YEREMIA 26:9 - KITAB NU TUMPU ALLA LELE MA'IMAI'

⁹ Baano hondo na beleyum montaloakon mompake atas sanggo nu Tumpu kooyum Laigan-Nyo aiya opojadimo susumo Silo ka' mule' kota' aiya ohansunimo ka' timbalimo tampat anu madi'mo daagi' ojoongi.” Lantas aku tinikubanmo nu aha mian, da'isan hondo.

YEREMIA 26:9 ပူးပေါင်းရင်းမြစ်များ

2 TAWARIKH 25:16

“Pomohokot”, na koonyo i Amazia, “De madi' opateimo mami na beleyum! Madi' toho' kami nohangkat beleyum da mompokinde'i i tomundo!” Sahingga nomohokotmo na nabi aijo', panyo ma'isa pe'e ia nomohokot ia daagi' notatae, “Uuka aiya sinumbu'kumo taalu' Tumpu Allah nontantukanmo da osilakaimo na belento Tomundo kalana belento Tomundo nombaumo han anu sumo aijo', ka' kalana belento Tomundo madi'mo nompajuli pokinde'ku.”

YESAYA 29:21

mian anu saja' mompobau-bau mian sangga'at, mian anu montewa' da boli ohukum na miana nu ma'idek na kinyonyoanyo ka' mule' mian anu saja' molea-leangakon sisik anu toto bale-baleko' da mian anu madi' tageo' na kinyonyoanyo boli obee'i ka adilan.

YEREMIA 32:3

nu tomundo' Zedekia kalana sinangkamo koonyo aku nombebakonmo Tumpu nompoto'i sumo uuka, “Tomundo' nu Babel Ku popilayamo da mompatundu'mo ka' monjojoongimo kota' aiya,

YEREMIA 33:10

Tumpu notatae, “Mian nontaloakonmo koonyo nu aha tampat aiya sumomo padang tampat anu nategesmo madi'mo daagi' ko miannyo kabai binatang anu monjojoongi aijo'. Potatae nu aha memang totu'u, kalana kota-kota' nu Yehuda tiba jalan-jalan nu Yerusalem iwi-iwi' madi'mo ko miannyo anu otoa; madi'mo daagi' ko mian kabai binatang anu jojoong ikiijo'.

YEREMIA 36:29

Tumpu nompalentahmo mae aku da mamba mompoto'i hi tomundo' sumo uuka, “Beleyum nompapuimo kitab anu ilulun aijo', ka' beleyum nompokilawamo hi Yeremia kadaka' ia nontulismo taalu' itomundo' Babel tokamo mae ka' mohansunimo lipu' aiya ka' mule' mompateimo miannyo anu jojoong i aiya tiba sinin na binatangnyo.

YEREMIA 9:11

Tumpu notatae, “Yerusalem Ku pojadimo tampat anu ihansunmo baumo tampat paninsulukan nu dedeng nu alas. Sinin na kota' nu aha Yehuda timbalimo liing, timbalimo tampat anu madi'mo ojojoongi.”

MOHAANGI 4:13

Panyo han aijo' jinadimo, kalana dosa' nu to ima-imam ka' to nabi-nabi. Aha nombubusakonmo baso', nu mian anu madi' ko sala'nyo.

AMOS 5:10

Belemiu mongka'ideki mian anu molawan mian anu madi' koka'adinan ka anu motatae madi' tageo' i uno nu pomputusian palakala.

MIKHA 2:6

To mia-mian binalakhotbamo mae hi belengku, koonyo nu aha, “Boli balakhotba mae hi kami. Boli balakhotbah mongkona han aijo' iwi-iwi'. Kami madi' mule' mohumpak ambang.

MATIUS 21:23

Lapas aijo', i Yesus ninsusule' i Laigan nu Tumpu, lantas ninsoop ka' nongajan i kiijo'. Tempo'nyo Ia hau-haunyo mongajan, Kapala nu to Ima-imam ka' to pola-polaya' nu Yahudi tinokamo hi Ia ka' nompokilawa, “Apaa na alasan nu Beleyum mombau iwi-iwi' aiya? Ihe na nombee'i hak aiya hi Beleyum?”

MATIUS 27:20

Panyo Kapala nu to Ima-imam ka' to pola-polaya' nu Yahudi sabole-bole monsale'i mian da'isan da mompoita hi Pilatus, da i Barabas opobebas ka' i Yesus na o hukum mate.

MARKUS 15:11

Panyo kapala nu to imam-imam nonsale'i mian da'isan da mompoita hi Pilatus monsabatakon i Barabas da aha sanang.

YOHANES 8:20

Iwi-iwi' aijo' tinaloakon i Yesus tempo'nyo aitu Ia hau-haunyo nompogulu' i Laigan nu Tumpu, koko tampat nu doi anu o sombahkon. Panyo madi' ko samian pe'e na anu mohakop Ia, kalana misa' pe'e toka na tempo'nyo.

YOHANES 8:59

Lantas to mia-mian nu Yahudi aijo' nontoluk batu bau pombunu'-Nyo; panyo i Yesus naninsulukmo, lantas nambamo nompala'i Laigan nu Tumpu.

SISIKON NU TO RASUL-RASUL 13:50

Panyo to pangka-pangkat daka' i kota aijo', ka' to bouboune gampa nu aha to mia-mian anu ko pangkat matangkas anu mabuhuk hi Tumpu, sinale'anmo nu to mia-mian Yahudi. Aha nonsabapi da mo'uwali tiba hi Paulus ka' i Barnabas, ka' nolaa' ua-ua'aha mompala'i tano' aijo'.

SISIKON NU TO RASUL-RASUL 21:30

Songko-songko na kota kinalangkabutmo ka' iwi-iwi' na mian nopadeka'mo mae ka' sinihukmo. Aha nohakopmo i Paulus ka' nohela'mo ia nosabat lengkat mae i Laigan nu Tumpu. Tempo'nyo aitu mule' tumban nu Laigan nu Tumpu pinotumbanmo.

SISIKON NU TO RASUL-RASUL 22:22

To mia-mian daagi' saja' mompotombihing i Paulus basisik, panyo tinoka i potatae anu i mihinyomo aijo' aha noloboo'mo daka-daka', “Pateimo na mian anu sumo aijo'. Ia madi' pantas tumuu'!”

SISIKON NU TO RASUL-RASUL 3:11

Mian aijo' saja'mo ahi' mombatuki Petrus ka' i Yohanes. Ka' tempo'nyo aha totolu'tinoka i gandalia anu osanggohi “Gandalia i Salomo”, iwi-iwi' na mian tinoka sinihuk hi aha kalana binangangmo.

SISIKON NU TO RASUL-RASUL 5:12

Kalana pakalaja'an nu to rasul-rasul ka' hahan anu ma'isa toho' tinimbali i totonga' nu mian da'isan. Iwi-iwi' na mian anu pinalesayamo sinihuk i Lambing i Salomo i Laigan nu Tumpu.

SISIKON NU TO RASUL-RASUL 5:28

Ia notatae, “Tinewa'mo mami na komiu, da bolimo hondo-hondo mongajan mongkona Mian aijo'. Panyo uuka soba toa pa' apaa na anu binaumo nu belemiu! Komiu nompolelemo pangajalan miu aijo' i songko-songko na Yerusalem, ka' komiu ola mule' monsangka saba' kamimo na anu nonsaduakon kinapatean nu Mian aijo'.”

SISIKON NU TO RASUL-RASUL 6:14

Kami nohongomo i Stefanus notatae, tukoonyo i Yesus anu lengkat mae i Nazaret aijo' montua'akonmo Laigan nu Tumpu aiya, lantas mombali'i iwi-iwi' adat kabiasa'an anu pinotokakonmo i Musa hi kita!”

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.