YEREMIA 2:21 - KITAB NU TUMPU ALLA LELE MA'IMAI'

²¹ Beleyum sinu'an-Kumo susumo kau' anggur anu pinile'an-Kumo ingala ibibitnyo anu ma'ima'. Panyo uuka aiya beleyum nongabali'mo tinimbalimo sosu'anon nu kuhat ka' madi'mo kinokaliangannyo.

YEREMIA 2:21 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

MAZMUR 44:2

O Tumpu, pinosi hongomo mami sisikon anu sinisikmo nu mompolee' mami mongkona palabuatan anu opalias hondo bibinaumo nu Belento tempo'nyo naipuan mae.

MAZMUR 80:8

O, Tumpu, Anu Daka na Kuasa-Nyo po'ule' mae pokopianiakon na kantumuu'an mami; polibos mae na montoa kami, da kami salamat.

MAZMUR 80:9

Mian anu palesayamo hi Belento sumomo kau' anggur anu i lalinmo mae nu Belento lengkat mae i Mesir. Bansa haha aijo' sangga'at i laa'mo nu Belento, lantas sinu'anmo nu Belento na kau' aijo' i lipu' nu aha.

NOSABATMO 15:17

Lantas Israel binoamo nu Belento namba i tampat anu pinile'anmo nu Belento da bau kajojoongan nu belento. Aha jinojoongmo i bungkutnyo nu Belento anu susi', i laigan anu pinosi potinjo nu Belento.

YESAYA 1:21

Imonanyo kota' aijo' tulu-tulutan, uuka aiya sumomo samian na anu lewa' masala'! Imonanyo iwi-iwi' na miannyo anu monjojoongi adin ka' mohongo-hongo, panyo uuka aiya jinojoonganmo nu anu topopatei mian.

YESAYA 27:2

Tempo'nyo aijo' Tumpu motataemo, “Panyanyimo nyanyian anu mongibalatakon ale'-Ku nu anggur anu ma'ima'an.

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

YESAYA 5:4

Daagi' apaa mule' na anu tionyo ahi' Ku bau, panyo ma'isa Ku bau na ale' nu anggur-Ku aijo'? Kadaka' ia nimbua'mo anggur anu malosing, ka' madi' ahi' nimbua' anu matami' susumo anu ingima-imanan-Kumo?

YESAYA 60:21

Mian anu jojoong atina' hi beleyum saja'mo mian anu toto adi-adin, aha mohumpakmo lipu' anu sampe toka sidu-sidutu'. Aha sumomo anu cinangko' anu Aku na nosu'an, da bau pomponyata' saba' Aku anu ahi' oholomati.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YEREMIA 11:16

Toho'mo ingombeng-Ku na aha kau' zaitun anu tambok hondo na honnyo, mahampe na bua'nyo anu toto ima-ima'. Panyo uuka aiya tiba potatae anu polintup taha-tahahumo Ku papuimo na honnyo haha aijo' ka' mule' Ku paha pato'imo na panga'nyo iwi-iwi.

YEREMIA 11:17

Akumo na nompotinjo Israel tiba Yehuda, Aku, Tumpu Anu Mahakuasa. Panyo uuka aiya Aku ko kahanda'mo mompotoka mae balaa' hi aha. Posi ahamo ahi' iwi-iwi' na nonsaduakon aijo', kalana aha nombaumo palabuatan anu ma'idek, aijo'mo nonsombahkonmo koloban hi Baal sahingga Aku pinusamo.”

YEREMIA 5:10

Ku saimo na sampobalinyo da nu ideimo nu aha na ale' nu anggur nu aha, panyo madi' ahi' da mohopu'imo aha. Ku palentahmo na sampobali'nyo aijo' da montutu'i panga' nua anggur nu aha kalana panga'nyo haha aijo' misa' anung-Ku.

MOHAANGI 4:1

Mosoni' anu jongkilaban madi'mo jinongkilaban iwi-iwi na batu i laigan nu Tumpu Allah nodaya-dayamo i jalan.

YEHEZKIEL 15:2

“O, manusia anu madi' tumuu' batu, apaa na kalebehannyo nu kau' anggur de obandingakon tiba kau' sangga'at anu i uno nu alas?

MATIUS 21:33

“Hongo na kantuang anu sa'angu' aiya mule'”, koonyo i Yesus. “Samian na tumpu nu tano' nonsu'ani sa'angu' na ale' nu anggur. Ia nompagan titikub, ka' nongkeke bolo' bau pompo' una'an tampat pompeeti anggur, ka' mule' nompotinjo pontamongian. Lapas aijo', ia nontamboakon ale' nu anggur aijo' hi aha anu mokalaja, lantas namba i lipu' sangga'at.

MARKUS 12:1

Lapas aijo' i Yesus nontampu'unimo notatae nu kantuang hi to kapa-kapala nu imam, to gulu-gulu' agama ka' to pola-polaya' nu Yahudi. I Yesus notatae, “Daagi' ko samian anu nonsu'ani sa'angu' na ale' nu anggur, lantas nompagan titikub. Lapas aijo' ia nongkeke bolo' da bau pompetian anggur, lantas ia nompotinjo sa'angu' na laigan bau pontamongian. Lapas aijo' tinamboakonnyomo na ale' nu anggur aijo' hi to pia-piangkuka na anu mokalaja, lantas nambamo i kampung sangga'at.

LUKAS 20:9

I Yesus nonsisikakon hi mian haha aijo', kantuangan aiya, “Daagi' ko samian anu nonsu'ani santake na ale' nu anggur. Tinamboakonnyo na ale' aijo' hi aha to pia-piangkuka anu mombauakon ale', lantas i namba i lipu' sangga'at, ka' jinojoong pinin kiijo' mae.

YOHANES 15:1

Koonyo i Yesus mule', “Aku kau' anggur anu totu-totu'unyo, ka' Tuumang-Ku aijo' na tumpu nu ale'.

PO'ULE' INGULIT 32:32

Kalana kalakuan nu aha ma'idek susumo Sodom ka' Gomora, sumomo kau' anggur anu napakatmo na bua'nyo kalana kino lasungnyomo.

PO'ULE' INGULIT 4:37

Kalana Ia mongkanonongi mompolee' miu sahingga belemiu pinile'an-Nyomo; nu kuasa-Nyo anu daka' hondo ka' belemiu binoa-Nyomo nosabat lengkat mae i Mesir.

YOSUA 24:31

Tempo'nyo i Yosua daagi' tutuu' aha mian nu Israel palesaya ka' mohongo-hongo Tumpu. Ka' mau mule' ia sinilakamo aha tataap palesaya ka' mohongo-hongo Tumpu tempo'nyo aitu kiijo' hi aha daagi' ko to pola-polaya' anu nonsakisimo iwi-iwi' apaa na anu binaumo nu Tumpu hi aha mian nu Israel.