YEREMIA 2:32 - KITAB NU TUMPU ALLA LELE MA'IMAI'

³² Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

YEREMIA 2:32 ပူးပေါင်းရင်းမြစ်များ

KAJADIAN 24:22

Salatan iwi-iwi' na unta manjoo'mo na inginumnyo, posaihon i Abraham nongalamo mainan mosoni' anu mahan na olinyo lantas pinokonanyomo i sung nu langkoyang aijo'. I botokonnyo pinopusoknyomo na galang mosoni' ohua'.

KAJADIAN 24:53

Lantas ingalanyomo na baju', mainan salaka ka' mosoni', ka' binee'nyomo iwi-iwi' aijo' hi Ribka. Suele utusnyo tu'a ka' tinanyo binee'annyomo palasen anu toto maha-mahan.

2 SAMUEL 1:24

O boune nu Israel, haangi ka' tando'i na i Saul, tomundo' aijo'! Anu nombaju'imo belemiu nu hude buhitnyo momea' ka' mule' ma'ima' hondo, ka' nompakeimo belemiu nu mosoni' anu ko mainannyo ma'ima' hondo.

MAZMUR 106:21

Aha nongkolilimimo Tumpu anu nomposalamatmo aha, anu nombaumo hahan anu daka' hondo tempo'nyo kiijo' mae i Mesir.

MAZMUR 9:17

Tumpu nompotoamo butong-Nyo kalana kaputusan-Nyo anu adin hondo. Mian anu ma'idek na kinyonyoanyo nohumpakmo hukuman sinaduakonmo nu anu pinosi baunyomo.

YESAYA 17:10

O, Israel beleyum nongkolilimo Tumpu anu nomposalamatmo ka' nonjagaimo beleyum susumo bungkutnyo nu batu anu mahoson hondo. Panyo ola mule' ahi' beleyum nonsu'anino ale' anu osombahkon hi pilogot.

YESAYA 57:11

Tumpu notatae, “Ihe na pilogot haha aijo' anu nombaumo belemiu da nabuhuk, sahingga belemiu binalekomo ka' madi'mo nonginau' mae Aku? Pa' belemiu madi'mo monsombah Aku, kalana Aku pininmo hondo na madi'mo kino lewo-lewo'?

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

YEREMIA 13:10

Bansa anu ma'idek na palabuatan nu aha aijo' talalo ahi' panggaga ka' madi'mo mae tulu-tulutan hi beleng-Ku. Aha monsombah ka' palesaya hi to pilo-pilogot sangga'at. Mokonyo aijo' aha montihomo lipa' kodo-kodo' aijo' anu madi'mo daagi' ko gunanyo.

YEREMIA 13:25

Sumo aijo'mo na uki' nu belemiu anu tinantukan-Kumo kalana belemiu nongkolilimimo mae Aku, ka' pinalesayamo hi to pilo-pilot anu madi' totu'u.

YEREMIA 18:15

Panyo mian anu palesayamo hi beleng-Ku nongkolilimimo Aku, ka' nompapuimo kamangian sinombahkon hi pilogot. Aha tinasala'mo ijalan nai-naipuan mae anu tionyo ahi' nu tului nu aha, lantas noselemo namba ijalan anu ma'isa pinohata.

YEREMIA 2:11

Ma'isa toho' ko sa'angu' na bansa mompotolos pilogotnyo maumo ahi' aijo' misa' Tumpu Allah anu sahondo-hondonyo. Panyo, mian anu palesayamo hi beleng-Ku nompotolosmo Aku, anu nunu kabubunakon nu aha tiba apa-apaa anu madi' moko ala mombau apa-apaa.

YEREMIA 2:33

Belemiu pande hondo na mongatun kapandean monggoda kinyonyoa nu sindua'an nu beleyum. Maumo ahi' mian anu saja' masala' tala-talalo hondo palaganta panyo daagi' ahi timbali balajan hi belemiu!

YEREMIA 23:27

Tantu nu tutugi nu aha tiba ipion haha aijo' anu nu sisikakon nu aha mian anu palesayamo hi beleng-Ku timbalimo mongkolilimi mae Aku susumo mompolee' nu aha nongkolilimimo mae Aku ka' nonsombahmo Baal.

YEREMIA 3:21

Aita' mae ibawo nu to bungku-bungkutnyo ihongomo na potatae anu ihengge'mo; aijo' potatae nu aha mian Israel anu ihumangmo ka' lewa' mongkakase, kalana aha binaladosa'mo ka' nongkolilimimo Tumpu Allah nu aha.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

HOSEA 8:14

Aha mian nu Israel nombaumo iwi-iwi' laigan nu tomundo' panyo aha madi'mo nonginau' anu nompotimbalimo aha. Aha mian nu Yehuda nomponjoo'mo kota' anu ko bentengnyo panyo Ku tau'akonmo mae na apu da mompapui iwi-iwi' na laigan nu tomundo' haha aijo' tiba iwi-iwi' na kota' nu aha sampe mingkot.”

PO'ULE' INGULIT 32:15

Mian anu pinalesayamo hi Tumpu kayamo, panyo saja' moto'idek, aha to lompo-lompo', nobosumo nu kaanon. Lantas aha nompala'imo Tumpu Allah, anu Nompotimbalimo aha ka' madi'mo nongala anu nomposalamatmo aha anu daka' hondo na kuasanyo.

ANU PINOTO'I HI YOHANES 21:2

Sahingga aku nontoamo kota susi' aijo', aijo'mo Yerusalem nintatau' mae lengkat i suluga' hi Tumpu. Kota aijo' pinosadiakonmo sumo samian na boting boune binaju'anmo da monsingkabotimo boting mo'ane.

TO MIA-MIAN KOPIAN 8:34

Aha madi'mo daagi' nonsombah Tumpu Allah, aijo'mo Tumpu nu aha nompolapasmo aha tempo'nyo kinuasan nu sampobali' iwi-iwi' nu aha anu montikubi mae aha.