YEREMIA 26:2 - KITAB NU TUMPU ALLA LELE MA'IMAI'

² Tumpu notataemo mae hi belengku, “Lako mamba tuminjo' ipopasan nu Laigan-Ku ka' potataemo hi aha mian anu jojoong Yehuda anu toka mae monsombah ikiijo'. Poto'i hi aha iwi-iwi' na anu Ku palentahkon hi beleyum da opoto'iakon hi aha. Boli oga'ai mau ola sangkiding.

YEREMIA 26:2 ပူးပေါင်းရင်းမြစ်များ

YEREMIA 1:17

Balasadiamo, Yeremia! Lako'mo ka' poto'imo hi aha, iwi-iwi' na anu pinalentahkon-Kumo hi beleyum. Boli mabuhuk hi aha da beleyum boli mule' Ku pojadi lebe mabuhuk de mompaha ahopmo tiba aha.

YEREMIA 1:7

Panyo tinaaman nu Tumpu, “Boli otaloakon beleyum daagi' anak. De Aku na monsai beleyum maumo pa' hihe na kalambanan, beleyum tionyo ahi' mamba ka' iwi-iwi' na anu Ku palentahkon tionyo ahi' nu poto'i nu beleyum hi aha.

YEREMIA 19:14

Lantas pinala'iankumo na Tofet tampat aku pinalentah da namba nokiijo' mompoto'i potuunon nu Tumpu. Aku nambamo ipopasan iLaigan nu Tumpu ka' tinuminjomo ikiijo' lantas pinoto'ingku hi iwi-iwi' na mian,

YEREMIA 23:28

Nabi anu nongipimo sabenannyo ahi' mompoto'i, ‘Aiya ola anu ingipi.’ Panyo nabi anu nohumpakmo potuunon lengkat mae hi beleng-Ku na tionyo ahi' mompoto'i potuunon aijo' tiba sahondo-hondonyo. Gandum madi' timbali opokakanakon tiba hatinyo.

YEREMIA 25:2

Ku poto'i hi aha songko-songko na bansa Yehuda tiba hi aha mian anu jojoong i Yerusalem.

YEREMIA 28:5

Sahingga i ahop nu to ima-imam tiba iwi-iwi' na mian da'isan anu sika-sika tinjo i Laigan nu Tumpu aijo', pinoto'ingkumo hi Hananya,

YEREMIA 36:10

Lantas binasa'akonmo i Barukh na kitab anu ilulun aijo' iwi-iwi' na anu kiijo' ikitab apaa na anu pinoto'ingkumo ka' iwi-iwi' na mian nohongomo. Nombasa' aijo' binau kiijo' i uno nu Laigan nu Tumpu ikantoon i Gemarya anak i Salum julutulis nu negara. Kantoon aijo' binau ipopasan sasu aita' mae, koko jalan pinsoopan i Sabatan Daka' Bu'ou kiijo' i Laigan nu Tumpu.

YEREMIA 42:4

Tinaamanku, “Ma'ima'mo de sumo itina', ku situjui apaa na anu kinakakasemo nu belemiu atina'. Aku balado'amo hi Tumpu Allah-nto, ka' pa' apaa na pontaami-Nyo mae ku sisikje iwi-iwi'; maumo sa'angu' madi' ku pohowini hi belemiu.”

YEREMIA 7:27

Lapas aijo' Tumpu notataemo, “Kalana aitu o Yeremia, maumo ahi'beleyum mompoto'i iwi-iwi' aijo' hi aha mian anu palesayamo hi beleng-Ku, aha madi' ahi' mompalahatikan potatae nu beleyum. Maumo ahi' nu laga nu beleyum na aha, madi' ahi' nu taami nu aha.

YEHEZKIEL 3:10

Lapas aijo' Tumpu notatae mule', “O, manusia anu madi' tumuu' batu, palahatikan ima-ima' ka' o, inau' pa apaa na anu Ku poto'i hi beleyum.

YEHEZKIEL 33:7

O manusia anu madi' tumuu' batu, beleyum ihangkat-Kumo da bau ponjagai bansa Israel. Poto'i hi aha na pokinde' aiya;

YEHEZKIEL 40:4

Mo'ane aijo' notataemo mae hi belengku, “O manusia anu madi' tumuu' batu, potombihing mae ima-ima' ka' opalahatikan iwi-iwi' na anu ku potoa hi beleyum, kalana makisud aijo' sahingga beleyum binoamo mae no uuka. Poto'i hi aha iwi-iwi' bansang Israel apaa na anu tinoamo nu beleyum.”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

LUKAS 19:47

Sansina-sinaa i Yesus mompogulu' i Laigan nu Tumpu. Kapala nu to ima-imam tiba gulu-gulu' agama, tiba to tu'a-tu'anyo nu Yahudi mongindi da o pateimo na Ia,

YOHANES 18:20

I Yesus nontaami, “Aku saja' basisik sahondo-hondonyo i ahop nu mian da'isan. Aku saja' mompogulu' i to lai-laigan Pogalejaan ka' i Laigan nu Tumpu, tampat nu mian Yahudi biasanyo silimu'. Madi' toho' Aku montaloakon apa-apaa maninsuluk.

YOHANES 8:2

Dodododopnyo subu-subu Ia namba mule' i Laigan nu Tumpu, ka' da'isan na mian tinokamo hi Ia. I Yesus sinumuhang, lantas nontampu'unimo nompogulu' aha.

SISIKON NU TO RASUL-RASUL 20:20

Kita utus monsumbu' saba' saja'mo pinoto'ingku hi komiu apaa na anu ko gunanyo hi komiu. Aku mongajan komiu i posa'angu'an-posa'angu'an nu mian da'isan i to lai-laigan.

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

SISIKON NU TO RASUL-RASUL 5:25

Lapas aitu tinoka na samian na mo'ane nomboa mae lele aijo', “Hongo! To mia-mian anu pinosoop nu Tuan-tuan i talungku' aijo', uuka aiya hau-haunyo mongajan mian da'isan i Laigan nu Tumpu!”

SISIKON NU TO RASUL-RASUL 5:42

Ka' sansina-sinaa i Laigan nu Tumpu ka' i to lai-laigan nu mian mongajan ka' mompolele Lele Ma'ima' mongkona i Yesus tukoonyo nu aha Iamo na Tomundo anu Momposalamat anu jina-jinanji'mo aijo'.

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

PO'ULE' INGULIT 12:5

Songko-songko na da'erah nu to tulu-tulunan nu aha Israel Tumpu Allah nu belemiu mompile'ije sa'angu' na tampat da bansanto moko ala toka i ahop-Nyo ka' monsombah Ia.

PO'ULE' INGULIT 4:2

Apaa na anu ku palentahkon, boli otuangi kabai oga'ai mau ola sangkiding. Tuluti na palentah nu Tumpu Allah nu belemiu iwi-iwi' anu binee'kumo hi belemiu.

YOSUA 8:35

Batu-batu palentah i Musa binasa'akonmo i Yosua hi aha iwi-iwi' mian Israel anu sinihuk ikiijo' tibamo to bou-boune, to ana-anak, ka' to mia-mian anu lengkat mae i salipu'an anu jojoong kiijo' hi aha.

ANU PINOTO'I HI YOHANES 22:19

Ka' de mian mongga'ai apa-apaa na potatae haha aiya anu saidi' mae jadi, apaa na anu pinoto'imo nu Tumpu, saba' Tumpu Allah suele mongga'aije bahagiannyo anu tinulismo i uno nu kitab aiya – aijo'mo bahagian lengkat i kau' kantumuu'an, ka' lengkat i Kota Susi' aijo'.