YEREMIA 22:3 - KITAB NU TUMPU ALLA LELE MA'IMAI'

³ “Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.

YEREMIA 22:3 ပူးပေါင်းရင်းမြစ်များ

2 SAMUEL 23:3

Tumpu Allah i Yakub notataemo; hi belengku anu monjagai Israel nompoto'imo, “Tomundo' anu adin na mompalentah mian da'isan anu mompalentah montuluti Tumpu.

2 TOMU-TOMUNDO' 24:4

Anu talalo hondo aijo'mo iwi-iwi' na anu binaunyomo nompatei to mia-mian anu madi' ko sala'nyo. Tumpu madi'mo daagi' mongampuni sinin na lalakuan i Manasye aijo'.

AYUB 22:9

Misa' ola to mia-mian anu balumo na madi' nu tulungi, panyo anu ingunonmo madi'mo ko tinanyo ka' tuumanyo suele ahi' nusansala' nu beleyum.

AYUB 24:9

Mian anu ma'idek na kinyonyoanyo nombotuanimo anak anu madi' mo ko tinanyo ka' tuumanyo, ka' nongalamo bungamea' nu mian anu kasiasi anu ko samaya' hi ia.

MAZMUR 68:5

Ponyanyimo, bau pompuji' sanggo nu Tumpu, potoukamo na jalan daka' da bau kajalanan-Nyo mae anu nonsake'i mae kundom. Sanggo-Nyo Tumpu – balasana-sanangmo i ahop-Nyo!

MAZMUR 82:4

Pobebasakon na mian anu madi' mahoson ka' madi'mo moko ala, mombau apa-apaa, opimpaliakon na aha da boli nusilakai nu mian anu ma'idek na kinyonyoanyo.

MAZMUR 94:21

Aha mombaumo kasangaja'an, mongewa mian anu hodi' na kinyonyoanyo, ka' mombee'imo hukuman silaka, mian anu madi' ko sala'nyo.

MAZMUR 94:6

Aha nompateimo anu binalumo ka' to ana-anak anu madi'mo ko tuumanyo ka' tinanyo ka' mian anu i salipu'an anu jojoong i lipu' aiya.

NOSABATMO 22:21

Boli monsusa'i kabai obau madi' adin na mian anu i salipu'an mae; o inau' ahi' na belemiu naipuan mae suele mian anu i salipu'an kiijo' mae i Mesir.

NOSABATMO 22:22

Boli monsusa'i taha-tahahumo anu balu kabai anak anu unon.

AMSAL 23:10

Boli hondo-hondo molalin tempas nu tano', nu pusaka' kabai tano' nu anu unon madi'mo ko tuuma ka'tinanyo.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 58:6

Uuka na puasa' anu Ku kahanda'i; Alinakonmo na pompungu nu kasansala'an ka' hukuman anu madi' adin, ka' opobebas na mian haha aijo' anu sinansalamo.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

YEREMIA 19:4

Han aijo' Ku baumo kalana bansa aiya nompala'imo Aku. Aha nohumimi'imo tampat aiya kalana nonsombahkonmo koloban hi to pilo-pilogot anu madi' nu sumbu' nu aha, hi pompolee' nu aha ka' hi to tomu-tomundo' nu Yehuda. Aha mule' ahi' nongisiimo tampat aiya nu baso' nu to mia-mian anu madi' kokasala'annyo.

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

YEREMIA 26:16

Sahingga to mia-mian anu toto tangka-tangkas na pangkatnyo i uno nu pamalentahan tiba aha mian daisan notataemo hi to ima-imam ka' hi to nabi-nabi haha aijo', “Mian aiya motatae mompake atas sanggo nu Tumpunto; madi' pantas na ia ohukum mate.”

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

YEREMIA 9:24

Ihe na mongka'oho buulonmo kalana apa-apaa, anu ahi' obuulakon aijo'mo ia monsumbu' ka' mompangalati'i Aku; tukoonyo ia monsumbu' taalu' Aku mongkalibosi sampe toka sidu-sidutu' ka' Akumo ahi' na nompodaagi' atulan tiba ka adilan idunia aiya. Iwi-iwi' aijo' momposanang mae kinyonyoang-Ku. Aku, Tumpu, na nompoto'imo aijo'.”

MOHAANGI 3:36

kalana ka'adilan gineo-geo'akonmo ka' nu palahatikan tantu nu sumbu' nu Tumpu.

YEHEZKIEL 18:12

Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati.

YEHEZKIEL 18:7

Ia madi' toho' mongakali kabai mombuling. Bala-balang nu mian anu pinogade mae nu mian hi ia kalana ko samaya nu aha hi ia saja' nu sule'akon. Mian anu mo'ohopmo nu bee'i mongkaan ka' mian anu madi'mo ko baju' nu bee'i baju'.

YEHEZKIEL 22:7

Madi'mo daagi' ko samiannyo na anu jojoong atina' hi beleyum na moholomati tu'anyo nu aha. Beleyum nongakalimo mian anu lengkat mae isalipu'an ka' nongalamo ka'untungan hi mian anu binalumo ka' mule' anu madi'mo ko tuumanyo tiba tinanyo sisingkapmo sinusa' aijo'.

YEHEZKIEL 45:9

Tumpu Anu Matangkas na Kuasanyo notatae, “Sukupmo na dosa' nu beleyum haha atina', o to mia-mian anu balakuasa i Israel! Bolimo daagi' belemiu talalo mongkabisa'i mian da'isan haha aijo'. Soba bau apaa na anu ma'ima' ka' mule' anu adin. Bolimo daagi' hondo-hondo molaa' aha anu palesayamo hi belengku mompala'i tano' nu aha. Aku, Tumpu Anu Matangkas na Kuasanyo nompalentahkonmo aijo' hi beleyum.

YOËL 3:19

Mesir timbalimo padang anu ewa hondo ka' mategesmo, ka' mule' Edom timbalimo tano' anu kuunmo madi'mo nu jojoongi nu mian. Kalana aha nontumbuhimo mian nu Yehuda, ka' nompateimo tumpu nu lipu' anu madi' kosala'nyo.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

AMOS 5:24

Lebe ma'ima' bala usaha da ka'adinan mo ili susumo uee ka' kahondoan susumo kaunyo anu madi' toho' mo'oti.

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 23:23

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To lampa-lampa sumo solasi, adas manis, ka' suele jintan, komiu mombee'i, de sampulu' na bahagian sambahagian hi Tumpu. Padahan hahan anu palalu hondo i uno nu to atu-atulan nu agama, sumo umpamanyo: Ka'adilan, mompahakali-kalibosi, ka' mohongo-hongo, madi' o palahatikan miu. Padahan aijo'mo na tionyo o bau miu, tiba madi' timbali mompojohok anu toto sangga'at.

PO'ULE' INGULIT 10:18

Ia mongala-alapakon hak nu anak anu madi' ko tuumanyo ka' tinanyo, ka' to balu-balu da adin na mongulus palakala nu aha; Nu kalibosi na mian anu lengkat mae i salipu'an anu mo'imboa hingga-hinggat bansanto ka' mombee'i aha anu okaan ka' anu opake.

PO'ULE' INGULIT 24:17

Boli mongagoi hak nu mian anu lengkat mae i salipu'an ka' anak anu madi'mo ko tuuma ka' tinanyo, ka' boli mongala baju' nu mian anu binalumo bau ponggadei.

PO'ULE' INGULIT 24:7

Mian anu mohakop bubuu' bansanyo ka' opalaihakonmo ka' opotimbalimo na ia susumo posaihon kabai mompobalukmo ia, tionyo ahi' o hukum mate. Tiba jalan anu sumo aijo' belemiu ko usahamo da bolimo ko anu ma'idek susumo aijo'.

PO'ULE' INGULIT 25:1

Bisuannyo ua'aha na mian nu Israel mamba hi mian kopian mahangkalak i palakala na aha, lantas samian pinoto'imo madi' ko sala'nyo, ka' sangga'at na ko sala'nyo.

PO'ULE' INGULIT 27:19

‘Kinutukan na mian anu mongagoi halata' nu mian anu lengkat mae i salipu'an, anak anu madi'mo ko tuuma ka' tinanyo ka' anu balu.’ ‘Amin!’

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.