YEREMIA 22:10 - KITAB NU TUMPU ALLA LELE MA'IMAI'

¹⁰ O mian nu Yehuda, bolimo daagi' susa' ka' molibos kalana i Tomundo' Yosia sinilakamo. Anu ohangi ola ahi' i Yoahas anaknyo momo'ane kalana ia binoamo ka' madi'mo daagi' minsusule' mae. Tano' kinahampeannyo madi'mo daagi' nu toa.

YEREMIA 22:10 ပူးပေါင်းရင်းမြစ်များ

2 TOMU-TOMUNDO' 22:20

kalana aitu hukuman anu o pokona hi Yerusalem madi'mo Ku totu'uakon de beleyum daagi' tutuu'. Beleyum silaka ma'i-ma'ima'.’ ” Sahingga ninsusule'mo hi tomundo' na mian haha aijo' anu sinainyo mae ka' pinoto'inyomo na potunon aijo'.

ANU MOMPOLELE POTATAE NU TUMPU 4:2

Aku saja' hondo monginau' batu-batu mian anu pininmo na sinilaka kalana aha na lebe binilahimo molingkudui aha anu daagi' tumuu'.

YESAYA 57:1

Mian anu ma'ima' na gau'nyo ka' palesaya hondo hi Tumpu, de silakamo madi' ko samian pe'e na mompalahatikan ia. De silakamo aha madi'mo daagi' nukona nu kasansala'an ka' aha nilawemo i tampat anu madi'mo ko anu mompoposia.

YEREMIA 16:7

Ka' madi'mo daagi' ko anu mongadatakon bau-bauon sangkiding salaku tanda bau pohibun mian anu tinokanmo nu tomate. Madi'mo daagi' ko anu suele humang mau mule' kakona hi mian anu sinilakamo na tuumanyo kabai tinanyo.

YEREMIA 22:11

Mongkona i Yoahas, anak momo'ane i Yosia anu jinadimo tomundo' nu Yehuda nombolosakon tuumanyo, pinoto'imo nu Tumpu sumo uuka, “Ia nambamo nompala'imo tampat aiya ka' madi'mo daagi' minsusule' mae.

YEREMIA 22:18

Kalana aijo' mongkona i Yoyakim tomundo' nu Yehuda, anak momo'ane i Yosia tinaloakonmo nu Tumpu sumo uuka, “Ia silaka madi'mo ohangi; madi'mo daagi' ko anu motatae, ‘Paya' na sangalungku, paya'.’ Madi'mo daagi' ko anu susa' kalana molibos kabai moloboo', ‘Paya' na anu obagi tumpu!’

YEREMIA 22:27

Belemiu saidi' mae mongindimo minsusule' mae ilipu' aiya, panyo belemiu madi'mo daagi' minsusule' mae.”

YEREMIA 25:27

Lantas Tumpu notataemo mae hi belengku, “Poto'i hi aha mian haha aijo' taalu' Aku, Tumpu Anu Balakuasa Tumpu Allah Israel mompalentah aha da monginum sampe malangu ka' sola' molua'i. Ku usahakon na aha da tombahangkang ka' madi'mo daagi' po ule' mobula kalana pahampatean anu Ku potokamo mae hi aha.

YEREMIA 28:4

Aku mule' momboamo mae i Yoyakhin anak momo'ane i Yoyakim tomundo' nu Yehuda tiba iwi-iwi' na mian da'isan nu Yehuda anu binoamo i Babel. Memang totu'u Ku lepo'imo na kahosonan nu Babel, Aku, Tumpu notataemo.”

YEREMIA 42:18

Susumo Aku, Tumpu Allah Israel nompobuntumo tambuha'-Ku ka' pusang-Ku hi aha mian anu jojoong i Yerusalem sumo aijo'mo na Aku mompobuntu tambuha'-Ku kona hi belemiu anu mambamo i Mesir. Mian saidi' mae mabuhukmo na montoa belemiu; belemiu sola'mo o'alu, ka' sanggo nu belemiu lewa'mo opake' salaku bau pontotobi'akon. Belemiu madi'mo daagi' po ule' montoa lipu' nu belemiu aiya.”

YEREMIA 44:14

Aha mian nu Yehuda anu daagi' tinontuha' anu nambamo i Mesir, ka' jojoongmo kiijo' mae madi'mo daagi' ko samian na daagi' tumuu' kabai madi' silaka. Madi'mo daagi' ko samian na daagi' minsusule' mae i Yehuda maumo ahi' han aijo' talalo hondo nu ka'ima'i nu aha. Totu-totu'u madi'mo daagi' ko anu minsusule' mae, boli mompiakon pa' to pia-piangkuka na mian anu moko ala mopalai.”

MOHAANGI 4:9

Aha sinansala'mo ka' sinilaka kinomayu-mayu'annyoje kalana madi' hondo-hondo ko anu okaan; anu sinilaka i pahampatean, lebe ko untungnyo tiba anu sinilaka nu ohop.

YEHEZKIEL 24:16

“O, manusia anu madi' tumuu' batu, monti-montiik ahi' Ku alamo na mian anu talalo hondo nu kanonongi. Panyo beleyum madi' timbali montando'i kabai mohangi kabai mompojuju lolu' nu beleyum.

LUKAS 23:28

Panyo i Yesus nosiloi ka' notatae hi aha, “To bou-boune nu Yerusalem! Boli mohaangi Aku. Haangi na posi butongum ka' to ana-anakum.