YEREMIA 20:7 - KITAB NU TUMPU ALLA LELE MA'IMAI'

⁷ O Tumpu, Belento pagalamo nonsale'i aku ka' tinulutankumo. Belento na mohungku'i kahosonanku ka' nohungku'imo aku. Aku sola'mo kinokojoan nu to mia-mian pinopo ambangmo lengkat pe'e daagi' subu sangkutnyo sampe mamalom.

YEREMIA 20:7 ပူးပေါင်းရင်းမြစ်များ

2 TOMU-TOMUNDO' 2:23

Lapas aijo' i Elisa nambamo nompala'i Yerikho ka' nambamo i Betel, I olot nu jalan daagi' ko to ana-anak pa' aha sangkuka nosabatmo mae lengkat i kota' lewa'mo nongkokojoi ia, “O ubak lenggeng, ubak lenggeng, lako' pala'i na tampat aiya!” na anu lewa' i loobo'akon nu aha.

AYUB 12:4

Aku kinokojoanmo nu sangalu ka' mian anu mompahasumbu', yo aitu aku aiya hondo ahi' ka' madi' ahi' ko kasala'an. U'utu mae tinaaman nu Tumpu Allah na do'angku, de aku momoita tulung.

AYUB 30:9

Uuka aiya aha tinokamo mae ka' nongkokojoimo mae aku; de hi aha, aku aiya na ola ahi' bau timbali moko kojoo aha.

MAZMUR 119:51

Mian anu kobubuun talalo hondo mongalu aku, panyo aku madi' mosele mompala'i atulan nu Belento.

YESAYA 8:11

Aku kinuasanmo nu Tumpu ka' pinokinde'anmo da boli montuluti jalan anu nu jalani nu bansa aijo'. Ia notatae,

YEREMIA 15:10

Memang aku aiya sinoe'mo! Apaa na gunanyo aku pinohampe nu tinangku? Ka' mule' batu-batu mian ilipu' aiya tionyo aku painggaga ka' paimpisa-pisala'an. Maumo ahi' aku madi' toho' nonsabolakon kabai nonsabon, panyo aku kinutukanmo mae nu mian iwi-iwi'.

YEREMIA 15:18

Kadaka' aku saja'mo mongoa'i sansala? Kadaka' belangku talalomo ahi' tinadok ka' madi'mo dongan ma'alin? Pa' Belento ko kahanda'mo ahi' mompopato kinyonyoangku susumo kaunyo anu mo'otimo itempo' nu posinaa?”

YEREMIA 17:16

Panyo, o Tumpu, madi' toho' aku nonsekeli da Belento mompotudunmo mae balaa' hi aha. Aku madi' mule' ahi' mongkahanda'i da aha nu tokaimo mae nu balaa'. Sinumbu'mo nu Belento na aijo', o Tumpu. Nu sumbu' nu Belento apaa na anu tinaloakonkumo.

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YEREMIA 29:26

“Tumpu nohangkatmo beleyum tinimbali imam da mombolosakon i Yoyada, ka' uuka aiya beleyumo na pangkat anu matangkas hondo i uno nu Laigan nu Tumpu. Kalaja nu beleyum aijo'mo da mompalentah da supaya batu-batu mian anu ulawon, anu mongakui butongnyo nabi, ia otalungku'mo ka' olante'mo nu besak igogohongnyo.

YEREMIA 38:19

Tinaaman i tomundo', “Ku kabuhuk na to mia-mian sangko bansanto anu nopalaimo namba naninggalum hi aha mian nu Babel. Boli-boli dumo aku obee'mo hi aha ka' osakisamo.”

MOHAANGI 3:14

Sansina-sinaa na aku kinokojoan nu iwi-iwi' mian ka' ponojadimo nu aha anu lewa' osisik.

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

HOSEA 9:7

Tinokamo mae na tempo'nyo anu pohukumanmo, tempo'nyo nu pontalimanmo balosnyo nu palabuatan nu aha. Nu oa'imo nu Israel! Belemiu nontaloakon, “Nabi anu kinuasanmo nu roh aiya ponga'! Ulawon na ia!” Belemiu nontaloakon sumo aijo' kalana belemiu mongka'ideki mae hondo aku ka' dosa' nu belemiu talalo hondo daka' na koonyo nu nabi aijo'.

YUNUS 4:2

Lantas ia binalado'amo, “O Tumpu temisa tinaloakonkumo ahi' ma'isa pe'e aku namba lengkat mae ilaiganku u'utu mae, tukoongku Belento tantu mombaumo sumo aiya? Mokonyo aijo' aku nopalaimo namba i Spanyol! Kusumbu' saba' Belentomo na Tumpu anu mongkalibosi ka' manonong ka' talalo sabaan ka' motatae ma'ima' ka'saja' ko tanga'an madi' mohukum.

MIKHA 3:8

Panyo mongkona ibutongku aiya, Tumpu nombee'imo mae aku roh-Nyo tiba kuasa-Nyo. Aku binee'an-Nyomo balakat da monsumbu' ka'adilan ka' mule' kabaanian da moko ala mompoto'i hi aha mian nu Israel iwi-iwi', na anu binaumo nu aha.

LUKAS 16:14

To mia-mian Farisi nohongomo iwi-iwi' anu tinaloakon i Yesus. Lantas kinokojoanmo nu aha, kalana aha mongka'ima'i doi.

LUKAS 23:11

I Herodes ka' to sulu-suludadu nombia-biangakonmo ka' nongambangimo i Yesus, lantas nompopakemo hi Ia baju' pesalin, lapas aijo' po'ule' mule' nonsai Ia da o boa hi Pilatus.

SISIKON NU TO RASUL-RASUL 17:18

To gulu-gulu' anu mombatuki pangajalan i Epikuros ka' mombatuki pangajalan i Stoa pinainggaga suele tiba ia. To pia-piangkuka lengkat hi aha notatae, “Apaa na nusumbu' nu mian aiya? Kapandeannyo ola sangkiding, panyo ia manjoo' na potatae!” To pia-piangkuka anu sangga'atannyo notatae, “Kugantang ia mompolele mongkona to pilo-pilogot nu bansa sangga'at.” Aha notatae sumo aitu, kalana i Paulus monsisik mongkona i Yesus ka' mongkona anu mate po'ule' tumuu'.

SISIKON NU TO RASUL-RASUL 17:32

Salatan to mia-mian aijo' nohongo mongkona anu natemo po'ule' tinumuu', daagi' ko anu lengkat aijo' hi aha nongkokojoimo i Paulus. Daagi' mule' ko anu notatae, “Kami ka'oho' mohongo kita Utus motatae mule' mongkona han uuka.”

1 KORINTUS 9:6

Kabai ola i Barnabas ka' aku na anu tionyo mosi lio kaanon?

IBRANI 11:36

Daagi' ko anu i le-letakon, pinohos, pinungu nu lante ka' pinosoop i uno nu talungku'.