YEREMIA 22:8 - KITAB NU TUMPU ALLA LELE MA'IMAI'

⁸ Lapas mae manjoo' na mian anu lengkat mae isalipu'an motulu ikiijo' ka' mompaha poki-pokilawa hi samian ka' samian kadaka' Belento Tumpu nombaumo sumo aijo' ikota' anu ma'ima' hondo aijo'.

YEREMIA 22:8 ပူးပေါင်းရင်းမြစ်များ

YEREMIA 16:10

De nupoto'imo na aiya iwi-iwi' hi aha, ugat nu pokilawamo nu aha kadaka' Aku mohukumo aha sumo aijo'mo na ko boatnyo. Nu pokilawamo nu aha pa' apaa na kasala'an tiba dosa' nu aha anu binaumo hi Belengku, Tumpu Allah nu aha.

YEREMIA 40:2

Kamundan nu suludadu ai-aijo' nolagamo mae aku sausa'ku ka' nompoto'i, “Tumpu Allah nu beleyum nompoto'imo mae koo-Nyo mohansunimo lipu' aiya.

YEREMIA 40:3

Uuka aiya han aijo' binau-Nyomo kalana bansa nu beleyum binaladosa'mo ka' mule' madi'mo nohongo-hongo Ia.

MOHAANGI 4:12

Hi aha to tomu-tomundo ka' mian da'isan i dunia aiya madi' ko samian pe'e na anu palesaya na to saba-sabatan daka' nu kota' Yerusalem nupoko ala ahi' nu pinsoopi nu sampobali'.

YEHEZKIEL 12:16

Ola sangkiding na bagian na aha aijo' na Ku posalamat da madi' silaka i uno nu pahampatean, kabai silaka nu ohop, ka' panyakit anu molele, da kiijo' mae hi aha bansa-bansa nu mian anu isalipu'an aijo' aha sinsumbu'je taalu' aha nombaumo anu mahumimi' hondo. Sahingga aha mongakuije taalu' Akumo ahi' na Tumpu.”

YEHEZKIEL 14:23

Lantas belemiu mangalati'je taalu' iwi-iwi' na anu pinohukum-Kumo aijo' ko sababnyo ahi'. Aku Tumpu Anu Matangkas na Kuasanyo notataemo.”

YEHEZKIEL 39:23

Ka' iwi-iwi' na bansa monsumbu'je taalu' aha mian nu Israel binoa ipinomboan, aijo' kalana dosa' nu aha hi beleng-Ku. Aha pinala'ian-Kumo ka' pinojohok-Kumo da pinatundu' nu sampobali' ka' pinatean i uno nu pahampatean.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

DANIEL 9:7

O, Tumpu kaputusan nu belento saja' kona ka' adin, panyo kami saja' hondo mombau anu moko ambang hi posi butong mami, aijo'mo kami iwi-iwi' na mian anu sa'a-sa'angu' na bansa tiba kami anu binagi-bagimo nu belento iyaya na lipu' anu majo'on ka' anu ohani kalana aha madi' tulu-tulutan hi Belento.