YEREMIA 2:18 - KITAB NU TUMPU ALLA LELE MA'IMAI'

¹⁸ Apaa na untungnyo beleyum namba i Mesir? Pa' kahanda' da monginum uee nu Kaunyo Nil? Apaa na untungnyo beleyum namba i Asyur? Pa' kahanda' da monginum uee nu Kaunyo Efrat?

YEREMIA 2:18 ပူးပေါင်းရင်းမြစ်များ

2 TAWARIKH 28:16

To mia-mian nu Edom nontumbuhi mule' Yehuda ka' nohakopmo mae manjoo' hondo na mian. Kalana aijo' i Tomundo Ahas nonsale'imo i Tiglat-Pileser, tomundo nu Asyur da monsai mae suludadu montulungi ia.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 7:20

Tumpu montamboimo tomundo' Asyur da mompobelesi' Israel susumo samian na anu lewa' mongkiis, mongkiismo iwi-iwi' bulu nu ubak tiba bulu nu butong.

YEREMIA 2:36

Malia' hondo na belemiu mamba hi to pilo-pilogot nu bansa sangga'at momoita tulung! Belemiu saidi' mae mompele-pele'je hi Mesir, susumo belemiu nompele-pelemo hi Asyur.

YEREMIA 31:22

Sampe toka hipian na beleyum saja'mo bata-bata, o bansa anu madi' tulu-tulutan hi beleng-Ku? Aku nompotimbalimo apa-apaa anu sala'je jinadi' idunia aiya, apa-apaa na anu okahelani hondo, ma'isa toho' jinadi boune monjagai mo'ane.”

MOHAANGI 4:17

Mata mami nontoamo, montanda'imo bantuan anu madi' ko katokaannyo. Kami montaha'imanimo pontulungi mae nu sa'angu' na bansa, anu sabenannyo madi' moko ala mombee'i apa-apaa.

MOHAANGI 5:6

Kami mamba lewa' momoita kiijo' i Mesir, kami momoita anu okaan kiijo' i Asyur.

YEHEZKIEL 16:28

Panyo beleyum ma'isa ahi' ma'osa; mokonyo aijo' sola'mo nu loloi' na aha mian nu Asyur. Beleyum tinimbalimo mian anu saja' masala' tiba aha, panyo madi' ahi' nu osai mae nu aha.

YEHEZKIEL 17:15

Panyo i tomundo' Yehuda notomuhukmo ka' nonsaimo mian namba i Mesir da mohumpak ajahan tiba mule' suludadu manjoo'. Pa' usaha aijo' nu humpak ahi'? Pa' ia opojohokmo ahi' da mopalai? Madi' bisa na ia molanggai palajanjian ka' madi' mohumpak hukuman!

YEHEZKIEL 23:30

atina'mo na mompotoka mae uki' ma'i-ma'idek aiya hi beleyum. Beleyum tinimbalimo mian anu saja' masala' hi aha to bansa-bansa ka' nohumimi'imo butong nu beleyum nu pilogot nu aha haha aijo'.

HOSEA 5:13

Bansa Israel tiba bansa Yehuda sininsumbu'mo i kalakuan nu aha anu ma'i-ma'idek aijo' sahingga Israel nambamo i Asyur momoita bantuan hi tomundo' anu talasanggo. Panyo tomundo' aijo' madi' noko ala nontulungi kabai nompoko ima'i palabuatan nu aha.

HOSEA 7:11

Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!

YOSUA 13:3

ka' iwi-iwi' na da'erah nu Awi mompatui sasu selatan. (Da'erah nu Kaunyo Sikhor i potempasan tiba Mesir toka-toka i potempasan tiba Ekron i sasu utara, iwi-iwi' aijo' minsoop da'erah bansa nu Kana'an; ka' aha tomundo nu Filistin jinojoong i Gaza, Asdod, Askelon, Gat, ka' Ekron.)