YEREMIA 25:3 - KITAB NU TUMPU ALLA LELE MA'IMAI'

³ “Inguampulu' ka' totolu' na taun na kinopinnyo, salatanmo pe'e itaun kinosampulu'nyomo ka' totolu' na i Yosia nompalentah Yehuda anak momo'ane i Amon sampe tinoka isinaa aiya Tumpu notataemo mae hi belengku ka' madi' toho' madi' pinoto'ingku hi belemiu apaa na anu pinoto'i-Nyomo mae. Panyo madi' ahi' pinajulian nu belemiu.

YEREMIA 25:3 ပူးပေါင်းရင်းမြစ်များ

YEREMIA 26:5

Belemiu tionyo mule' ahi' mompotombihing apaa na anu nu poto'i nu posaihon-Ku, to nabi-nabi anu sabole-bole saja' Ku palentah mamba hi belemiu. Panyo belemiu madi' ka'oho' mompotombihing aha.

YEREMIA 11:7

Tempo'nyo Aku nomboamo mompolee' nu aha nosabat lengkat i Mesir, pinokeman-Ku mo na nompokinde'i aha da montuluti Aku. Sampe sinaa uuka mule' Aku daagi' saja' mompokinde'i mian anu palesayamo hi beleng-Ku mongkona han aijo',

YEREMIA 1:2

Tumpu notatae hi Yeremia itaun kinosampulu'nyomo ka' totolu' nu i Yosia nompalentah anak i Amon tomundo' nu aha Yehuda.

YEREMIA 7:13

Maumo ahi' Ku po uli-ulitmo na motatae hi belemiu, panyo belemiu madi' ahi' mongka'oho' mompotombihing mae. Belemiu mombau dosa' aijo' iwi-iwi' ka' madi' mongka'oho' montaami de Ku lagamo.

YEREMIA 29:19

Iwi-iwi' aijo' jinadimo hi aha, kalana aha madi' ahi' montuluti potuunon-Ku anu saja'mo Ku poto'i hi aha anu sola-sola' nu poto'i nu to nabi-nabi aijo'mo to posa-posaihon-Ku. Aha madi' mongka'oho' mompalahatikan potuunon-Ku aijo'.

2 TAWARIKH 34:8

I taun ko sampulu'nyomo ka' ualu' na i Yosia nompalentah, nokolapas na ia lewa'mo nongalini bapilogotan madi'mo ko anu nonsombah kiijo' i Laigan nu Tumpu ka' songko-songko na lipu', ia nonsaimo mian aha totolu' da mompokopiani Laigan nu Tumpu Allah. Aha totolu' na mian haha aijo' atina'mo: i Safan anak i Azalya, i Maasyea gobolonun nu Yerusalem, ka' i Yoah anak i Yoahas, mian anu ko pangkatnyo matangkas.

2 TAWARIKH 34:3

Salatan 8 taunmo na tinimbali tomundo, tempo'nyo aitu umunnyo ma'isa talalo motu'a, i Yosia nonsombahmo Tumpu Allah anu nusombah i Tomundo Daud mompolee'nyo. Salatan 4 taunmo na ia nompalentah ia nontampu'unimo lewa' nongidei iwi-iwi na tampat anu ponsomban pilogot, iwi-iwi na patong Pilogot boune Asyera ka' mule' tampat bapilogotan sangga'at.

2 TIMOTIUS 4:2

Tionyo ahi' beleyum saja' mompolele lele lengkat mae hi Tumpu Allah aijo', ka' sabole-bole opoita da mian mohongo pa' aha mongka'oho', kabai madi'. Tionyo ahi' beleyum bala usaha da mian palesaya totu-totu'u, mompoto'i kasala'an ka' mongkakeha'i aha. Pagala osabalakon na mongajan mian.

YOHANES 8:47

Mian anu nolengkat mae hi Tumpu, mohongo potatae nu Tumpu. Panyo komiu misa' lengkat mae hi Tumpu, mokonyo aijo' komiu madi' mongka'oho' mohongo.”

YOHANES 8:2

Dodododopnyo subu-subu Ia namba mule' i Laigan nu Tumpu, ka' da'isan na mian tinokamo hi Ia. I Yesus sinumuhang, lantas nontampu'unimo nompogulu' aha.

MARKUS 1:35

Dodododopnyo, daagi' subu-subu hondo i Yesus nobula ka' nompala'i laigan. Ia namba nokiijo' i tampat anu liing i sambiha' nu kota, ka' binalado'a i kiijo' mae.

YEREMIA 44:4

Aku saja'mo nompokau namba hi belemiu to posa-posaihon-Ku aijo'mo to nabi-nabi, anu nontewa' aha da bolimo mombau palabuatan anu ma'idek anu Ku ka'ideki aijo'.

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

YEREMIA 25:4

Tumpu mule' ahi' saja'mo nonsai namba hi belemiu to nabi-nabi salaku to posa-posaihon-Nyo, panyo belemiu madi' ahi' mongka'oho' mompotombihing ka' mompalahatikan aha.

YESAYA 55:2

Bau apaa na mongoli tulu-tulumo anu madi' moko pa'osa, ka' bau apaa na mokalaja de madi' momposanang? Batukimo na palentang-Ku, da belemiu mongkaan anu ma'ima', ka' molasaimo kaanon anu matami'.

MAZMUR 81:13

Kalana aijo' pinojoho-Kumo na aha da pinanggagamo, bakasmo na aha da mombatukimo posi pongka'oho' nu aha.

1 TOMU-TOMUNDO' 22:3

Ma'isa pe'e i Yosafat tinoka pinoto'imo i Ahab hi to sulu-suludadunyo anu matangkas na pangkatnyo, “Da osumbu' nu belemiu, saba' kota' Ramot anu aijo' i da'erah Gilead, kita na tumpunyo! Kadaka' madi' po'ule' o'alanto hi tomundo' Siria?”

NOSABATMO 8:20

Tumpu notatae hi Musa, “Lako' dodop subu-subu hondo singkaboti na i tomundo hau-haunyo ia mokaiyongmo i kaunyo, ka' potokakon hi ia na potataeng-Ku aiya: 'Pobee'mo mae na mian anu pinalesayamo hi beleng-Ku mambamo monsombah Aku.

KAJADIAN 22:3

Dodo-dodopnyo daagi' subu-subu, i Abraham nombiha-biha'mo kau' bau pompapui koloban ka' nombutu'mo kau' aijo' pinosake'nyo i keledainyo. Ia namba tiba i Ishak ka' ua'aha na mian posaihonnyo mamba i tampat anu pinoto'i nu Tumpu Allah hi ia.

2 TAWARIKH 34:1

I Yosia umunnyo 8 taunmo tempo'nyo aitu ia tinimbalimo tomundo nu Yehuda, ka' ia nompalentahmo i Yerusalem 34 na taun na kinopinnyo.

2 TAWARIKH 36:15

Tumpu, Tumpu Allah nu mompolee' nu aha, saja'mo nonsai mian-Nyo da mompokinde'i mian anu pinalesayamo hi Ia kalana nukanonongi na aha ka' Laigan-Nyo.

YEREMIA 7:25

Salatanmo pe'e mompolee' nu belemiu nosabat mae lengkat i Mesir sampe sinaa aiya Aku saja'mo nongulus to posa-posaihon-Ku, to nabi-nabi namba hi belemiu.

YEREMIA 32:33

Aha nohikumo mae Aku ka' maumo ahi' Aku salio-liomo aha, aha madi' ahi' mohongo-hongo Aku ka' mule' madi' ahi' ko kasinsumbu'annyo.

YEREMIA 35:14

I Yonadab nontewa'mo lee'nyo da boli monginum anggur ka' tinulutanmo ahi' nu aha na palentah aijo'. Sampe sinaa uuka madi' ko samian pe'e na aha na anu monginum anggur. Panyo Aku na saja' ahi' mompoto'i hi belemiu panyo belemiu madi' ahi' mongka'oho mohongo-hongo.

YEREMIA 36:1

Itaun kino opatnyomo salatan i Yoyakim anak i Yosia tinimbalimo tomundo' nu aha Yehuda, Tumpu notataemo mae hi belengku,

YEREMIA 36:2

“Ala na kitab sa'angu' anu ilulun, ka' tulis ikiijo' iwi-iwi' na anu pinoto'ing-Kumo hi beleyum mongkona Israel tiba Yehuda ka' mule' mongkona iwi-iwi' na bansa. Tulis iwi-iwi na potataengKu lengkat pe'e mae momonanyo Aku notataemo hi beleyum tempo'nyo i Tomundo' Yosia nompalentahmo sampe tempo uuka aiya.

2 TOMU-TOMUNDO' 17:13

Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

2 TAWARIKH 24:19

Tumpu nonsaimo to nabi-nabinyo da mompokinde'i aha da po'ule' palesaya hi Tumpu, panyo mian da'isan madi'mo mongka'oho' mompotombihing.

YEREMIA 19:15

koongku Tumpu Anu Mahakuasa Tumpu Allah nu Israel nompoto'imo mae sumo uuka, “Kalana belemiu panggaga hondo, ka' madi' mongka'oho' mohongo-hongo, saba' taalu' Ku potokamo mae ikota' aiya ka' hi iwi-iwi' na kampung anu toto ise-ise' anu minsoop daerah aiya, sinin na balaa' anu memang pinoto'ing-Kumo.”

YEREMIA 22:21

Pinoto'ing-Kumo hi belemiu salatanmo pe'e ka ada'an nu belemiu daagi' na'ima' panyo belemiu madi' mohongo-hongo. Memang sumo aijo'mo na kalakuan nu belemiu naipuan pe'e mae sangkutnyo tempo' uuka aiya; madi' toho' belemiu mongka'oho' tulu-tulutan mae hi beleng-Ku.

YEHEZKIEL 33:4

De ihe na mohongomo tanda bahaya aijo' panyo madi' mompajuli, ka' sampobali' tokamo mae ka' mompateimo ia, saba' ia silaka aijo' kalana posi kasala'annyomo ahi'. Panyo de ia mompajuli ahi' tanda bahaya aijo' tantu ia salamat madi' opatei.

ZAKHARIA 1:4

Boli montiho susumo mompolee' nu belemiu. Daagi' pe'e naipuan mae to nabi-nabi nompotokamo potuunon-Ku hi aha da aha bolimo mombau palabuatan anu ma'idek, ka' mombau dosa'. Panyo aha madi' nompajuli ka' madi' nongka oho' tinulu-tulutan hi beleng-Ku.