YEREMIA 2:23 - KITAB NU TUMPU ALLA LELE MA'IMAI'

²³ Baani hondo na beleyum motatae tukooyum, beleyum madi'ko palabuatan ma'idek, ka' tukooyum Baal madi' toho' tinulutan nu beleyum! Soba toa na palabuatan nu beleyum akaong ibangka'nyo tutugi na palabuatan nu beleyum ma'i-ma'idek ka' akuimo! Beleyum sumomo ahi' unta behenyo anu mongkahanda'imo ohasi' nu lakinyo maha popadeka'anmo mokiijo' ka' mo uuka mae madi'mo opoko ala otahani,

YEREMIA 2:23 ပူးပေါင်းရင်းမြစ်များ

ESTER 8:16

Mian nu Yahudi sinanangmo madi'mo nabuhuk, binilahimo ka' ilame'mo.

MAZMUR 36:2

Dosa notataemo i uno nu kinyonyoa nu mian anu palabuatannyo ma'idek, ia koonyo madi' hondo-hondo mabuhuk hi Tumpu.

MAZMUR 50:21

Aijo'mo na anu sola' nu bau, panyo ola Ku hokotakon, jadi nu tutugi nu beleyum Aku sumo beleyum. Panyo uuka aiya Ku pisala'imo na beleyum, ka' iwi-iwi' aijo' Ku pojadimo da nyata' hi beleyum.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

AMSAL 30:12

Daagi' ko mian anu mongoa'i butongnyo susi' padahan ia mahumimi' hondo.

AMSAL 30:20

Sumo uuka na bau-baunyo nu samian na boune anu madi' tulu-tulutan hi langkai'nyo; moko lapas na masala', ia nongkaanmo lantas mongambu'i mo nganga'nyo, lantas motatae mo, “Aku madi' nombau apa-apaa!”

YEREMIA 14:10

Mongkona bansa aijo', Tumpu notataemo, “Aku madi'mo sinanang hi mian haha aijo' anu saja' mopalai mompala'i Aku, ka' madi' mongka'oho' mongkuasai butong nu aha.”

YEREMIA 16:10

De nupoto'imo na aiya iwi-iwi' hi aha, ugat nu pokilawamo nu aha kadaka' Aku mohukumo aha sumo aijo'mo na ko boatnyo. Nu pokilawamo nu aha pa' apaa na kasala'an tiba dosa' nu aha anu binaumo hi Belengku, Tumpu Allah nu aha.

YEREMIA 2:36

Malia' hondo na belemiu mamba hi to pilo-pilogot nu bansa sangga'at momoita tulung! Belemiu saidi' mae mompele-pele'je hi Mesir, susumo belemiu nompele-pelemo hi Asyur.

YEREMIA 3:2

Soba tanggalakon mokiita' ibawo nu to puge-puge'nyo! Tampat iya na anu ma'isa toho' kinalambanan nu beleyum nasala'? Susumo aha mian nu Arab ipadang tampat anu mateges, sumo aijo'mo na beleyum sumuhang isohipi' nu jalan montanda'i mian anu kahanda' bakusinta. Beleyum nohenyuimo lipu' aiya nu palabuatan masala' tiba palabuatan nu beleyum ma'i-ma'idek.

YEREMIA 31:22

Sampe toka hipian na beleyum saja'mo bata-bata, o bansa anu madi' tulu-tulutan hi beleng-Ku? Aku nompotimbalimo apa-apaa anu sala'je jinadi' idunia aiya, apa-apaa na anu okahelani hondo, ma'isa toho' jinadi boune monjagai mo'ane.”

YEREMIA 7:31

Sa'angu' na mezbah anu sinanggohan Tofet pinotinjomo nu aha i Bangka'nyo nu Hinom bau ponsombahkonan to ana-anak nu aha salaku koloban anu opotunu. Padahan madi' pinokaung-Ku na aha mombau han aijo' pakalaus mule' madi' toho' tinonginau' na anu sumo aijo' i uno nu pikilan-Ku.

YEREMIA 9:14

Aha pinanggagamo ka' nonsombahmo to pilo-pilogot Baal susumo anu pinogulu'mo nu mompolee' nu aha.

HOSEA 1:2

Tempo'nyo Tumpu notatae, momonanyo hi bansa Israel, anu pinotokakonku, Tumpu notatae, “Hosea, osoaimo na samian anu mongka'oho' saja' masala' ka' to ana-anak nu beleyum suele timbali sumo ia. Mian-Ku anu palesayamo pokakanamo sumo bengkele' nu beleyum aijo'; aha atina' madi' tulu-tulutan hi beleng-Ku ka' ola ahi' mompala'i Aku.”

LUKAS 10:29

Panyo gulu' agama aijo' mompai pototu'u butongnyo. Ia nompokilawa, “Ihe na sangko mianku?”

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.