YEREMIA 26:11 - KITAB NU TUMPU ALLA LELE MA'IMAI'

¹¹ To ima-imam tiba to nabi-nabi notataemo hi aha to mia-mian anu toto tangka-tangkas na pangkatnyo haha aijo' ka' hi aha mian da'isan, “Mian aiya patutmo ohukum mate kalana ia nontaloakonmo potatae, anu mongka'ideki kota'to aiya. Belemiu suele nohongomo ahi'.”

YEREMIA 26:11 ပူးပေါင်းရင်းမြစ်များ

YEREMIA 18:23

Panyo, Belento o Tumpu monsumbu' apaa na anu tinanga'anmo nu aha da mompateimo mae aku. Kalana aijo' bolimo mongampuni mae aha; bolimo mohapusi kasala'an nu aha. Dokemo na aha sampe tombahangkangmo. Baumo pa' apaa na obau hi aha kalana notambuha'mo na Belento.”

YEREMIA 26:16

Sahingga to mia-mian anu toto tangka-tangkas na pangkatnyo i uno nu pamalentahan tiba aha mian daisan notataemo hi to ima-imam ka' hi to nabi-nabi haha aijo', “Mian aiya motatae mompake atas sanggo nu Tumpunto; madi' pantas na ia ohukum mate.”

YEREMIA 38:4

Sahingga nambamo na to mia-mian anu ko pangkatnyo haha aijo' hi tomundo' ka' nompoto'i, “Mian aiya tionyo ahi' opatei na hukumannyo. Kalana sababnyo ia nontaloakonmo susumo aijo' sahingga to sulu-suludadu ihentemo na kinyonyoa nu aha iwi-iwi' ka' mian sangga'at anu daagi' jinojoong ikota' aiya. Ia madi'mo nontulungi mian da'isan panyo ola mule' ahi' nonsilakaimo aha.”

MATIUS 26:66

Uuka mosia na pikilan miu?” Aha nontaami, “Ia sinala'mo ka' tionyo opateimo.”

YOHANES 18:30

Aha nontaami, “De Ia madi' ko sala'nyo, kami madi' nomboa mae Ia hi kita Tuumangku Gubernur.”

YOHANES 19:7

To mia-mian nu Yahudi aijo' nontaami, “De pongka'oho' nu atulan mami, Ia tionyo o hukum mate, kalana Ia mangaku butong-Nyo Anak nu Tumpu.”

SISIKON NU TO RASUL-RASUL 22:22

To mia-mian daagi' saja' mompotombihing i Paulus basisik, panyo tinoka i potatae anu i mihinyomo aijo' aha noloboo'mo daka-daka', “Pateimo na mian anu sumo aijo'. Ia madi' pantas tumuu'!”

PO'ULE' INGULIT 18:20

Panyo de samian na nabi baani na mompoto'i apa-apaa na potuunon kalana sanggong-Ku, padahan Aku madi' nompokau ia mombau sumo aijo', ia tionyo ahi' mate; sumo aitu mule' batu-batu nabi anu motatae de kalana sanggo nu to pilo-pilogot sangga'at tionyo ahi' mate.’

TO MIA-MIAN KOPIAN 6:30

Lantas aha notataemo hi Yoas, “Anak nu beleyum nongideimo mezbah nu Baal ka' nontua'akonmo ohi'nyo anu bau pontandai Pilogot boune Asyera anu i sohipi'nyo nu mezbah aijo'. Kalana aitu, boa mae na anak nu belento aijo' i sambiha'nyo aiya. Ia tionyo ahi' opateimo!”