YEREMIA 2:5 - KITAB NU TUMPU ALLA LELE MA'IMAI'

⁵ Tumpu notatae, “Kasala'an apaa na anu tinoa nu mompolee' nu belemiu hi beleng-Ku, sahingga aha pinalagantamo mae hi beleng-Ku? Aha pagala nolio pilogot anu madi' ko angga'nyo ka' ahennyo posi ahamo ahi' na na ambang.

YEREMIA 2:5 ပူးပေါင်းရင်းမြစ်များ

2 TOMU-TOMUNDO' 17:15

Israel ka' Yehuda madi' mongka'oho' montuluti iwi-iwi' na palentah nu Tumpu ka' madi' montuluti palajanjian anu binauNyomo tiba mompolee' nu aha. Aha madi' montapali to poki-pokinde'Nyo, panyo ola ahi' monsombah to pilo-pilogot anu madi' ko gunanyo, sahingga aha suele madi'mo ko gunanyo. Aha nombatukimo sonto' apaa na anu nu bau nu to bansa-bansa anu mompaha ohani aha, mau mule' Tumpu nontewa'mo.

MAZMUR 115:8

O' amalakon da sumo aijo'mo na uki' nu to mia-mian anu nombaumo sumo aijo' ka' iwi-iwi' na mian anu pinalesayamo hi ia.

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YESAYA 44:9

Aha to mia-mian anu lewa' mombau patong bapilogotan aijo' madi' kokaliangannyo, ka' mule' to pilo-pilogot nunu sombah nu aha aijo' madi' ahi' ko gunanyo. Aha to mia-mian anu monsombah patong aijo' napisokmo ka' madi' monsumbu' apa-apaa kalana aijo' aha saidi' mae, aha ma'ambangmo.

YESAYA 46:12

Potombihing mae o, belemiu mian anu to bubulon belemiu anu monsangka au'aitu kamenangan daagi ahi' pin.

YEREMIA 10:8

Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YEREMIA 12:2

Sinu'anmo nu belento na aha susumo sosu'anon, lantas aha nimbakatmo, tinumuu'mo, ka' nimbua'mo. Aha saja mombisalakon anu toto ima-ima' mongkona butong nu Belento, panyo i uno nu kinyonyoa nu aha, aha sabenannyo ahi' madi' mompajuli Belento.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 2:31

O mian nu Israel potombihing mae na potataeng-Ku aiya. Pa' toho'mo na Aku susumo padang tampat anu mateges na jinadi' atina hi belemiu kabai pa' sumo tano' anu pinikatmo hondo? Panyo kadaka' belemiu notataemo koonyo nu belemiu, belemiu mongkahanda'imo bebas, ka' madi'mo daagi' mongka'oho' minsusule' mae hi beleng-Ku?

YEREMIA 2:4

Potombihing na potuunon nu Tumpu, o belemiu lee' mae i Yakub, tulunan nu to bansa-bansa Israel!

YEREMIA 8:19

Hongo ahi' isongko-songko nalipu' kinolongnyomo kihis tiba haang nu bansangku mompokilawa, “Pa' madi'mo daagi' ko Tumpu kiita' i Sion? Iyamo mae na tomundo'nyo uuka aiya?” Tinaamanmo nu Tumpu, tomundo' nu aha, “Kadaka' belemiu tinolodadupumo monsombah to pilo-pilogot anu madi' hondo-hondo ko gunanyo? Kadaka' sinakitanmo nu belemiu na kinyonyoang-Ku nononsombahmo to pilo-pilogot?”

YEHEZKIEL 11:15

“O, manusia anu madi' tumuu' batu, beleyum tiba to sanga-sangalu nu beleyum anu kiijo' mae pinomboan ka' pinompojoongan aha binisalakonmo nu aha mian jojoong i Yerusalem. Koonyo nu aha, ‘To mia-mian anu binoamo ka' pinojoongmo kiijo' mae najo'onmo hondo i Yerusalem, madi'mo daagi' moko ala monsombah Tumpu. Tano' nu Israel binee'mo nu Tumpu hi kita.’

YEHEZKIEL 14:5

Iwi-iwi' na pilogot haha aijo' nompojo'onmo mian anu palesayamo hi beleng-Ku da madi'mo ingohani mae hi beleng-Ku, panyo o'amalakon da kalana pontaami aijo' mian anu palesayamo hi belengku po ule'mo mae toka hi beleng-Ku.’

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

MATIUS 15:8

‘Sumo uuka na koonyo nu Tumpu: To mia-mian haha aijo' ola ahi' monsombah Aku nu potatae, panyo kinyonyoa nu aha majo'on lengkat hi beleng-Ku.

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

ROMA 1:21

Mian monsumbu' Tumpu, panyo mian madi' mongadati Ia salaku Tumpu ka' madi' mule' montalima kaseh hi Ia. Ola mule' ahi' mian mompotutugakon anu mamisa-misa'; kinyonyoa nu aha pinintungmo.

PO'ULE' INGULIT 32:21

Aha nonsaduakon aku da nontambuha'i anu misa' Tumpu Allah, ka' nontambuha'imo patong nu bapilogotan nu aha. Sahingga Ku potimbalimo na mian anu pinalesayamo hi beleng-Ku da mongka'idekimo anu misa' bansa, ka' montambuha'i bansa anu ponga'.

1 SAMUEL 12:21

Boli montuluti to pilo-pilogot anu madi'moko ala montulungi ka' momposalamat belemiu, kalana aha sabenannyo imadi'an.