YEREMIA 26:10 - KITAB NU TUMPU ALLA LELE MA'IMAI'

¹⁰ Salatan to mia-mian anu toto tangka-tangkas na pangkatnyo i uno nu pamalentahan Yehuda nohongomo apaa na anu jinadimo aijo', aha sampamo mae nosabat aijo' iLaigan nu tomundo' lantas nambamo iLaigan nu Tumpu, ka' sinumuhangmo i Sabatan Daka' anu salaje' Binau.

YEREMIA 26:10 ပူးပေါင်းရင်းမြစ်များ

2 TOMU-TOMUNDO' 15:35

Panyo moko sala'nyo tampat anu lewa' ponsomban pilogot madi' ingideannyo sahingga mian da'isan saja' ahi' monsombahkon ko koloban ka' mompapui kamangian i kiijo'. I Yotam na mombau Sabatan Daka' sasu Utara i Laigan nu Tumpu.

2 TAWARIKH 27:3

Aitumo i Yotam na nombau Sabatan Daka' sasu Utara i Laigan nu Tumpu, ka' nompaka pohoson pagan mesen nu Yerusalem i da'erah anu osanggohi ofel.

YEREMIA 20:2

pinalentahkonnyomo da aku opahanjagunakon ka' opanga' i Sabatan Daka' Benyamin, sabatan daka' sasu buannyo i Laigan nu Tumpu.

YEREMIA 26:21

Salatan i Tomundo' Yoyakim tiba to sulu-suludadu anu toto tangka-tangkas na pangkatnyo ka' mule' to mia-mian anu tota tangkas-tangkas na pangkatnyo i pamalentahan nohongomo anu tinaloakon i Uria, i tomundo' kinogau'mo da opateimo na ia. Panyo salatan ihongomo i Uria na han aijo' ia nabuhukmo ka' nopalaimo namba i Mesir.

YEREMIA 26:24

Panyo uuka aiya kalana balakat tinulunganmo mae i Ahikam anak i Safan, aku i Yeremia madi'mo binee' hi aha mian da'isan da pinatean.

YEREMIA 34:10

Iwi-iwi na mian daisan ka' iwi-iwi na pegawe nu pamalentah anu binala janji'mo da mombebaskan mo to botu-botuan nu aha ka' madi'mo ahi daagi mombotuani, totu-totu'u mompobebasmo to botu-botuan nu aha aitu.

YEREMIA 36:10

Lantas binasa'akonmo i Barukh na kitab anu ilulun aijo' iwi-iwi' na anu kiijo' ikitab apaa na anu pinoto'ingkumo ka' iwi-iwi' na mian nohongomo. Nombasa' aijo' binau kiijo' i uno nu Laigan nu Tumpu ikantoon i Gemarya anak i Salum julutulis nu negara. Kantoon aijo' binau ipopasan sasu aita' mae, koko jalan pinsoopan i Sabatan Daka' Bu'ou kiijo' i Laigan nu Tumpu.

YEHEZKIEL 22:27

To pama-pamalentahnyo sumomo ahi' serigala anu nombente-bentekmo kaanonnyo. Aha sola'mo nompatei mian ola kalana da molio ka untungan.

YEHEZKIEL 22:6

Iwi-iwi' na to pola-polaya' nu aha Israel ola saja' mongkatabunakon posi kahosonan nu aha ka' saja' mompatei.