YEREMIA 20:8 - KITAB NU TUMPU ALLA LELE MA'IMAI'

⁸ Setiap aku motataemo, tionyo ahi' ku loboo'akon hoso-hoson, “Balaa'! Anu taha-tahahumo tokame mae!” O Tumpu aku lewa' okokojoi ka' opopo ambang sansina-sinaa kalana saja' monsisikakon potuunon nu Belento.

YEREMIA 20:8 ပူးပေါင်းရင်းမြစ်များ

2 TOMU-TOMUNDO' 2:23

Lapas aijo' i Elisa nambamo nompala'i Yerikho ka' nambamo i Betel, I olot nu jalan daagi' ko to ana-anak pa' aha sangkuka nosabatmo mae lengkat i kota' lewa'mo nongkokojoi ia, “O ubak lenggeng, ubak lenggeng, lako' pala'i na tampat aiya!” na anu lewa' i loobo'akon nu aha.

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

YESAYA 57:4

Ihe na okokojoi nu belemiu? Ihe na anu o, alu na belemiu? Temisa' belemiumo ahi' na tulunan nu mian anu talalo baleko' ka' anu saja' mombau hengge'?

YEREMIA 15:10

Memang aku aiya sinoe'mo! Apaa na gunanyo aku pinohampe nu tinangku? Ka' mule' batu-batu mian ilipu' aiya tionyo aku painggaga ka' paimpisa-pisala'an. Maumo ahi' aku madi' toho' nonsabolakon kabai nonsabon, panyo aku kinutukanmo mae nu mian iwi-iwi'.

YEREMIA 15:15

Lantas aku notataemo, “O Tumpu, Belento mangalati'. Inau'akon mae ka' tulungiakon mae na aku. Balosakon na aha nololoimo mae ka' mule' nonsakisamo mae aku. Tokolo' talalo monsabaanakon aha sahingga aha saidi' mae timbalimo mompatei aku. Inau'akon mae saba' kalana Belento sahingga ingambanganmo mae na aku.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 20:7

O Tumpu, Belento pagalamo nonsale'i aku ka' tinulutankumo. Belento na mohungku'i kahosonanku ka' nohungku'imo aku. Aku sola'mo kinokojoan nu to mia-mian pinopo ambangmo lengkat pe'e daagi' subu sangkutnyo sampe mamalom.

YEREMIA 28:8

To nabi-nabi ma'isa pe'e kinokitanyo polo'mo nongkila-kila tukoonyo nu aha pahampatean, balaa' kapatean, ka' mule' panyakit anu molele mongkonamo manjoo' na bansa tiba kalaja'an anu toto hoso-hoson.

YEREMIA 5:1

O mian anu jojoong i Yerusalem, tuusakon na jalan-jalan anu atina' ikota' nu belemiu! Lio iyaya mae ka' posi sakisimo. Soba palesa itampat-tampat anu loas na popasannyo atina' ikota' pa' daagi' ko anu hodi' na kinyonyoanyo anu bala usaha tulu-tulutan hi Tumpu Allah. De daagi' na nu ampuni ahi' nu Tumpu na Yerusalem.

YEREMIA 5:6

Mokonyo aijo' aha nu pateimo ahi' nu singa nu alas ka' nu bea-beakmo nu serigala anu lengkat mae ipadang tampat anu mateges. Macan tutul sumolinsapmo molio kaanonnyo koko kota-kota' nu aha, ka' ihehe na anu mosabat mae nu sa'umo. Iwi-iwi' aijo' saidi' mae jadimo kalana aha nanjoo'mo na binaladosa' ka' saja'mo nohiku mae Tumpu Allah.

YEREMIA 6:10

Tinaamanku, “O Tumpu hihe na potataeanku, ka' ihe na anu ku pokinde'i? Aha panggaga hondo ka' madi' ka oho' mompalahatikan. Nu kokojoi nu aha ka' nu ka'ideki nu aha na potuunon nu Belento anu pinoto'ingkumo hi aha.

YEREMIA 7:9

Belemiu montomang, mompatei, masala', timbali sakisi anu baleko', monsombahkon koloban hi Baal ka' mule' monsombah to pilo-pilogot anu madi' osumbu' nu belemiu.

HABAKUK 1:3

Kadaka' Belento ola mompojohok aku montoa palabuatan anu ma'idek nanjo-nanjoo'mo aijo'? Te toho' mule' ola o intim nu Belento na montoa palabuatan anu susumo aijo'mo na konjoo'nyo? Iyaya mae daagi ko kahansunan ka talalo buhingison ka' pahantuda'an ka' mule' po ualian.

LUKAS 11:45

Sala'samian na gulu' agama notatae hi Yesus, “Tuumangku Gulu', tiba potatae aijo', Kita Tuuma mongambangimo ahi' kami!”

IBRANI 11:26

Nu oa'i i Musa lebe ko angga'nyo na opopo'ambang kalana palesaya hi Tomundo anu Momposalamat anu jinanji'mo nu Tumpu Allah aijo', pojohok mau madi' mohumpak iwi-iwi' na halata' nu lipu' Mesir, kalana i Musa montaha'imani tambonyo i sinaa anu aiya mae o ahopi.

IBRANI 13:13

Kalana aijo' imbo' da kita mamba hi Ia i sambiha'nyo nu kemah da suele opopo'ambang susumo Ia.

1 PETRUS 4:14

Komiu mohumpakmo dale' de komiu o jojoa, kalana komiu anu saja' mombatuki i Kristus. Aijo' alati'nyo Roh anu opopodaka', aijo'mo Roh nu Tumpu anu daagi'mo itina' hi belemiu.