YEREMIA 2:34 - KITAB NU TUMPU ALLA LELE MA'IMAI'

³⁴ Baju' nu belemiu binanodamo nu baso' nu mian kasiasi tiba mian anu madi' kosala'nyo, misa' baso' nu mian anu saja' montomang na ihakop. Panyo maumo ahi' sumo aijo',

YEREMIA 2:34 ပူးပေါင်းရင်းမြစ်များ

2 TOMU-TOMUNDO' 21:16

Misa' ola nonsaduakonmo mian nu Yehuda binaladosa'mo hi Tumpu kalana binapilogotmo, panyo suele i Manasye nompateimo manjoo' hondo na mian anu madi' ko sala'nyo sahingga baso' no'ilimo iyaya mae i Yerusalem.

2 TOMU-TOMUNDO' 24:4

Anu talalo hondo aijo'mo iwi-iwi' na anu binaunyomo nompatei to mia-mian anu madi' ko sala'nyo. Tumpu madi'mo daagi' mongampuni sinin na lalakuan i Manasye aijo'.

NOSABATMO 22:1

“Ihe na mombuling sa'angu' na sapi' kabai domba, lantas kinolotnyomo kabai pinobaluknyomo, sa'angu' na sapi' tionyo obolosi nu olima' na sapi' ka' sa'angu' na domba obolosi nu opat na domba.

NOSABATMO 22:2

Ia tionyo mombolosi anu binulingnyo. De madi' ko anu daagi' hi ia apa-apaa, iamo na opobaluk susumo botuan bau pombolosi anu binulingnyomo. De anu binulingnyo aijo' sapi', keledai kabai domba, ka' daagi' i humpak hi mian aijo' daagi' tumuu', ia tionyo mombolosi de sa'angu' na potuu'on obolosi ohua' na potuu'on. De samian na anu mombuling pihi o hakop i uno nu sa'angu' na laigan lantas ia pinateanmo, mian anu nompatei aijo' madi' ko sala'nyo. Panyo de han aijo' binau sina-sinaa, mian anu nompateimo sala'.

YESAYA 57:5

Belemiu nonsombahmo to pilo-pilogot anu mombee'i kalumba'an ka' butong nu belemiu binoamo nu napisu ipatuu nu kau' anu o, anggap ko balakatnyo. Belemiu nolamunmo to ana-anak nu belemiu i bangka'nyo nu kaunyo nyo, i liang nu batu.

YESAYA 59:3

Belemiu sinala'mo kalana binaleko'mo ka' mule' nombaumo anu madi' totu'u kalana talalomo ahi' sininggi ka' sola'mo nompatei mian.

YESAYA 59:7

Belemiu saja' balatanga' mombau anu ma'idek ka' gagalan sampa obau. Madi' bata-bata na belemiu mompatei mian anu madi' ko sala'nyo. Mau moya na belemiu mamba, belemiu mompala'i anu singkapmo ma'idek tiba kasilaka'an.

YEREMIA 19:4

Han aijo' Ku baumo kalana bansa aiya nompala'imo Aku. Aha nohumimi'imo tampat aiya kalana nonsombahkonmo koloban hi to pilo-pilogot anu madi' nu sumbu' nu aha, hi pompolee' nu aha ka' hi to tomu-tomundo' nu Yehuda. Aha mule' ahi' nongisiimo tampat aiya nu baso' nu to mia-mian anu madi' kokasala'annyo.

YEREMIA 2:33

Belemiu pande hondo na mongatun kapandean monggoda kinyonyoa nu sindua'an nu beleyum. Maumo ahi' mian anu saja' masala' tala-talalo hondo palaganta panyo daagi' ahi timbali balajan hi belemiu!

YEREMIA 6:15

Sabenannyo aha ma ambangmo ahi' kalana nombaumo iwi-iwi' anu moko ambang aijo'. Panyo kinabanmo na ohup nu aha ka' madi'mo nonsumbu' ambang. Kalana aijo' aha ohukumo susumo mian sangga'at; sisikon nu aha mingkotmo de Ku hukumo na aha. Aku, Tumpu, notataemo.”

YEREMIA 7:31

Sa'angu' na mezbah anu sinanggohan Tofet pinotinjomo nu aha i Bangka'nyo nu Hinom bau ponsombahkonan to ana-anak nu aha salaku koloban anu opotunu. Padahan madi' pinokaung-Ku na aha mombau han aijo' pakalaus mule' madi' toho' tinonginau' na anu sumo aijo' i uno nu pikilan-Ku.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

YEREMIA 8:12

O mian anu palesayamo hi beleng-Ku, sabenannyo ahi' belemiu na ambangmo kalana nombaumo iwi-iwi' na palabuatan anu moko ambang aijo'! Panyo belemiu madi'leges ka' madi' monsumbu' ma ambang. Kalana aijo' belemiu silakamo susumo mian sangga'at anu sinilakamo; madi'mo ko sisikonnyo na beleyum de Ku hukumo na belemiu.

MOHAANGI 1:9

Inyata'mo hondo na kapahengasannyo panyo ia madi' mompajuli apaa na anu jinadimo i butongnyo. Talalo hondo ahi' na kinahansunannyo, panyo madi' ko samian pe'e na anu pohase' da sanang na kinyonyoanyo. Sahingga ia nomoitamo hi Tumpu da okalibosi mae, kalana to sampo-sampobali'nyo inguntungmo.

MOHAANGI 4:14

Mimbalu-balu' mian mapisok memo mahalajangan i sinin na jalan sumo aijo'mo na to pola-polaya' i kota' Yerusalem. Baso' nu aha nohumimi'imo baju' nu aha sahingga madi'mo ko anu mongka'oho' montiik aha.

YEHEZKIEL 20:31

Ka' mule' sampe sinaa uuka aiya belemiu suele ahi' mohumimi'i butong nu belemiu momomboamo palasombahan ka' mompapuimo to ana-anak nu belemiu salaku koloban hi to pilo-pilogot. Lantas daagi' mule' ahi' na belemiu momoita mae pokinde' hi beleng-Ku? Atas sanggong-Ku, Tumpu anu tumuu', Tumpu Anu Matangkas na Kuasanyo, belemiu madi'mo Ku pobee' momoita mae pokinde' hi beleng-Ku.

YEHEZKIEL 22:25

To pola-polaya' nu aha sumomo ahi' singa molohu'mo salatan nonsa'umo kaanonnyo. Aha nompateimo mian da'isan, nongagoimo iwi-iwi' na halata' tiba kakaya'an anu nu humpak nu aha ka' nonsaduakonmo manjoo' na to bou-boune anu binalumo.

YEHEZKIEL 23:45

Panyo mian anu singkap palesaya totu-totu'u na momputusimo ahi hukuman nu aha anu moto utus aijo' kalana kasala'an masala' ka lewa'mo nompatei kalana aha memang ahi' sinala'mo.”

YEHEZKIEL 24:7

I kota' aijo' ko anumo pinatean, panyo baso' nu anu pinateanmo aijo' madi' nobubus i tano' panyo ola nobubus i batu anu mokuut hondo sahingga madi' opoko ala otabuhi.

YEHEZKIEL 9:9

Tinaaman nu Tumpu, “Aha to mia-mian nu Israel tiba Yehuda nombaumo dosa' anu daka' hondo. Aha nompateimo isongko-songko na tampat, ka' Yerusalem ihumimi'anmo nu palabuatan anu ma'idek. Aha nontaloakonmo tukoonyo nu aha Aku, Tumpu nompala'imo lipu' aiya sahingga madi'mo montoa palabuatan nu aha.