YEREMIA 2:17 - KITAB NU TUMPU ALLA LELE MA'IMAI'

¹⁷ Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

YEREMIA 2:17 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

AYUB 34:27

Kalana aha madi' montuluti pongka'oho'-Nyo ka' madi' mompajuli iwi-iwi' apaa na anu pinalentahkon-Nyomo.

AYUB 4:8

Aijo' ku sumbu' kalana saja'mo nontoa kalana mian anu mompajeko ale', nu han anu ma'idek, ka' monsa'u bine' anu monsaduakon mae balaa' kona hi batu nu sosu'anon, saidi' mae mongala bua'nyo aijo'mo kasilakan ka' kasusa'an!

MAZMUR 107:7

Ia nolaya'mo aha da nontulumo jalan anu hodi' nambamo i kota' da bau kajojoongan.

MAZMUR 136:16

I laya'-Nyomo na mian anu pinalesayamo hi Ia notulu i tampat padang anu mateges; kalibosannyo sampe toka sidu-sidutu'.

MAZMUR 77:20

Belento i lumajangmo nontulu bokon, i lumajang i ndalangon, panyo lawo nu Belento madi' tinoa-toa.

AMSAL 15:10

Mian anu mombau palabuatan anu ma'idek saidi mae osakisa; mian anu madi' timbali otewa' saidi' mae silaka.

YESAYA 1:4

Silakamo na belemiu bansa anu binaladosa', to mia-mian anu palalente ka' mian anu ma'idek na kinyonyoanyo! Belemiu inanabu'mo kalana-binaladosa'mo na belemiu. Belemiu madi'mo nonsumbu' Tumpu ka' nohikuhakonmo Tumpu anu Talalo hondo susi' anu tionyo ahi' osombah nu belemiu.

YESAYA 59:13

Kami madi'mo nohongo ka' pinusamo hi Tumpu, ka' madi'mo mongka'oho' mombatuki Tumpu mami. Kami lewa'mo nonsakisa mian sangga'at ka' madi'mo nombatuki atulan, pikilan mami sinala'mo ka' potatae mami binaleko'mo.

YEREMIA 13:22

Ugat opokilawamo nu belemiu kadaka' iwi-iwi aijo' nongkonamo mae butong nu belemiu, kadaka' baju' nu belemiu bineakmo ka' belemiu pinakisamo na nompatiduhusi. Da osumbu' nu belemiu saba' aijo' jinadimo kalana dosa' nu belemiu dinaka'mo hondo.

YEREMIA 19:4

Han aijo' Ku baumo kalana bansa aiya nompala'imo Aku. Aha nohumimi'imo tampat aiya kalana nonsombahkonmo koloban hi to pilo-pilogot anu madi' nu sumbu' nu aha, hi pompolee' nu aha ka' hi to tomu-tomundo' nu Yehuda. Aha mule' ahi' nongisiimo tampat aiya nu baso' nu to mia-mian anu madi' kokasala'annyo.

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

YEREMIA 4:18

O Yehuda posi beleyumo na nompotoka mae balaa' aijo' hi posi butong nu beleyum. Bau-baunyo nu kantumuu'an nu beleyum tiba palabuatan-palabuatan nu beleyum nonsaduakonmo iwi-iwi' na kansalasala'an aijo' anu nonsusukmo kinyonyoa nu beleyum.

YEREMIA 44:3

Han aijo' jinadimo kalana mian anu monjojoongi binaladosa'mo, sahingga nonsabapimo notambuha'mo. Aha nonsombahkonmo koloban ka' nonsombahmo to pilo-pilogot anu ma'isa' toho' sinombah nu aha, ka' mule' belemiu kabai mompolee' nu belemiu.

YEREMIA 5:25

Panyo dosa'mo nu belemiu haha atina' na nonsaduakon sahingga apaa na anu ma'ima' madi'mo ilasa nu belemiu.

YEHEZKIEL 39:24

Ihukum-Kumo na aha sitimbang tiba kahenyuan nu aha ka' palabuatan anu ma'idek nu aha, lantas pinala'ian-Kumo na aha.”

HOSEA 13:9

Ku hansunimo na belemiu bansa Israel! Ka' ihemo ahi' na moko ala montulungi belemiu?

MIKHA 1:5

Iwi-iwi' aijo' saidi' mae jadimo kalana aha mian nu Israel binaladosa'mo ka' saja'mo notomuhuk hi Tumpu. Ihe na nonsaduakonmo aha mian nu Israel sahingga binaladosa'mo? Temisa' Samaria ahi' puso nu kota' Yerusalem?

NOMBILANGMO 32:23

Panyo ingat, de belemiu madi' mombau anu jinanji'mo nu belemiu, belemiu baladosa'mo hi Tumpu ka' o hukumo, kalana dosa' nu belemiu atina'.

PO'ULE' INGULIT 32:10

Tinokan-Nyo na aha hau-haunyo jojoong i tampat anu ling hondo ka' ewa, ka' ola saja' padang. Lantas Ia nonjagaimo ka' nompotuu'mo aha ka' jinagaannyo na aha salakumo ia na tumpu-Nyo.

PO'ULE' INGULIT 32:19

Montoa anu sumo aijo', Tumpu notambuha'mo ka' madi'mo mongkalesang to ana-anaknyo.