YEREMIA 27:5 - KITAB NU TUMPU ALLA LELE MA'IMAI'

⁵ “Tiba kakuasa'anKu anu daka' hondo ka' mule' tiba kahosonan-Ku, Aku noko alamo nompojadi' tano' tiba manusia ka' mule' sinin na binatang, ka' timbali Ku bee' na aijo' maumo pa' hihe na mian anu Ku kahanda'i.

YEREMIA 27:5 ပူးပေါင်းရင်းမြစ်များ

KAJADIAN 1:25

Sumo aijo'mo na Tumpu nompotimbali iwi-iwi', ka' Ia sinanangmo na nontoa han aijo'.

KAJADIAN 9:6

Manusia pinotimbali mo susumo Aku; kalana aijo' ihe na mompatei manusia, ia suele opatei nu manusia.

EZRA 1:2

“Aiya na palentah i Kores tomundo nu Persia. Tumpu, Tumpu Allah anu mongkuasai suluga' nompotimbalimo aku tomundo mompalentah songko-songko na dunia ka' nombee'imo aku kalaja mombau laigannyo i Yerusalem i da'erah Yehuda.

NEHEMIA 9:22

Belento nombee'imo aha ka untungan nahampate, nongewa to kala-kalaja'an manjoo' hondo ka' mule' to bansa-bansa i tano' anu mompaha tempas tiba tano' nu aha. Hesbon lipu' nu Tomundo' Sihon, kinajojoonganmo nu aha; Basan lipu' nu Tomundo' Og kinajojoonganmo suele nu aha.

MAZMUR 102:25

Lantas aku notataemo, “O, Tumpu boli mongala nyawangku i pohintonga'an nu kantumuu'anku.” O, Tumpu, Belento tumuu' sampe toka sidu-sidutu',

MAZMUR 96:5

To pilo-pilogot nu bansa sangga'at ola samata-mata patong bapilogotan, panyo Tumpu aijo'mo na anu nompotimbali aita' langa.

NOSABATMO 20:11

I uno nu tempo' anu anom sinaa Aku, Tumpu, nompotimbalimo tano', langit, ambai ka' iwi-iwi' na anu jojoong i unonyo, panyo i sinaa ko iptunnyo Aku nilawemo. Mokonyo aijo' Aku, Tumpu, nombalakatimo sinaa nu Sabat ka' ingalang-Kumo bau baging-Ku.

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

YESAYA 42:5

Tumpu nompotimbalimo ka' mule' nombokamo langit; Ia nontali'mo dunia ka' mule' iwi-iwi' na anu tumuu' i unonyo. Ia nombee'imo mian santuu' da tumuu' tiba kinyonyoa. Ia nompoto'imo potuunon aiya hi posaihon-Nyo,

YESAYA 44:24

Sumo uuka na koonyo nu Tumpu anu Momposalamatmo beleyum anu nompotimbalimo beleyum daagi' pe'e i uno nu ma'alum, “Akumo na Tumpu anu nompotimbalimo iwi-iwi na apaa, anu nombokamo aita' langit ka'nompotimbalimo tano' mau madi' ko anu nontulungi.

YESAYA 45:12

Akumo na Tumpu anu nompotimbalimo dunia aiya, ka' mule' nompotimbalimo mian da monjojoongi. Tiba kakuasa'an-Ku, Aku nombokamo langit ka' nompalentahmo batu nu sinaa, bitu'on tiba to manda-mandala'.

YESAYA 48:13

Limang-Kumo aiya na nompokoko lananyo nu tano' ka' mule' nomboka aita' langa. De bisuanyo Ku lagamo na sanggo nu aha tokamo mae na aha malia-lia'.

YESAYA 51:13

Tetoho' mule' beleyum mongkolilimi Tumpu anu Nompotimbalimo beleyum anu nombokamo langit ka' nompokokomo lananyo nu tano'? Kadaka' beleyum sansina-sinaamo na mabuhuk hi kabaanian nu anu saja' monsansala ka'kokahanda'mo mompatei? Memang kabaanian nu aha aijo' madi' mompoposia beleyum.

YEREMIA 27:4

Tionyo ahi' ku poto'i hi aha taalu' Tumpu Anu Balakuasa hondo, Tumpu Allah nu Israel nompoto'imo,

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

YEREMIA 51:15

Tumpu nompotimbalimo tano' nu kuasa-Nyo, ka' nontali'mo dunia nu Kapandean-Nyo ka' nongkokamo langit nu pikilan-Nyo.

DANIEL 2:38

Belento Tuanku pinojadinyomo anu mongkuasai bagian nu dunia anu ko miannyo ka' mongkuasai to tomo-tomonsi' tiba binatang sangga'at. Belentomo Tuanku na ubak mosoni' i patong aijo'.

DANIEL 4:14

Ia notataemo daka-daka', ‘Taa'mo na kau' aijo' ka' paha noso'i na to panga-panga'nyo, solui nahonnyo iwi-iwi' ka' sagakon nabua'nyo. Laa' na to bina-binatang anu lumukut i patunyo ka' mule to tomo-tomonsi' anu mimpeta i to panga-panga'nyo.

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

DANIEL 4:22

O, Tuanku belentomo Tuanku na kau' anu mata-matangkas ka' anu mahoson aijo'. Katalasanggoan nu belento Tuanku mompaka pintuangmo toka-toka i langit ka' mule' kakuasa'an nu belento Tuanku mompaka ewamo toka-toka i pus nu tano'.

DANIEL 4:25

Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

DANIEL 5:18

Tumpu Anu Matangkas na Kuasanyo, nompojadimo tuuma i Nebukadnezar nu belento Tuanku da tinimbali tomundo' anu daka' hondo na kakuasa'annyo, ka' mule' kaholomatan tinalasanggomo.

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

SISIKON NU TO RASUL-RASUL 17:24

Tumpu anu nompotimbali dunia aiya tiba isinyo iwi-iwi', aijo'mo na tumpu nu langit ka' tano'. Ia madi' jojoong i uno nu to lai-laigan nu pilogot anu nubau nu mian.

SISIKON NU TO RASUL-RASUL 17:26

Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.

PO'ULE' INGULIT 2:19

Jadi belemiu tokamo kiijo' koko tano' nu aha mian Amon, lee' mae i Lot. Boli mompoposia kabai montumbuhi aha, kalana tano' anu binee'-Kumo hi aha mau pe'e ola sangkiding madi' Ku bee' hi belemiu.’ ” (

PO'ULE' INGULIT 2:21

Susumo mian nu aha Enak, aha suele to daka-daka' na butongnyo. Aha suele mahoson hondo, ka' manjoo' panyo Tumpu nompateimo aha, sahingga mian nu aha Amon nongalamo tano' aijo' lantas jinojoongmo ikiijo'.

PO'ULE' INGULIT 2:7

O'inau' mosia na Tumpu Allah nu belemiu nombalakatimo belemiu i han iwi-iwi' anu binaumo nu belemiu. Ia nompotuu'mo belemiu tempo'nyo belemiu lewa' nonsongkohi padang bola anu ewa aiya. Ia nonjagai belemiu pinatompulu' na taun ka' nombee'imo belemiu iwi-iwi' na anu opalalui.

PO'ULE' INGULIT 2:9

Tumpu notataemo hi belengku, ‘Mian nu aha Moab, lee' mae i Lot, madi' timbali opoposia nu belemiu. Ka' mule' boli montumbuhi aha. Lipu' Ar binee'-Kumo hi aha ka' tano' nu aha mau pe'e ola sangkiding madi Ku bee' hi belemiu.’ ” (

PO'ULE' INGULIT 32:8

Salatan Anu Daka' hondo na Kuasanyo nombagimo tano', toto sa'angu' na bansa pinotiju'akonmo na da'erahnyo ka' anu kinuasanmo nu pilogot.

PO'ULE' INGULIT 4:17

tomonsi' kabai ikan, binatang jumolo kabai binatang sangga'at.

PO'ULE' INGULIT 4:25

Ka' mule' de belemiu saidi' mae pinmo na jojoong i lipu' aijo' ka' ko makumpumo, boli baladosa' kalana mombaumo patung maumo pa' sumo apaa. Palabuatan anu sumo aijo' sa'angu' na han anu ma'idek hi mata nu Tumpu Allah nu belemiu ka' monsaduakon Ia da motambuha'.

PO'ULE' INGULIT 4:32

Soba tutugi apaa na anu tinimbalimo tempo'nyo naipuan mae belemiu ma'isa pe'e i hampe salatanmo pe'e sinaa momonanyo Tumpu Allah nompotimbali manusia i dunia aiya. Lio i songko-songko na dunia. Pa' toho'mo tinimbali na han anu daka' hondo sumo aijo'. Pa' toho'mo ko mian anu nohongo apaa na anu jinadimo sumo aijo'?

PO'ULE' INGULIT 4:35

Iwi-iwi' aijo' pinotoamo nu Tumpu hi belemiu da bau pomponyata' saba' ola Tumpu, aijo'mo na Tumpu Allah ka' madi'mo ko sangga'atannyo.

PO'ULE' INGULIT 5:16

O'adati ka' opalakai na tuuma ka' tina nu belemiu, aijo'mo na palentah-ngKu, Tumpu Allah nu belemiu, da belemiu mohumpak ka'ima'an ka' mantan na umun i lipu' anu Ku bee'mo hi belemiu.

PO'ULE' INGULIT 9:29

Panyo inau', Tumpu, saba' aha aiya bansa anu pinile'anmo nu Belento da timbalimo mian anu pinalesayamo hi Belento, ka' binoamo mae nu Belento lengkat i Mesir tiba kahosonan ka' kakuasa'an nu Belento anu daka'.”

KOLOSE 1:16

Kalana nontului jalan hi Ia, Tumpu nompotimbalimo iwi-iwi na apaa anu i suluga' ka' i bawo nu dunia, iwi-iwi na apaa na anu kantoan ka' anu madi' kantoan, tibamo suele iwi-iwi na roh anu ko kuasa ka' anu mompalentah. Songko-songko na dunia aiya pinotimbalimo montului jalan hi Kristus ka' da baumo anu i Kristus.

IBRANI 1:2

Panyo tempo' uuka Ia basisik hi kita, Anak-Nyomo na mompotoka hi kita. Anak-Nyomo aiya na nombau pakalaja'an nu Tumpu nompotimbali dunia aiya songko-songko. Ka' suele Tumpu nontantukanmo tukoonyo Anak-Nyomo aiya na mohaki iwi-iwi'.

ANU PINOTO'I HI YOHANES 4:11

“O Tumpu, o Tumpu mami! Ola Belento na pantas montalima pompuji', pongadati ka' kuasa. Kalana Belento na nompotimbali iwi-iwi' na apaa, ka' kalana pongka'oho' nu Belento suele iwi-iwi' apaa tinimbalimo, ka' tinumuu'mo.”