YEREMIA 20:9 - KITAB NU TUMPU ALLA LELE MA'IMAI'

⁹ Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YEREMIA 20:9 ပူးပေါင်းရင်းမြစ်များ

MAZMUR 39:3

Aku momohokotmo madi'mo sola' motatae sahingga mosi polugi'mo posi butongku. Ka' kasansala'anku ku oa'i ko boa-boatnyomo;

YEREMIA 23:29

Potataeng-Ku sumo apu, ka' mule' sumo pombaan anu mohansuni batu!

YEREMIA 23:9

Sumo uuka na potuunonku hi aha to nabi-nabi: Kinyonyoangku nalibosmo hondo ka' aku ilakatnyomo. Tumpu tiba potatae-Nyo anu susi' nompolonguimo mae aku susumo anu nanjoo'mo na nonginum anggur.

YEREMIA 4:19

Sinansalamo hondo na kinyonyoangku, madi'mo ku poko ala montahan kasansala'an. Aku madi'mo moko ala monsabaanakon butongku sulengku nangada'mo i uno nu saha'anku, kalana ihongongkumo na tolompet ingumonyi'mo, tiba ais nu pahampatean nayontokmo mae.

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

YEHEZKIEL 3:3

Ia notatae, “O, manusia anu madi' tumuu' batu, kaanmo! Isiimo na kompong nu beleyum nu kitab anu ilulunmo aiya.” Lantas kitab aijo' kinaankumo ka' nyamitnyo matami' matami' hondo sumomo ahi' juu' nu uani'.

AMOS 3:8

De singa molohu', ihe na madi' mabuhuk? De Tumpu Anu Matangkas na kuasanyo notatae, ihe na ola momohokot madi' mombebaakon potuunon-Nyo?

YUNUS 1:2

Koonyo nu Tumpu, “Lako mamba i Ninewe kota' anu daka aijo', ka' otambuha'i kalana Kusumbu' mian anu jojoong ikiijo' talalomo hondo na'idek.”

YUNUS 1:3

Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.

LUKAS 9:62

I Yesus notatae hi mian aijo', “Mian anu montampu'unimo mompajeko, lantas mosiloi i hiku, madi' pantas timbali mian anu palesayamo hi Tumpu.”

SISIKON NU TO RASUL-RASUL 17:16

Hau-haunyo i Paulus montanda'i i Silas ka' i Timotius kiijo' i Atena, kinyonyoanyo molibos na montoa kota aijo' nobuke'mo nu to pilo-pilogot.

SISIKON NU TO RASUL-RASUL 18:5

Salatan i Silas ka' i Timotius tinokamo lengkat mae i Makedonia, i Paulus nonggunaakon iwi-iwi' na kasampatannyo da mompolele lele lengkat mae hi Tumpu toka hi to mia-mian Yahudi tukoonyo i Yesus aijo'mo na Tomundo' anu Momposalamat anu jinanjimo nu Tumpu.

SISIKON NU TO RASUL-RASUL 4:20

Kalana kami madi' timbali belenti na motatae mongkona apaa na anu tinoamo mami ka' pinosi hongo.”