YEREMIA 24:1 - KITAB NU TUMPU ALLA LELE MA'IMAI'

¹ Daagi' kinominsan salatan i Yoyakhin anak momo'ane i Yoyakim tomundo' nu aha Yehuda tiba to mia-mian anu ko pangkatnyo ipamalentah Yehuda, to mia-mian anu toto pande-pande na mombau apa-apaa tiba to tuka-tukang toto pande-pande na mokalaja binoamo i Nebukadnezar tomundo'nu Babel ka' binoamo salaku anu ihakop lengkat mae i Yerusalem binoa i Babel, Tumpu nompotoamo mae hi belengku anu tinoa. Tinoangku ohua' na ponang ko isinyo bua' nu kau' ara koko-koko i ahop nu Laigan nu Tumpu.

YEREMIA 24:1 ပူးပေါင်းရင်းမြစ်များ

2 TOMU-TOMUNDO' 24:10

Tempo'nyo i Yoyakhin nompalentah tompukan nu suludadu nu Babel anu sinangaluan nu suludadu i Nebukadnezar anu nambamo nontumbuhi Yerusalem ka' nontikumo kota' aijo'.

2 TAWARIKH 36:10

Tempo'nyo taun bu'ou tinokamo mule' i Tomundo Nebukadnezar nomboamo i Yoyakim namba i Babel salaku mian anu i hakop, ka' to bala-balang anu mahan na olinyo i Laigan nu Tumpu suele binoanyomo. Lapas aijo' i Nebukadnezar nohangkatmo i Zedekia baabo' i Yoyakhin, binaumo tomundo nu Yehuda ka' Yerusalem.

YESAYA 13:1

Aiya na potuunon nu Tumpu anu tinalima i Yesaya anak i Amos mongkona Babel:

YEREMIA 13:19

Sinin na kota' nu Yehuda anu ibahagian salatan hau-haunyomo tinumbuhan, ka' madi'mo daagi' ko anu noko ala nopalai aha tinumbuhan aijo'. Iwi-iwi' na aha mian nu Yehuda binoamo itampat pinompojoongan.”

YEREMIA 28:4

Aku mule' momboamo mae i Yoyakhin anak momo'ane i Yoyakim tomundo' nu Yehuda tiba iwi-iwi' na mian da'isan nu Yehuda anu binoamo i Babel. Memang totu'u Ku lepo'imo na kahosonan nu Babel, Aku, Tumpu notataemo.”

YEREMIA 29:1

Aku nontulismo surat namba hi to ima-imam, hi to nabi-nabi, hi to pola-polaya' nu bansa anu daagi' tutuu' ka' mule' toka hi mian sangga'at anu binoamo mae lengkat i Yerusalem namba i Babel binoa i Nebukadnezar.

YEREMIA 29:2

Sulat aijo' tinulisku salatan i Tomundo' Yoyakhin, tiba tinanyo, to mia-mian anu ko pangkatnyo ilaigan nu tomundo', tiba to mia-mian anu toto tangka-tangkas na pangkatnyo i pamalentahan Yehuda tiba i Yerusalem, to mia-mian anu monsumbu' pakalaja'an nu lima, to mia-mian anu pande mombau apa-apaa, binoamo itampat pinompojoongan.

YEREMIA 37:1

Tempo'nyo i Nebukadnezar tomundo' nu Babel nompobelentimo i Yoyakhin anak i Yoyakim, ia nohangkatmo i Zedekia anak i Yosia binau tomundo' nu Yehuda.

YEHEZKIEL 17:4

lantas binoanyomo ka' pinotimpasnyomo ikota' dagang anu lame' hondo.

YEHEZKIEL 19:9

Ia pinosoopmo iganggin nu singa, lantas binoamo ilipu' Babel da opopangadapmo hi tomundo'. Ia jinaganmo hondo-hondo da ia molohu' madi'mo kahongoan, toka-toka aita' mae i iwi-iwi na puge'nyo nu Israel anu toto tangka-tangkas.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

AMOS 7:1

Aku nontoa lengkat mae hi Tumpu Anu Matangkas na Kuasanyo. Aku nontoa Ia nompojadi sa'angu' na pahasannyo na kihi-kihi' tempo'nyo aitu mian sala'je noko ala hemput anu obee' hi tomundo, ka' hemput anu sala'je mulai tumuu' mule'.

AMOS 7:4

Aku nontoa mule' lengkat mae hi Tumpu Anu Matangkas na Kuasanyo. Tinoangku Ia hau-haunyo mosadiamo da mohukumo nu apu mian anu palesayamo hi Ia. Apu aijo' nolele nontisimo ndalangon i dunia aiya ka' lewa'mo nontoyo'i ale'.

AMOS 7:7

Aku nontoa mule' sangga'at anu lengkat mae hi Tumpu. Tinoangku Ia tinuminjo i sohipi' nu pagan mesen anu binau nonggunakon kahohon na pinotinjo hodi-hodi. I lima-Nyo Ia nontoongi kahohon bau pongukun aijo' da pontoan pa' pagan aijo' hodi' na tinjonyo kabai madi'.

ZAKHARIA 1:20

Lantas Tumpu nompotoamo mae hi belengku aha opat na mian anu topo tutuk besak boa-boa na pontutuk.

ZAKHARIA 3:1

Anu tinoa mule' sangga'at, Tumpu nompotoamo mule' hi belengku i Imam Daka' Yosua tinjo-tinjo i ahop nu malaekat nu Tumpu. Sasu hi Yosua tinuminjomo na Setan anu kahanda'mo mongkalak ia.