YEREMIA 26:16 - KITAB NU TUMPU ALLA LELE MA'IMAI'

¹⁶ Sahingga to mia-mian anu toto tangka-tangkas na pangkatnyo i uno nu pamalentahan tiba aha mian daisan notataemo hi to ima-imam ka' hi to nabi-nabi haha aijo', “Mian aiya motatae mompake atas sanggo nu Tumpunto; madi' pantas na ia ohukum mate.”

YEREMIA 26:16 ပူးပေါင်းရင်းမြစ်များ

SISIKON NU TO RASUL-RASUL 23:29

Padahan ia madi' nombau apa-apaa anu pantas o hukum nu hukuman mate kabai o talungku'. Pontuukan nu aha hi ia ola ahi' anu ko sangkutannyo tiba atulan-atulan i posi agama nu aha.

SISIKON NU TO RASUL-RASUL 23:9

Jadi talalomo hondo na pinainggaga. To pia-piangkuka na mian nu Farisi anu tinimbalimo gulu' agama tinuminjomo ka' nonggagakon totu-totu'u. Aha notatae, “De mongala i pongka'oho' mami, mian aiya sangkiding pe'e madi' ko sala'nyo! Ugaat totu'u daagi' ko roh kabai malaikat anu notatae hi ia!”

SISIKON NU TO RASUL-RASUL 25:25

Panyo aku madi' nongkabot apa-apaa pe'e anu binaunyomo, da timbali o hukum nu hukuman mate. Ka' kalana pinosi poitanyomo na palakalanyo o putusi i pomputusian nu Kaisar, aku nontantukanmo da momboa ia hi Kaisar.

YEREMIA 36:19

“Beleyum tiba i Yeremia tionyo ahi' maninsuluk. Boli sampe nusumbu' nu mian na paninsulukan nu belemiu aijo',” na koonyo nu aha.

LUKAS 23:47

Salatan tinoa nu kapala nu suludadu apaa na anu tinimbalimo aijo', ia nompuji'mo Tumpu. Lantas ia notataemo, “Totu-totu'u, Ia madi' ko sala'nyo!”

LUKAS 23:41

Ola hukuman hi kita ohua' yo timbangnyomo tiba anu binaunto! Panyo Ia madi' hondo ko sala'nyo!”

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

YEREMIA 26:11

To ima-imam tiba to nabi-nabi notataemo hi aha to mia-mian anu toto tangka-tangkas na pangkatnyo haha aijo' ka' hi aha mian da'isan, “Mian aiya patutmo ohukum mate kalana ia nontaloakonmo potatae, anu mongka'ideki kota'to aiya. Belemiu suele nohongomo ahi'.”

AMSAL 16:7

De beleyum momposanang kinyonyoa nu Tumpu; iwi-iwi' na sampo bali' nu beleyum Nu potimbali sangalu nu beleyum.

ESTER 4:14

Mian nu Yahudi tionyo ahi ko anu montulungi maumo pa' oposia sahingga madi' osilakai. Panyo de beleyum ola momohokot i han anu susumo aiya, beleyum saidi' mae silaka ka' mule' utus mae nu tuuma nu beleyum madi'mo daagi' ko tuusanannyo. Ihe na monsumbu' i hahan susumo aiya sahingga beleyum pinile'anmo binau bengkele' nu tomundo!”

YEREMIA 34:10

Iwi-iwi na mian daisan ka' iwi-iwi na pegawe nu pamalentah anu binala janji'mo da mombebaskan mo to botu-botuan nu aha ka' madi'mo ahi daagi mombotuani, totu-totu'u mompobebasmo to botu-botuan nu aha aitu.

YEREMIA 37:15

Aha notambuha'mo hondo hi belengku ka' nompalentahmo da aku opahandokeakon ka' otahanmo i laigan i Yonatan julutulis nu negara. Laigan aijo' pinojadimo salaku talungku'.

MAZMUR 94:16

Ihe na montinjohi aku mohukum mian anu singkap palaganta? Ihe na monsangaja'i aku mongewa mian anu mombau anu ma'idek?