YEREMIA 22:5 - KITAB NU TUMPU ALLA LELE MA'IMAI'

⁵ Panyo de belemiu madi' ahi' montuluti sinin na palentah-ngKu, saba' Ku sumpa'mo na laigan nu tomundo' aiya da hansunmo. Aku, Tumpu notataemo.

YEREMIA 22:5 ပူးပေါင်းရင်းမြစ်များ

KAJADIAN 22:16

“Tumpu notatae: Aku basumpa' hi posi sanggong-Ku, kalana beleyum nombaumo han aiya ka' madi' pinanggaga na nombee' anak nu beleyum anu sa'a-sa'angu'nyomo aijo' hi beleng-Ku.

2 TAWARIKH 7:19

Panyo de beleyum ka' mian nu beleyum molanggaimo to atu-atulan ka' anu Ku palentahkon iwi-iwi', ka' mule' monsombahmo to pilo-pilogot sangga'at,

2 TAWARIKH 7:21

Laigan ponsomban Aku aiya, tempo' uuka aiya o'angga'i hondo, panyo de jadi na anu kokoong-Ku aijo' saba' batu-batu mian anu motulu i kiijo' bangangmo na montoa. Aha motataemo, ‘Kadaka' Tumpu nombaumo lipu' ka' laigan aiya sumo aijo'?’

2 TAWARIKH 7:22

Lantas nu taamimo nu mian, ‘Kalana aha nohikumo Tumpu, Tumpu Allah nu aha, anu nolaya'mo mae mompolee' nu aha nosabat lengkat mae i Mesir. Aha nonsombahmo ka' nojanji'mo da tulu-tulutanmo hi to pilo-pilogot sangga'at. Mokonyo aijo' Tumpu nompotokamo mae balaa' susumo aiya hi aha.’ ”

MAZMUR 95:11

Sahingga kalana anu notambuha'mo, aku binasumpa'mo, aha madi'mo timbali minsoop i lipu' aijo' da milawe hingga-hinggat tiba aku.”

YESAYA 1:20

Panyo de belemiu madi mohongo-hongo Aku, belemiu matemo i uno nu pahampatean. Akumo na Tumpu anu notataemo.”

YEREMIA 12:7

Tumpu notatae, “Tampat kajojoongan-Ku madi'mo daagi' pinajulian-Ku, lipu' anu Akumo na tumpunyo pinala'ian-Kumo ka' mian anu palesayamo hi belengku anu Ku kalibosi binee'-Kumo ilima nu sampobali' nu aha.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 26:4

Tumpu nompalentahmo mae aku mompoto'i sumo uuka hi aha. “Aku, Tumpu nompalentahmo da belemiu tulu-tulutan hi beleng-Ku ka' mompojalan atulan-atulan anu binee'-Kumo hi beleyum.

YEREMIA 39:8

Hau-haunyo nombau aijo' aha mian nu Babel nompapumo laigan nu tomundo' tiba sinin na laigan nu aha mian da'isan ka' nohobo'akonmo ingko-ingkot na pagan mesen nu kota' Yerusalem.

YEREMIA 44:26

Panyo uuka aiya potombihing mae apaa na anu Ku poto'i hi belemiu, o mian nu Israel anu jinojoongmo i Mesir; Aku, Tumpu basumpa' atas sanggongKu anu talasanggo saba' belemiu madi'mo daagi' Ku pobee' mompake sanggong-Ku na mombaumo apa-apaa anu opakeakon palajanjian. Belemiu madi'mo timbali motatae, ‘Aku basumpa' atas sanggo nu Tumpu Allah anu tumuu'!’

AMOS 6:8

Totu-totu'u hondo, Tumpu Anu Matangkas na Kuasanyo nompokinde'imo, “Aku mongka'ideki katabuulan nu mian nu Israel; Aku madi' sanang na montoa to lai-laigan nu to tomu-tomundo anu talalo ma'ima'. Puso nu kota' nu aha iwi-iwi' tiba anu daagi' i unonyo, Ku bee'mo hi sampobali'.”

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.

MATIUS 23:38

Kalana aijo', Tumpu madi' daagi' monjagai komiu.

IBRANI 3:18

Tempo'nyo Tumpu binasumpa'mo sumo uuka, “Aha madi' timbali minsoop i lipu' aijo' da timbali mingkain tiba aku” – ihe mule' na anu kokoonyo nu Tumpu? Anu nunu patui aijo'mo to mia-mian anu notomuhukmo hi Tumpu, kabai misa'o?

IBRANI 6:13

Tempo'nyo Tumpu binajanji' hi Abraham, Ia binasumpa'mo tukoonyo, nu bauje apaa na anu jinanji'nyomo. Ka' kalana madi' ko anu lebe matangkas molingkudui Tumpu, sahingga Ia binasumpa'mo i posi sanggo-Nyo.

IBRANI 6:17

Tumpu ko kahanda' lebe momponasa hi to mia-mian anu nontalimamo janji'-Nyo, tukoonyo Ia madi'mo mombali'i anu ingatun-Nyomo. Aijo' na sababnyo pinaka tuangan-Nyomo na sumpa'nyo anu jinanji'-Nyomo aijo'.