YEREMIA 22:6 - KITAB NU TUMPU ALLA LELE MA'IMAI'

⁶ De ola pontoang-Ku laigan nu tomundo' Yehuda ma'ima' hondo, sumomo ahi' ko ima'nyo tano' nu Gilead ka' sinin na bungkutnyo nu Libanon; panyo tampat aijo' Ku potimbalimo susumo padang tampat anu mateges anu madi' nu jojoongi nu mian.

YEREMIA 22:6 ပူးပေါင်းရင်းမြစ်များ

KAJADIAN 37:25

Tempo'nyo aha hau-haunyo mongkaan, monti-montiik tinoa nu aha to mia-mian nu Ismael anu badagang hau-haunyo mamba lengkat mae i Gilead mokiijo'mo i Mesir. To unta-unta nu aha ko sake'nyo to lampa-lampa ka' kismis.

MAZMUR 107:34

Tano' anu molumba' pinotimbali-Nyomo tampat padang anu napoyu'mo nu timuson, kalana palabuatan ma'idek nu to mia-mian anu jinojoong ikiijo'.

NYANYIAN ANU TALASANGGO 4:1

Beleyum handa hondo ku ka'ima'i, totu-totu'u beleyum handa hondo o sintaku, Mata nu beleyum isambiha' nu hude pinongkukumbungi sumomo malapati', Ubak nu beleyum hambahannyo sumomo mee' sanggombu anu nintatau'mo mae lengkat i bungkutnyo nu Gilead.

NYANYIAN ANU TALASANGGO 5:15

Tengkenyo sumomo ohi' mar-mar anu mopute', anu ilatasan nu mosoni' anu madi' ko galo'nyo. Tambong nu butongnyo sumomo ko ima'nyo nu bungkutnyo nu Libanon, ka ko hosonnyo sumomo kau' aras.

YESAYA 27:10

Kota' anu kobentengnyo aijo' ilingmo ka' pinala'ianmo susumo padang tampat anu mateges anu madi' ko anu monjojoongi. Gombuan nu potuu'on lewa' mongotot ka' milawe ikiijo' ka' mongingkoti hon nu panga' nu kau'.

YESAYA 37:24

Beleyum nonsaimo tomia-mian da motatae molabi-labi tukoonyo nu aha kalana manjoo' na kareta anu bau pahampate nu beleyum, sahingga noko alamo nompatundu' iwi-iwi na bungkutnyo anu toto tangka-tangkas i Libanon.

YESAYA 6:11

Aku nompokilawamo, “Sampe tokaje hi pian na kopinnyo na anu susumo aiya saja' jadi, o, Tumpu?” Tinaaman-Nyo mae, “Sampeje iwi-iwi na kota' hansunmo ka' madi'mo ko anu monjojoongi, iwi-iwi' na laigan madi'mo ko anu monjojoongi ka' mule' tano' madi'mo ko apa-apaanyo ka' mategesmo.

YEREMIA 21:11

Tumpu nompalentahmo mae aku da mompotoakon potuunon sumo uuka hi aha to utu-utus itomundo Yehuda, lee'mae i Daud: “Potombihing mae apaa na anu Ku poto'i Aku, Tumpu. Bala usaha da ka' adilan opojalan ahi' sansina-toka sansinaa. Lapasakonmo na mian anu sola' o akali na tenaganyo anu nu kuasaimo nu kakuasa'an nu mian anu saja' mongakali tenaga nu mian. De madi' saba' palabuatan ma'idek anu bibinaumo nu belemiu mompolubatmo mae tambuha'-Ku anu ko suhu-suhutmo susumo apu anu madi'mo opoko ala opatei.”

YEREMIA 21:14

panyo Ku hukumo na beleyum kalana palabuatan nu beleyum atina'. Laigan nu tomundo' nu belemiu Ku papumo, ka' sinin na apaa anu atina' ohani suele ahi' motoyo'mo. Aku, Tumpu notataemo.”

YEREMIA 22:24

Tumpu notataemo hi Tomundo' Yoyakhin, anak momo'ane i Yoyakim tomundo' nu aha Yehuda, “Atas sanggong-Ku, Tumpu Allah anu tumuu', Ku pokeman totu-totu'u saba' maumo ahi' beleyum pinojading-Kumo susumo sinsin meterai ilimang-Ku koanan, panyo beleyum Ku bubutmo,

YEREMIA 26:18

“Tempo'nyo i Hizkia tinimbalimo tomundo' nu Yehuda, i Nabi Mikha anu lengkat mae i Moresyet nompoto'imo hi aha mian da'isan potatae sumo uutu, lengkat mae hi Tumpu Anu Mahakuasa, ‘Sion opajekomo susumo ale' Yerusalem timbalimo tambulan nu anu na'idekmo, tiba puge'nyo nu Laigan nu Tumpu timbalimo alas.’

YEREMIA 4:20

Balaa' me saja' tinoka mae nohansunimo songko-songko na lipu'. Monti-montiik ahi' kemahku ingideanmo, hudenyo iwi-iwi' pinaha bea-beakmo.

YEREMIA 4:7

Sumomo ahi' singa anu nosabatmo lengkat mae ipinaninsulukannyo sumo aijo'mo mule' nambamo na anu sola' mohopu'i bansang-bansang anu tokamo mae kahanda' monsilakaimo Yehuda. Kota-kota' nu Yehuda singkapmo hansun jadimo tampat anu madi'mo nu jojoongi nu mian.

YEREMIA 50:12

Panyo belemiu timbalimo bansa anu madi'mo ko alati'nyo apa-apaa hi aha bansa iwi-iwi'. Kota' nu belemiu anu daka' aijo' o alumo ka' mule' opopo ambangmo. Lipu' nu belemiu timbalimo padang tampat anu mateges ka' kunmo ka' motismo.

YEREMIA 7:34

Lipu' aiya saidi' mae timbalimo padang tampat anu kunmo. Lewo'nu mian anu lame' tiba lewo' nu mian anu nombaumo bau-bauon nonika' Ku pobelentimo i kota-kota' Yehuda tiba i to jala-jalan nu Yerusalem.

YEREMIA 8:22

Pa' apaa na nonsaduakon sahingga bansangku sampe uuka aiya ma'isa ahi' na alin? Pa' isongko-songko na Gilead, madi'mo daagi' ko dokter kabai pakuli'?

YEREMIA 9:11

Tumpu notatae, “Yerusalem Ku pojadimo tampat anu ihansunmo baumo tampat paninsulukan nu dedeng nu alas. Sinin na kota' nu aha Yehuda timbalimo liing, timbalimo tampat anu madi'mo ojojoongi.”

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.

ZAKHARIA 11:1

O, Libanon tuhea'akon mae iwi-iwi' na tumban nu belemiu, da apu montoyo'imo ingko-ingkot na kau' aras nu belemiu.

NOMBILANGMO 32:1

Tulunan nu bansa Ruben ka' i Gad ka' potuu'on manjoo' hondo. Salatan tinoa nu aha ma'ima' hondo na tano' nu Yaezer ka' tano' nu Gilead bau pompotuu'an binatang,

PO'ULE' INGULIT 3:25

Pobee' mae na aku motaap i Kaunyo nu Yordan o Tumpu da montoa lipu' anu ma'omuk kiijo' mae i santoanyo nu da'erah nu Bungkutnyo anu ma'ima' ka' Bungkutnyo nu Libanon.