YEREMIA 27:18 - KITAB NU TUMPU ALLA LELE MA'IMAI'

¹⁸ De memang ahi' aha totu'u nabi, ka' nontalimamo potuunon lengkat hi beleng-Ku, tantu aha uuka aiya nomoitamo mae hi beleng-Ku, Tumpu Anu Mahakuasa da to bala-balang anu daagi' i uno nu Laigan-Ku tiba anu daagi' i laigan nu tomundo' i Yerusalem madi' binoa i Babel.

YEREMIA 27:18 ပူးပေါင်းရင်းမြစ်များ

KAJADIAN 20:17

Tumpu nompolengke'mo iwi-iwi' na boune hi laigan i Tomundo Abimelekh kalana apaa na anu tinimbalimo hi Sara bengkele' i Abraham aijo'. Lantas i Abraham binalado'amo hi Tumpu Allah, ka' Tumpu Allah nompo'alinmo i Abimelekh, bengkele'nyo ka' to posa-posaihonnyo boune, sahingga boune haha aijo' po'ule' mule' nohampeakon anak.

1 TOMU-TOMUNDO' 18:24

Nabi nu Baal haha aijo' balado'a hi pilogot nu aha, ka' aku suele balado'aje hi Tumpu. Anu montudunakon mae apu salaku pontaaminyo. Aijo'mo na Tumpu Allah.” Iwi-iwi' na mian da'isan nontaamimo daka-daka' na potatae, koonyo nu aha, “Situju.”

1 TOMU-TOMUNDO' 18:26

Sahingga aha nompile'mo sa'angu' na sapi' lantas pinotoukamo nu aha. Lapas aijo' aha binalado'amo hi Baal nu aha, lengkat pe'e daagi' subu sangkutnyo tinoka sonsu'un na sinaa, ka' lewa' nolo-noloboo', “Taami mae na kami Baal!” Sumo aijo' na aha nombau ka'mule' lewa'mo nonsalelei montikubi mezbah nu aha. Panyo' madi' hondo-hondo ko anu nontaami mae.

2 TAWARIKH 32:20

Sahingga binalado'amo na i tomundo Hizkia tiba i Nabi Yesaya anak i Amos. Aha nongkakaasemo nomoita tulung hi Tumpu Allah.

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEREMIA 18:20

Pa' pantas na palabuatan anu ma'ima' obalosakon nu palabuatan anu ma'idek? Panyo aha nongkekemo bolo' da aku manabu' i unonyo. Inau'akon mae kalana aku nontinjohimo aha i ahop nu Belento, da Belento bolimo montambuha'i aha.

YEREMIA 42:2

hi belengku ka' nompoto'i, “Kita tuuma, susumo anu pinosi toamo nu kita Tuuma, kami aiya naipuan mae manjoo', panyo uuka aiya me sangkiding. Opoita mami kita Tuuma da mondo'akon mae kami hi Tumpu Allah anu nu sombah nu kita Tuuma. Do'akon mae na kami anu daagi' tinontuha' aiya,

YEREMIA 7:16

Tumpu notatae, “O Yeremia boli mondo'akon mian haha aiya. Boli momoita tulung kabai mondoa'kon aha; boli mae montetengakon hi beleng-Ku kalana Aku madi' mohongo apaa na anu opoita nu belemiu atina'.

YEHEZKIEL 14:14

Maumo ahi' i Nuh, i Danel tiba i Ayub jojoong itampat aijo' saba' kanonongan nu kinyonyoa nu aha totolu' aijo' ola ahi' timbali momposalamat posi nyawa nu aha. Aku Tumpu Anu Matangkas na Kuasanyo notataemo.

YEHEZKIEL 22:30

Aijo' hi aha mian nu Israel haha aijo' Ku lio na mian anu timbali mompotinjo pagan mesen kabai tuminjo itampat-tampat anu ko anumo nohobo' na pagan nyo mesen da timbali montinjohakon lipu' aijo' de aku mohansunimo kalana Aku talalomo notambuha'; panyo mau samian madi' ahi' ko anu kinabot-Ku.

MALEAKHI 1:9

Uuka aiya, o, to ima-imam, soba pongkakase hi Tumpu da pa' Ia mongkalibosi mae kita. Ia madi' montaami mae do'a nu belemiu ka' aijo' posi kasala'an nu belemiu.

1 SAMUEL 12:19

Lantas notataemo na aha hi Samuel, “Tulungi mae kita Tuuma, do'akon mae na kami aiya hi Tumpu Allah nu belento da kami madi' silaka. Uuka aiya sinumbu'mo mami taalu' kami po'ule'mo nombau dosa susumo dosa' mami naipuan mae kalana nompoitamo samian na tomundo'.”

1 SAMUEL 12:23

Mongkona butongku ku amalakon da aku boli sampe baladosa' hi Tumpu kalana madi' mondo'akon belemiu, panyo ola ahi' aku suele saja' sabole-bole mombee'i pokinde' hahan anu ma'ima' ka' anu totu'u.

1 SAMUEL 7:8

Aha notataemo hi Samuel, “Sabole-bole pe'e mae balado'a hi Tumpu Allah-nto da kita nu posalamat boli nu poposia nu aha mian Filistin.”