YEREMIA 26:5 - KITAB NU TUMPU ALLA LELE MA'IMAI'

⁵ Belemiu tionyo mule' ahi' mompotombihing apaa na anu nu poto'i nu posaihon-Ku, to nabi-nabi anu sabole-bole saja' Ku palentah mamba hi belemiu. Panyo belemiu madi' ka'oho' mompotombihing aha.

YEREMIA 26:5 ပူးပေါင်းရင်းမြစ်များ

2 TOMU-TOMUNDO' 17:13

Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

2 TOMU-TOMUNDO' 17:23

Sahingga ahennyo mae madi'mo Tumpu nonginau' aha, panyo ahi' ingalin-Nyomo na aha da bolimo jojoong i tano' anu binee'Nyomo hi aha. Aijo' jinadimo susumo anu pinoto'imo nu Tumpu hi aha anu pinotokamo nu to posa-posaihon-Nyo ka' to nabi-nabi. Sumo aijo'mo na mian nu Israel anu binoa nokiijo' i pinongalinan i Asyur ka' i kiijo'mo na aha jinojoong sampe sina uuka aiya.

2 TOMU-TOMUNDO' 24:2

Tumpu nonsaimo sa'angu' na tumpukan nu to sulu-suludadu lengkat mae i Babel, Siria, Moab, tiba Amon da mongewa i Yoyakim ka' monsila kaimo Yehuda susumo apaa na anu tinaloakon-Nyomo hi to nabi-nabi posaihonnyo.

2 TOMU-TOMUNDO' 9:7

Beleyummo na mompatei to julu-julu nu tuan nu beleyum i Ahab. Tiba jalan anu sumo aiya Aku nohukumo i Izebel anu nompatei to nabi-nabing-Ku ka' to posa-posaihon-Ku sangga'at.

EZRA 9:11

anu binee'mo nu Belento hi kami, pipinoto'imo mae nu to nabi-nabi to posa-posaihon nu Belento. Aha nompoto'imo hi kami tukoonyo tano' anu kahanda'mo o joongi mami aijo' madi'mo sinusi' kalana iwi-iwi' na mian anu monjoongi lengkat pe'e i pusnyo sa'angu' toka i pusnyo sa'angu' nombaumo anu mahumimi' ka' nahenyumo.

YEREMIA 11:7

Tempo'nyo Aku nomboamo mompolee' nu aha nosabat lengkat i Mesir, pinokeman-Ku mo na nompokinde'i aha da montuluti Aku. Sampe sinaa uuka mule' Aku daagi' saja' mompokinde'i mian anu palesayamo hi beleng-Ku mongkona han aijo',

YEREMIA 29:19

Iwi-iwi' aijo' jinadimo hi aha, kalana aha madi' ahi' montuluti potuunon-Ku anu saja'mo Ku poto'i hi aha anu sola-sola' nu poto'i nu to nabi-nabi aijo'mo to posa-posaihon-Ku. Aha madi' mongka'oho' mompalahatikan potuunon-Ku aijo'.

YEREMIA 32:33

Aha nohikumo mae Aku ka' maumo ahi' Aku salio-liomo aha, aha madi' ahi' mohongo-hongo Aku ka' mule' madi' ahi' ko kasinsumbu'annyo.

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

YEREMIA 35:17

Kalana aijo' Aku, Tumpu Anu Mahakuasa, Tumpu Allah Israel, mompotokamo mae aiya hi belemiu – mian nu Yehuda tiba Yerusalem – iwi-iwi' na balaa' anu tinantukan-Kumo mongkona belemiu, susumo anu pinoto'ing-Kumo. Han aijo' Ku baumo kalana belemiu madi' mongka'oho' mohongo-hongo de Ku poto'imo hi belemiu, ka' belemiu madi' mongka'oho' montaami salatan Ku lagamo na belemiu.”

YEREMIA 44:4

Aku saja'mo nompokau namba hi belemiu to posa-posaihon-Ku aijo'mo to nabi-nabi, anu nontewa' aha da bolimo mombau palabuatan anu ma'idek anu Ku ka'ideki aijo'.

YEREMIA 7:13

Maumo ahi' Ku po uli-ulitmo na motatae hi belemiu, panyo belemiu madi' ahi' mongka'oho' mompotombihing mae. Belemiu mombau dosa' aijo' iwi-iwi' ka' madi' mongka'oho' montaami de Ku lagamo.

YEREMIA 7:25

Salatanmo pe'e mompolee' nu belemiu nosabat mae lengkat i Mesir sampe sinaa aiya Aku saja'mo nongulus to posa-posaihon-Ku, to nabi-nabi namba hi belemiu.

YEHEZKIEL 38:17

Te misa' mongkona ahi' beleyum na Aku naipuan mae notataemo pinoto'ing-Ku hi to posa-posaihon-Ku aha to nabi-nabi Israel? Aha nongkila-kilamo apaa na anu jadi imihinyo mae, koonyo nu aha aiya mae i ahop Ku saimo na samian da montumbuhi Israel. Aku, Tumpu Anu Matangkas na Kuasanyo notataemo.”

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

ZAKHARIA 1:6

Aha to nabi-nabi posaihon-Ku haha aijo' pinoto'ing-Kumo na to pale-palentang-Ku ka' mule' to poki-pokinde'-Ku da opoto'i hi mompolee' nu belemiu. Panyo aha madi' nompajuli sahingga aha tionyo ahi' montanggung apaa na anu jadi saidi' mae imihinyo. Lantas aha nompele-pele'mo ka' mule' nongakuimo tukoonyo nu aha Akumo na Tumpu Anu Daka' na Kuasanyo mohukumo aha sitimbang tiba kasala'an nu aha ka' susumo ahi' anu tinantukan-Kumo.”

ANU PINOTO'I HI YOHANES 10:7

Panyo de malaikat ko popitu'nyo mompuuhimo tolompetnyo, Tumpu mombaumo anu tinanga'an-Nyomo, anu pinohowini-Nyomo aijo'. Sumo anu pinoto'i-Nyomo hi to posa-posaihon-Nyo, aijo'mo to nabi-nabi.”

ANU PINOTO'I HI YOHANES 11:18

To mia-mian anu madi' monsumbu' Tumpu, noto'idekmo kalana tinokamo na tempo'nyo na Kita mompobuntumo pusa-nTo, ka' mule' tempo'nyomo na Kita momputusimo palakala nu to mia-mian anu i natemo. Aiyamo na tempo'nyo mombee'imo tamboonyo hi to posa-posaihon-To, aijo'mo to nabi-nabi. Ka' iwi-iwi' na mian-To anu pinalesayamo, aijo'mo iwi-iwi' na mian anu monsombah Kita, daka' maupe'e ise'. Aiyamo na tempo'nyo mohopu'imo to mia-mian anu nongideimo dunia!”