu ko ohua'nyo nompayuntunmo mae malaikat anu momonanyo ka' notatae daka-daka', “I nanabu'mo! Kota Babel anu daka' aijo' nanabu'mo! Ia nompotimbalimo iwi-iwi' na bansa da nalangu nu anggur – aijo'mo anggur nu napisu sahingga nasala'mo!”

ANU PINOTO'I HI YOHANES 16:19

Kota anu daka' aijo' nobagi-bagimo tinimbalimo totolu' na bahagian, ka' i nohopu'mo suele na to kota-kota, iwi-iwi' na negara i dunia aiya. Lantas Tumpu tinonginau'mo hi Babel anu daka' aijo'. Saba' Tumpu nompo'inummo anggur anu aijo' i tampat pinongisian anggur nu Tumpu – aijo'mo anggur pusa-Nyo anu tahahumo hondo.