YEREMIA 24:8 - KITAB NU TUMPU ALLA LELE MA'IMAI'

⁸ Panyo i Zedekia tomundo' nu aha Yehuda tibamo aha mian anu ko pangkatnyo ka' anu ohani hi ia, ka' mule' tuha'nyo nu mian Yerusalem anu sinatataapnyo ilipu' aiya kabai nolalinmo namba i Mesir, aha iwi-iwi' Ku baumo susumo bua' nu kau' ara anu toto mahu-mahutak aiya, anu madi'mo timbali okaan. Aku, Tumpu notataemo.

YEREMIA 24:8 ပူးပေါင်းရင်းမြစ်များ

1 TAWARIKH 3:15

I Yosia kino anak mo'ane aha opat: i Yohanan, i Yoyakim, i Zedekia, tiba i Yoahas.

YEREMIA 13:7

Sahingga nambamo na aku, ka' nonsabatakonmo mae lipa' kodo-kodo' aijo' itampat pinomposulukanku. Pada han lipa' kodo-kodo' aijo' inahu'mo ka' madi'mo ahi' daagi' ko gunanyo.

YEREMIA 21:10

Noko tantukan-Kumo da mohansunimo kota' aiya ka' madi'mo daagi' mongkalibosi ia. Kota' aiya obee'mo hi tomundo' Babel; da nu papuimo sampe motanggotmo ingko-ingkot. Aku, Tumpu, notataemo.”

YEREMIA 24:2

Ponang anu palatamanyo ko isinyo bua' nu kau' ara anu toto ima-ima' sumo bua' nu kau' ara anu momona ingala na bua'nyo, panyo ponang anu ko ohua'nyo ko isinyo bua' nu kau' ara anu singkapmo nahutak, sahingga madi'mo timbali okaan.

YEREMIA 24:5

“To mia-mian anu pinojohok-Kumo binoa i Babel aijo' Ku anggap sumomo bua' nu kau' ara anu toto ima-ima' haha aiya; kalana aijo' Aku, Tumpu Allah Israel mongatun ahi' aha ima-ima'.

YEREMIA 37:10

De maluanyo belemiu moko ala ahi' mompatundu' iwi-iwi' na suludadu nu Babel sahingga anu tontuha' me anu singkap tinadokmo na belenyo ibangka'nyo nu aha iwi-iwi', panyo aha saidi' mae na totinjo mompapui sampe motanggot na kota' aiya.’ ”

YEREMIA 37:17

Lapas aijo' i Tomundo' Zedekia nompalentahmo mian da momboa aku mangadap hi ia ilaigan nu tomundo'. Ikiijo' pinohowininyo na ia nompokilawa mae hi belengku pa' daagi' ko potuunon lengkat mae hi Tumpu. “Daagi',” na koongku. Lantas po ule' mule' aku notatae, belento “Tomundo' obee'mo hi tomundo' Babel”.

YEREMIA 43:1

Potuunon nu Tumpu Allah Israel, anu tionyo ahi' ku poto'i hi aha mian da'isan noko poto'ingkumo iwi-iwi'.

YEREMIA 44:1

Tumpu nompoto'i mae hi belengku mongkona iwi-iwi' na mian nu Israel anu jojoong i Mesir, aijo'mo ikota' Migdol, Tahpanhes, Memfis, tiba idaerah salatan,