YEREMIA 2:2 - KITAB NU TUMPU ALLA LELE MA'IMAI'

² da mombebakon lele aiya hi aha iwi-iwi' mian nu Yerusalem, “O Israel Ku inau' hondo na tulu-tulutan nu beleyum tempo'nyo beleyum daagi' olitau; talalo hondo na beleyum mongka'ima'i mae tempo'nyo kita salaje notuang. Namba ipadang tampat anu mateges binatukan nu beleyum na Aku notulu daerah anu madi' ko sosu'anonnyo.

YEREMIA 2:2 ပူးပေါင်းရင်းမြစ်များ

MAZMUR 129:1

O Israel, poto'i mae pa' mosia na beleyum sinakisa nu mian anu nonsampobali'mo, salatanmo pe'e beleyum daagi' olitau.

NOSABATMO 14:31

Salatan mian nu Israel nontoamo mosia na kodaka'nyo na kuasa nu Tumpu nohungku'imo mian nu Mesir, aha binangangmo hondo sahingga pinalesayamo hi Ia ka' hi Musa, posaihon-Nyo aijo'.

NOSABATMO 16:8

Tumpu nombee'imo belemiu ponoha' de mamalomo ka' roti daagi' subu sampe belemiu mobosu, kalana Tumpu nohongomo belemiu saja'mo motambuha' hi Ia. Sabenannyo de belemiu saja'mo motambuha' hi kami, belemiu sumomo saja'mo motambuha' hi Tumpu.”

AMSAL 1:20

Potombihing! Kapandean bapikin nolagamo i songko-songko na jalan ka' notataemo daka-daka' i lapangan!

NYANYIAN ANU TALASANGGO 3:11

Posabatmo mae na belemiu to lalangkoyang nu Sion, tonto'i na i Tomundo' Salomo nomposongko'mo makota' anu pinosongko'mo nu tinanyo isinaa pinonika'an ia isinaa ia ilame'mo.

NYANYIAN ANU TALASANGGO 3:6

Pa' aijo' anu tinoka lengkat i padang anu mateges; susumo tibuk nu apu anu butolu? Nohongnyo sumomo mur ka' kamangian, tiba iwi-iwi' na bada' anu manohong lengkat mae hi mian anu badagang.

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YEREMIA 11:6

Lantas Tumpu notataemo mae hi belengku, “Lako mamba ikota-kota' nu Yehuda tiba ijalan-jalan nu Yerusalem. Poto'iakon na potuunon-Ku aiya hi aha to mia-mian anu kiijo' mae. Poto'i hi aha da mompalahatikan ka' montuluti atulan nu palajanjian-Ku.

YEREMIA 19:2

da mamba hingga-hinggat tiba aha i Bangka'nyo nu Hinom montulu Sabatan Daka' Beling. Toka ikiijo' mae ku poto'imo apaa na anu pinotun-Nyomo mae hi belengku.

YEREMIA 2:1

Tumpu nompalentahmo aku,

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEREMIA 3:4

De beleyum nu tokaimo nu kasusa'an beleyum motataemo mae hi belengku, kooyum Aku tuuma nu beleyum, kooyum Aku mongkalibosi beleyum daagi' pe'e beleyum ise-ise'.

YEHEZKIEL 16:22

I uno nu kantumuu'an nu beleyum anu okahegatimo salaku mian anu saja'masala' susumo aijo', mau sangkiding pe'e madi' tonginau hi beleyum na beleyum daagi' ise' naipuan mae anu ihikuhakonmo, tempo'nyo beleyum langgo-langgo ka' lewa' mongkohenggo ka' kahomo baso' na butong nu beleyum.”

YEHEZKIEL 16:60

Panyo Aku na monginau' ahi' palajanjian anu binaung-Kumo tiba beleyum daagi' pe'e beleyum langkoyang ka' nombaumo palajajian tiba beleyum anu opake sampe toka sidu-sidutu'.

YEHEZKIEL 23:19

Kinopipinnyo lebe saja'mo na masala' madi' ko bedanyo susumo ia daagi' lalangkoyang tempo'nyo ia nasala' kiijo' mae i Mesir.

YEHEZKIEL 23:3

Daagi' aha lalangkoyang aha jinojoong i Mesir. Ikiijo' mae aha madi'mo pinarawan, lantas aha tinimbalimo anu saja' masala'.

YEHEZKIEL 23:8

Ia me saja' nasala' susumo anu sola'mo binaunyo i Mesir u'utu mae pipinontampu'unannyomo ia madi'mo pinarawan. Daagi' pe'e ise-ise' ia sola'mo sinampoduhus ka' sola'mo binau salaku mian anu saja' masala'.

HOSEA 11:1

Tumpu notatae, “Aku mongkalibosi Israel daagi' pe'e aha ise-ise', Ilagangku na anak-Ku aijo' nosabat mae lengkat i Mesir.

HOSEA 2:15

Iwi-iwi' na ale' nu anggurnyo Ku sule'akonje hi ia, ka' Bangka'nyo nu Kasusa'an Ku pojadimo tumban anu otaha'imani. Ikiijo' mae ia montalimamo Aku susumo tempo'nyo daagi' olitau, tempo'nyo ia sala'je no sabat mae lengkat i Mesir.

HOSEA 2:17

Aku madi'mo daagi' mompobee' ia molaga sanggo nu Baal sahingga mian mongkolilimimo sanggo aijo'.

HOSEA 2:7

Ia mololoi'mo to sindu-sindua'annyo, panyo madi' nusampa na aha. Ia molio aha, panyo ia madi' nompahakabot aha. Lantas ia notatae, ‘Aku minsusule'mo hi langkai'ku anu momona; u'utu mae lebe ma'ima' na ka'ada'anku tiba sinaa uuka.’

HOSEA 8:1

Tumpu notatae, “Po'onyi'mo na tanda kalana ko lobosmo mae montumbuhi. Sampobali' montumbuhimo mae lipu'-Ku susumo bonyia' monsabutmo kaanonnyo! Mian-Ku anu palesayamo nolanggaimo palajanjian-Ku tiba aha ka' madi'mo nontuluti pangajalan-Ku.

HOSEA 9:10

Tumpu notatae, “Momonanyo Aku nongkabot aha mian nu Israel, Aku najama'mo hondo susumo mian anu nohumpakmo bua' nu anggur i padang anu mateges. Momonanyo aku nontoa mompolee' nu belemiu sinanangmo hondo na Aku susumo mian nontoamo bua'nu kau' ara anu ai-aijo'je na nimbua'. Panyo salatan aha nambamo ibungkutnyo nu Peor aha nontampu'unimo nonsombah Baal sahingga aha nahumimi'mo susumo pilogot anu nu nu kalibosi nu aha aijo'.

YUNUS 1:2

Koonyo nu Tumpu, “Lako mamba i Ninewe kota' anu daka aijo', ka' otambuha'i kalana Kusumbu' mian anu jojoong ikiijo' talalomo hondo na'idek.”

MATIUS 11:15

De daagi' ko bihing, pohongo!

LUKAS 12:13

Samian anu aijo' hi mian da'isan notatae hi Yesus, “Kita Tuumangku Gulu', pisoba kita Tuumangku mompokau utusku mombee' mae hi belengku sambagian na halata' anu pinala'ianmo nu tuuma mami.”

PO'ULE' INGULIT 2:7

O'inau' mosia na Tumpu Allah nu belemiu nombalakatimo belemiu i han iwi-iwi' anu binaumo nu belemiu. Ia nompotuu'mo belemiu tempo'nyo belemiu lewa' nonsongkohi padang bola anu ewa aiya. Ia nonjagai belemiu pinatompulu' na taun ka' nombee'imo belemiu iwi-iwi' na anu opalalui.

PO'ULE' INGULIT 33:3

Totu-totu'u, Tumpu mongkalibosi bansa-Nyo. Nu jagai na mian iwi-iwi' anu tinimbalimo anu-Nyo. Imbo' da kita tolodadupu i ahop nu tengke-Nyo ka' montuluti iwi-iwi' apaa na anu pinalentahkon-Nyomo.

PO'ULE' INGULIT 8:2

O' inau'! Patompulu' na taun na kopinnyo Tumpu Allah miu nolaya'mo mae belemiu i uno nu lumambanan anu majo'on nontului mae padang bola. I uno nu lumambanan aijo' niat nu Tumpu Allah da monsobai belemiu, da Nu toa apaa na anu i uno nu kinyonyoa nu belemiu ka' apaa belemiu montuluti sagala palentah-Nyo.

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?

ANU PINOTO'I HI YOHANES 2:4

Panyo aiya na Ku poto'i toka hi belemiu: Komiu madi'mo daagi' nongkalibosi Aku sumo imoonanyo.