YEREMIA 23:9 - KITAB NU TUMPU ALLA LELE MA'IMAI'

⁹ Sumo uuka na potuunonku hi aha to nabi-nabi: Kinyonyoangku nalibosmo hondo ka' aku ilakatnyomo. Tumpu tiba potatae-Nyo anu susi' nompolonguimo mae aku susumo anu nanjoo'mo na nonginum anggur.

YEREMIA 23:9 ပူးပေါင်းရင်းမြစ်များ

MAZMUR 60:3

Belento madi'mo mae nongkalinga kami o Tumpu, ka' ka' nompojohokmo mae kami da opatundu'mo. Belento nontambuha'imo mae kami; uuka aiya po'ule' pokopinahon mae nakami.

MAZMUR 69:20

Sinumbu'mo nu Belento na aku, iletakonmo, ingalumo, ka' pinobau-baumo tinoamo nu Belento iwi-iwi' na mian anu monsampobali' mae aku.

YESAYA 28:1

Silakamo na kota' anu nunu takabunakon nu to mia-mian anu saja' malangu aijo' hi aha Israel! Kaimaannyo luso'mo sumomo bunga anu mangkalualemo aita' i ubak nu aha. Silakamo na kota' anu matangkas hondo itotonga' nu bangka'nyo anu ma omuk, nunu takabunakon nu to mia-mian anu taha-tahahumo na malangu.

YESAYA 29:9

Sabole-bolehmo kino banga-bangang ka' mompipidi'akon mata susumo mian anu napisokmo! Palangumo panyo misa' kalana nonginumo anggur. Lajangmo maha-mahasungonan panyo misa' kalana nonginumo ciu.

YESAYA 51:21

Potombihing mae o, belemiu to mia-mian anu sinansalamo anu nahasasungonanmo susumo mian anu nalangumo!

YESAYA 6:5

Lantas aku notataemo, “Silakamo! Madi'mo daagi ko anu ku taha'imani kalana nganga'ku nahenyumo nu dosa' ka' aku jojoong hi aha bansa anu suele susumo aijo'mo. Maumo sumo aijo' posi matangkumo na nontoa Tomundo', aijo'mo Tumpu Anu Daka' na Kuasanyo!”

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YEREMIA 36:16

Salatan pinokobasa'nyomo, aha nompaha didinmo samian ka' samian ka' binata-batamo, ka' nompoto'imo i Barukh, “Aiya na tionyo ahi' opoto'i mami hi tomundo'.”

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

YEREMIA 8:18

Kinyonyoangku sumomo sinaya-saya' ka' nalanitmo, kaduka'anku madi'mo opoko pakuli'i.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

MOHAANGI 3:15

Ola ahi' ka'idekan na binee'-Nyo mae hi belengku salaku anu okaan ka' anu o'inum.

YEHEZKIEL 13:3

Tumpu Anu Matangkas na Kuasanyo notataemo, “Silakamo na to nabi-nabi anu singkap ponga' haha aijo'! Pikilannyo ihumpaknyo anu ola pinosi tutugannyo ka' anu tinoanyo madi' ahi' totu'u.

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

YEHEZKIEL 9:6

Pateimo na to momo'ane iwi-iwi' tiba to bou-boune, anu to tu'a-tu'anyomo tiba to ana-anak. Panyo boli mompoposia mian anu binee'anmo tanda isiakonnyo. Donganmo tampu'uni lengkat i, aiya, lengkat i Laigan-Ku aiya.” Sahingga aha nontampu'unimo nompojalan palentah anu binee'mo hi aha, aha nompateimo to pola-polaya' nu Israel anu hau-haunyo aijo' tinjo-tinjo i Laigan nu Tumpu.

DANIEL 8:27

Lapas aijo' aku i lundengmo lantas nasakitmo pa' sinangkuka na sinaa na kinopinnyo. Lapas aijo' aku nobulamo ka' po'ule'mo nombau pakalaja'anku anu bau kapentingan i tomundo'. Panyo aku madi'mo sinanang na lewa' mompopikilakon anu saja' tinoangku aijo' ka' mule' madi' noko ala nongalati'i.

HABAKUK 3:16

Nohongo aijo' kinyonyoangku ilakatnyomo, ka' biwingku suele ilangkakatanmo. Aku ilu'usmo madi'mo kinokahosonan, tengkengku tosumpunmo iyaya mae na kalajanganku. Pinotenangkumo na kinyonyoangku montanda'i; hukuman nu Tumpu anu opokona hi aha anu nontumbuhimo mae.

ROMA 7:9

Aku u'utu mae tinumuu' misa' pilenje kino atulanmo nu agama. Panyo salatan atulan nu agama tinokamo, dosa' nontampu'unimo kinantoaan,