YEREMIA 21:4 - KITAB NU TUMPU ALLA LELE MA'IMAI'

⁴ da mompoto'i hi Zedekia taalu' Tumpu, Tumpu Allah Israel nompoto'imo mae sumo uuka, “Zedekia, Ku patundu'mo na suludadu nu beleyum anu hau-haunyo nahampatemo nongewa tomundo' Babel tiba suludadunyo. Sinin na toongon bau pahampate nu suludadu nu beleyum Ku tambunmo itotonga' nu kota'.

YEREMIA 21:4 ပူးပေါင်းရင်းမြစ်များ

YESAYA 10:4

Uki' nu belemiu madi' kosangalasannyo olamo ahi' opatei i uno nu pahampatean kabai oboamo salaku mian anu ihakop. Panyo Tumpu daagi' sabole-boleh motambuha' ka' tataap monabu'akon hukuman.

YESAYA 13:4

Potombihing na hengge'nu mian aita' me ibungkutnyo, sumomo ahi' hengge' nu mian anu da'isan tongko'. Potombihing na kalaja'an-kalaja'an singkapmo ihengge, ka' aha bansa-bansa anu sinihukmo. Tumpu Anu Daka' na Kuasanyo nompalesamo gombuan nu suludadu anu kahanda'mo mahampate.

YESAYA 5:5

Sumo uuka na Aku mombau ale' nu anggur-Ku aijo'. Balabat anu montikubi mae aijo' Ku gautakonmo, pagan mesen anu montingki'i mae Ku hobo'akonmo, lantas Ku pokilayamo da nu ideimo nu binatang anu mahangas ka' lewa' mompahampeja'akon.

YEREMIA 20:4

Posi Tumpu nompoto'imo, ‘Beleyum Ku pojadimo teror kona iposi butong nu beleyum ka' mule' kona hi to sanga-sangalu nu beleyum. Nu toaje nu beleyum na aha nu patei nu sampobali' nu aha. Iwi-iwi' na aha mian nu Yehuda Ku pojohokmo da nu kuasai nu tomundo' Babel; sambagian na aha nu atomo salaku mian anu ihakop binoa i Babel, ka' tuha'nyo opateimo.

YEREMIA 21:3

Lantas Tumpu notataemo mae hi belengku, sahingga sinaingkumo na to mia-mian anu sinai mae aijo'

YEREMIA 32:24

To mia-mian nu Babel nombau pagan mesen da bau pontumbuhian iduhu-duhuk na kota' da timbali opoko ala na kota' aijo' ka' uuka aiya aha nontumbuhimo. Pahampatean, kasusa'an i anu okaan, tiba panyakit anu molele na monsaduakonmo kota aiya matundu'mo hi lima nu aha Babel.

YEREMIA 32:3

nu tomundo' Zedekia kalana sinangkamo koonyo aku nombebakonmo Tumpu nompoto'i sumo uuka, “Tomundo' nu Babel Ku popilayamo da mompatundu'mo ka' monjojoongimo kota' aiya,

YEREMIA 32:5

Lapas mae i Zedekia oboamo i Babel ka' jojoongmo kiijo' mae sampe ia Ku hukumo. Maumo ahi' ia mahampatemo mongewa Babel ia madi' ahi' untung. Aku, Tumpu notataemo.”

YEREMIA 33:5

palasuma na mongewa aha mian nu Babel, kalana han aijo' ola ahi' monsaduakon da kota' aiya mobuke'mo nu bangke' nu to mia-mian anu Ku silakaimo nu tambuha'-Ku tiba pusang-Ku hi aha. Aku madi'mo halala' na montoa kota' aiya kalana aha miannyo nombaumo palabuatan anu ma'idek.

YEREMIA 35:17

Kalana aijo' Aku, Tumpu Anu Mahakuasa, Tumpu Allah Israel, mompotokamo mae aiya hi belemiu – mian nu Yehuda tiba Yerusalem – iwi-iwi' na balaa' anu tinantukan-Kumo mongkona belemiu, susumo anu pinoto'ing-Kumo. Han aijo' Ku baumo kalana belemiu madi' mongka'oho' mohongo-hongo de Ku poto'imo hi belemiu, ka' belemiu madi' mongka'oho' montaami salatan Ku lagamo na belemiu.”

YEREMIA 39:3

ka' Yerusalem pinatundu'mo. Jadi iwi-iwi' na mian anu kopangkatnyo hi tomundo' Babel tinokamo mae ka' lako'mo sinumuhang i Sabatan Daka' anu i Totonga'nyo. Anu aijo' hi aha daagi' ko i Nergal Sarezer, i Samgar Nebo, i Sarsekim anu mongkapalai auan nu laigan nu tomundo', i Nergal Sarezer Rabmag tiba to sulu-suludadu sangga'at.

YEREMIA 52:18

Aha mule' ahi' nomboamo iwi-iwi' na balang aijo'mo: iwi-iwi' na pamutu', sobang bau pongkula ponoha' i uno nu kuhon, tampat bau pongisian abu' nu mezbah, pakakas-pakakas bau pontutungian sulu', iwi-iwi' na mangko' bau ponsamonan baso' nu binatang anu okolot da bau koloban, iwi-iwi' na mangko' anu bau pompapuan kamangian ka' mule' iwi-iwi' na balang tambaga sangga'at anu opake de monsombahkonmo apa-apaa hi Tumpu.

MOHAANGI 2:3

I uno nu kapusan-Nyo anu tala-talalomo kino suhu-suhut kahosaonan nu Israel binau-Nyomo da pinatundu'mo Salatan kita tinumbuhanmo nu sampobali' Ia madi'mo nontulungi. Susumo apu binanyela-nyelakmo anu nontoyo'imo apa-apaa sumo aitumo na tumpu nontambuha'i kita iwi-iwi'.

MOHAANGI 2:5

Tumpu tinimbalimo susumo sampobali'; Ia nontintipmo Israel sampe nahungku'mo Ia nohansunimo iwi-iwi' na benteng tiba laigan nu tomundo' ka' nompojoongmo mian anu sinilaka hi aha anu jojoong i Yehuda.

MOHAANGI 2:7

Tumpu madi'mo nontalima mezbah-Nyo anu susi-susi' aijo' ka' nompala'imo Laigan-Nyo; pinojohok-Nyomo na sampobali' nohobo'akon pagannyo mesen iwi-iwi'. Itampat naipuan mae pogalejaan ka' mombau-bauon, sampobali' lewa'mo nolo ais kalana inguntungmo na nahampate.

YEHEZKIEL 39:3

Ikiijo' mae Ku sapahimo na pana'nyo sahingga tongkakabasmo ilimanyo kowi, ka' Ku potatabumo na hihisnyo anu aijo' totoong ilimanyo koanan.

HOSEA 9:12

Panyo maumo ahi' daagi ko to ana-anak anu ohampeakon ka' opodaka'mo, aha po ule' ahi' Ku ala; madi' ko samian pe'e na Ku pobee' tumuu'. Silakamo na belemiu o bansa Israel de Ku pala'imo na belemiu!”

ZAKHARIA 14:2

Nu posihukmo nu Tumpu iwi-iwi' na bansa da montumbuhimo Yerusalem. Kota' aijo' opatundu'mo ka' iwi-iwi' na laigannyo otololangimo ka' mule' to bou-bounenyo suele opasala'imo nu aha. Mintonga' na bagian na aha mian anu jojoong kiijo' oboamo i tampat pompojoongan, panyo labinyo na jinojoong ahi' i kota' aijo'.

MATIUS 22:7

Salatan tomundo aijo' nohongo han aijo', ia pinusa hondo. Ia nonsai suludadunyo da mompatei anu lewa' mompatei aijo' ka' nompapui kota nu aha.