YEREMIA 27:10 - KITAB NU TUMPU ALLA LELE MA'IMAI'

¹⁰ Aha mongakalimo belemiu sahingga belemiu oboamo jo'o-j'on opala'imo na lipu' nu belemiu. Ku laa'mo na belemiu da madi'mo jojoong ilipu' nu belemiu, ka' belemiu silakamo.

YEREMIA 27:10 ပူးပေါင်းရင်းမြစ်များ

NOSABATMO 22:18

Ihe-he na boune anu mompokonai hame tionyo opatei.

YEREMIA 14:14

Panyo tinaaman nu Tumpu, “Nabi haha aijo' nompoto'imo anu madi' totu'u kalana notataemo nomboa mae atas sanggong-Ku; Aku na madi' ahi' nonsai mae aha ka' madi' mule' ahi' nombee'i mae palentah kabai nompoto'i hi aha. Apa-apaa na anu tinoamo nu aha sisinisikmo nu aha na misa'ahi' lengkat mae hi beleng-Ku; aha nongkila-kilamo hahan anu jadi aiya mae i ahop, aijo' anu madi' kokaliangannyo, ola anu pinosi kuku nu aha ipala.

YEREMIA 23:16

Kona hi aha mian anu jojoong i Yerusalem, Tumpu Anu Balakuasa notataemo, “Boli mompotombihing potatae nu to nabi-nabi anu ola mompoto'i hahan anu otaha'imani padahan ola lekos. Aha ola mompoto'i posi pikilan anu nu potutugakon nu aha misa' ahi' potuunon-Ku.

YEREMIA 23:25

Iwi-iwi' na anu pinoto'imo nu nabi haha aijo' sinumbu'-Kumo. Nompakemo atas sanggong-Ku na aha nombaleko'i tukoonyo nu aha potuunon-Ku tinalimamo nu aha pino ipi mae.

YEREMIA 27:14

Boli mompotombihing to nabi-nabi anu montewa belento Tomundo' tundu' hi tomundo' nu Babel, kalana aha mongakalimo belento Tomundo'.

YEREMIA 27:15

Aha nompoto'i tukoonyo nu aha, aha binasisik nompake atas sanggo nu Tumpu, panyo aha baleko'. Posi Tumpu ahi' na nontaloakon tukoo-Nyo Ia madi' ahi' nonsai mae aha. Kalana aijo' Nu ga'a-ga'atakonmo ka' mompateimo i Tomundo' tiba to nabi-nabi anu binaleko'mo hi Tomundo'.”

YEREMIA 27:16

Lapas aijo' ku poto'imo hi to ima-imam ka' hi iwi-iwi' na mian da'isan tukoongku Tumpu notataemo mae sumo uuka, “Boli mompotombihing to nabi-nabi anu nompoto'i tukoonyo nu aha madi'mo daagi' pin to bala-balang anu i uno nu LaiganKu po ule'mo mae osule'akon lengkat mae i Babel. Aha baleko'.

YEREMIA 28:11

I ahop nu mian da'isan iwi-iwi' anu tohu-tohung ikiijo' tinaloakonnyomo, “Pinoto'imo nu Tumpu koo-Nyo sumo aiya na Ia mompato'akon tokon anu pinokona i Tomundo' Nebukadnezar i tundun nu bansa iwi-iwi'; Nu baumo nu Tumpu na aijo' i uno nu ohua' na taun aiya.” Lapas aijo' aku mule' ahi' nambamo.

YEREMIA 28:16

Kalana aijo' posi Tumpu ahi' na nompoto'imo mae tukoo-Nyo beleyum Nu pateimo da madi'mo daagi' ko anu i dunia aiya. Taunmo aiya na beleyum silakamo, kalana beleyum nompokaumo bansa aiya da madi'mo montuluti Tumpu.”

YEREMIA 32:31

Salatanmo pe'e kota' aiya binau miannyo nonsaduakonmo Aku da pinusamo hondo. Aku nontantukanmo da monsilakaimo aha,

YEREMIA 8:19

Hongo ahi' isongko-songko nalipu' kinolongnyomo kihis tiba haang nu bansangku mompokilawa, “Pa' madi'mo daagi' ko Tumpu kiita' i Sion? Iyamo mae na tomundo'nyo uuka aiya?” Tinaamanmo nu Tumpu, tomundo' nu aha, “Kadaka' belemiu tinolodadupumo monsombah to pilo-pilogot anu madi' hondo-hondo ko gunanyo? Kadaka' sinakitanmo nu belemiu na kinyonyoang-Ku nononsombahmo to pilo-pilogot?”

MOHAANGI 2:14

Anu pinotokakon nu to nabi-nabi hi belemiu, ola ahi' leko' ka' pongakali nu aha. Aha madi' toho' mompoto'i dosa' nu belemiu sahingga kalana aijo' beleyum madi' mobabali'i palabuatan nu dosa' nu beleyum. Ola mule'ahi' aha nompoto'i hi belemiu potatae anu toto bale-baleko' mompigalapi.

DANIEL 4:7

Panyo salatan anu topo tahi'i, anu ko pangatahuan, to mia-mian anu ko ilimu', ka' mule' anu ko ilimu' monsumbu' mandala', tinokamo mae sinisikumo na ipionku aijo' hi aha, madi' ko samian pe'e na anu noko ala nontalangkan alati'nyo.

ZAKHARIA 10:2

To mia-mian momoitamo hi to pilo-pilogot pa' mosia na nasipnyo ka' mule' mambamo hi mian anu topo tahi'i panyo anu pinoto'i mae nu aha aijo' ola ahi' leko' ka' palasuma madi' ahi' totu'u. Daagi' ko anu montalangkan ipion, panyo katalangan nu aha ola ahi' mompobingong belemiu, ka' potatae anu toto ima-ima' nunu poto'i nu aha madi' ahi' kokaliangannyo. Kalana aijo' mian da'isan noga'aga'atmo susumo domba. Aha singkapmo nagesuk kalana madi'mo ko polaya'nyo.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

PO'ULE' INGULIT 18:10

Atina' hi belemiu boli ko anu monsombahkon to ana-anaknyo salaku bau koloban anu opotunu. Ka' mau pe'e ola samian boli timbali mian anu lewa' montahi'i molio tanda pa' apaa na jadi, mompake ajimat-ajimat, kabai