YEREMIA 26:4 - KITAB NU TUMPU ALLA LELE MA'IMAI'

⁴ Tumpu nompalentahmo mae aku mompoto'i sumo uuka hi aha. “Aku, Tumpu nompalentahmo da belemiu tulu-tulutan hi beleng-Ku ka' mompojalan atulan-atulan anu binee'-Kumo hi beleyum.

YEREMIA 26:4 ပူးပေါင်းရင်းမြစ်များ

1 TOMU-TOMUNDO' 9:6

Panyo' de beleyum kabai lee' nubeleyum mohikumo Aku, ka' madi'mo montuluti atulan-Ku ka' palentah-ngKu haha aijo' ka' mule' beleyum monsombahmo to pilo-pilogot sangga'at,

YESAYA 1:20

Panyo de belemiu madi mohongo-hongo Aku, belemiu matemo i uno nu pahampatean. Akumo na Tumpu anu notataemo.”

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 22:5

Panyo de belemiu madi' ahi' montuluti sinin na palentah-ngKu, saba' Ku sumpa'mo na laigan nu tomundo' aiya da hansunmo. Aku, Tumpu notataemo.

YEREMIA 32:23

Panyo salatan aha tinokamo ilipu' aiya ka' po ule'mo no ngala lipu' aiya, aha madi'mo nontuluti palentah iwi-iwi' nu Belento, ka' madi'mo tinumuu' mombatuki ajalan-ajalan nu Belento. Iwi-iwi' na anu Nu palentahkon hi aha mau sa'angu' madi' ko anu binau nu aha. Kalana aijo' Belento nompotokamo mae iwi-iwi' na balaa' aiya hi aha.

YEREMIA 44:10

Panyo sampe toka sinaa uuka belemiu madi' ahi' mangaku sala'. Belemiu madi'mo mae nongadati Aku ka' madi'mo tinumuu' montuluti atulan anu pinalentahkon-Kumo hi belemiu ka' hi mompolee' mae nu belemiu.

YEREMIA 7:14

Jadi Laigan-Ku ota-otaha'imani nu belemiu ka' tampat anu binee'-Kumo hi mompolee' nu belemiu ka' mule' hi mompolee' nu belemiu ka' hi belemiu aiya saidi' mae Ku baumo susumo Silo naipuan mae.

PO'ULE' INGULIT 11:32

belemiu tionyo ahi' tulu-tulutan hi atulan iwi-iwi' anu pinotokakonmo hi belemiu sinaa aiya.”

PO'ULE' INGULIT 31:20

Aha Ku boamo mamba i lipu' anu kaya ka' ma'omuk susumo anu jinanji'-Kumo hi mompolee' nu aha. Ikiijo' mae na aha tumuu'mo sanang ka' mohumpakmo ngangahan nu anu okaan apaa na anu nupalalui nu aha. Panyo lapas aijo' aha tolosule'mo ka' monsombahmo to pilo-pilogot sangga'at. Aha madi'mo mongala Aku ka' mompojalomo palajanjian-Ku,

PO'ULE' INGULIT 4:44

Lantas i Musa nombee'imo atulan haha aiya ka' mule' palentah nu Tumpu Allah haha aiya hi bansa Israel.

PO'ULE' INGULIT 4:8

Ka' bansa daka' iya na anu ko atulannyo susumo aijo' na ko adinnyo pokakana sumo atulan anu pinogulu'kumo hi belemiu sinaa aiya?

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.