YEREMIA 24:5 - KITAB NU TUMPU ALLA LELE MA'IMAI'

⁵ “To mia-mian anu pinojohok-Kumo binoa i Babel aijo' Ku anggap sumomo bua' nu kau' ara anu toto ima-ima' haha aiya; kalana aijo' Aku, Tumpu Allah Israel mongatun ahi' aha ima-ima'.

YEREMIA 24:5 ပူးပေါင်းရင်းမြစ်များ

MAZMUR 119:67

Ma'isa aku i hukum, aku noselemo madi'mo nontuluti palentah nu Belento, uuka aiya aku nontoongimo palentah nu Belento.

MAZMUR 119:71

Memang sahanyo Belento mohukumo mae aku, da ku sumbu' na atulan iwi-iwi' nu Belento.

YEREMIA 24:4

Sahingga po ule'mo mae Tumpu notatae,

YEREMIA 29:11

Te misa' Ku posi sumbu'i ahi' na anu tinanga'an-Kumo mosia na belemiu atina'? Apaa na anu tinanga'an-Kumo aijo' misa' da monsilakai belemiu panyo da bau ka'ima'an nu kantumuu'an nu belemiu ka' mombee'i belemiu kasampatan anu lebe ma'ima' aiya mae i ahop.

YEREMIA 29:20

Ka' mule' belemiu iwi-iwi' anu binoang-Kumo namba i Babel potombihing mae apaa na Aku Tumpu tinaeakon.’

YEREMIA 29:4

“Sumo uuka na koo-Nyo nu Tumpu Anu Mahakuasa, Tumpu Allah nu aha Israel toka hi iwi-iwi' na mian anu binoa-Nyomo lengkat mae i Yerusalem namba i Babel;

YEHEZKIEL 11:17

Aku, Tumpu Anu Matangkas na Kuasanyo mompoto'imo taalu' Aku momposihukmo aha anu kiijo' mae nobagi-bagimo itampat nu aha lantas po ule'mo monsule'akon tano' nu Israel hi aha.

YEHEZKIEL 11:20

Sahingga aha montulutimo iwi-iwi na atulan-Ku ka' mule' tulu-tulutanmo ipalentang-Ku iwi-iwi'. Aha timbalimo mian anu palesayamo hi beleng-Ku ka' mule' Aku timbalimo Tumpu nu aha.

IMAMAT 26:44

Panyo mau mule' daagi' kiijo' mae i lipu' nu anu monsampobali', aha madi' Ku pojohok kabai Ku silakaimo iwi-iwi'! Kalana de aha Ku silakaimo Aku madi'mo montotu'ui palajanjian-Ku hi aha, padahan Aku aiya Tumpu, Tumpu Allah nu aha.

NAHUM 1:7

Tumpu aijo' manonong, Ia monjagai mian-Nyo anu pinalesayamo tempo'nyo aha sinusi'mo; Ia monjagai mian anu ninsoopmo palesaya hi Ia.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

MATIUS 25:12

Panyo boting mo'ane aijo' nontaami, ‘Aku madi' monsumbu' komiu!’ ”

YOHANES 10:27

Domba-dombang-Ku mohongo potataeng-Ku. Aku monsumbu' aha, ka' aha nombatukimo Aku.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

GALATIA 4:9

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?

PO'ULE' INGULIT 8:16

I padang bola Ia nombee'i manna da okaan nu belemiu, kaanon anu ma'isa nusumbu' nu mompolee' miu. Tumpu nompodaagi' aijo' da monsobai belemiu da momposanang kinyonyoa miu, da i mihinyo mae Ia timbali mombau anu ma'ima' hi belemiu.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.