YEREMIA 2:11 - KITAB NU TUMPU ALLA LELE MA'IMAI'

¹¹ Ma'isa toho' ko sa'angu' na bansa mompotolos pilogotnyo maumo ahi' aijo' misa' Tumpu Allah anu sahondo-hondonyo. Panyo, mian anu palesayamo hi beleng-Ku nompotolosmo Aku, anu nunu kabubunakon nu aha tiba apa-apaa anu madi' moko ala mombau apa-apaa.

YEREMIA 2:11 ပူးပေါင်းရင်းမြစ်များ

1 TOMU-TOMUNDO' 11:33

Ku bau na han aijo' kalana i Salomo nohikumo Aku ka' mule' nonsombahmo pilogot haha aijo', aijo'mo: Asytoret pilogot boune nu bansa Sidon, Kamos, pilogot nu bansa Moab, ka' mule' Milkom pilogot nu bansa Amon. I Salomo madi'mo nontuluti pongka'oho'-Ku. Ia madi' susumo tuumanyo i Daud anu tulu-tulutan hondo hi belengku ka' saja' ahi' mombau apaa na anu Ku palentahkon.

2 TOMU-TOMUNDO' 1:3

Panyo malaikat nu Tumpu nonsaimo i Elia, nabi anu nolengkat mae i Tisbe, namba siningkabot to mia-mian anu sinai mae i Tomundo' Ahazia nompokilawa “Pa' i Israel madi'mo ko Tumpu Allah, sahingga belemiu nambamo nomoita pokinde' hi Baal-Zebub pilogot nu kota Ekron aijo'?

2 TAWARIKH 13:9

Te misa'o to ima-imam nu Tumpu lee' mae i Harun ka' to mia-mian nu Lewi i laa'mo nu belemiu iwi-iwi'? Salaku bolosnyo yayamo maumo pa' ihe na mongka'oho' timbali imam, asan ia momboamo mae sa'angu' na sapi' kabai popitu' na domba, o hangkatmo nu belemiu bau imam nu anu misa' Tumpu Allah, kalana memang sumo aijo' na to bansa-bansa sangga'at mohangkat imam nu aha. Panyo kami madi' mombau anu sumo aijo'.

MAZMUR 106:20

Aha nontolosimo Tumpu anu talasanggo nu patong susumo sapi' anu ola mongkaan hemput.

MAZMUR 115:4

Bapilogotan nu aha mosoni' ka' salaka na binau, anu binau nu lima nu manusia.

MAZMUR 3:3

Manjo'mo na anu nompoto'i tukoonyo nu aha Tumpu madi'mo montulungi aku.

YESAYA 37:19

Pilogot-pilogot nu aha suele pinapuanmo nu aha ka' ihansunanmo kalana pilogot haha aijo' madi' hondo-hondo balakuasa. Aha ola patong kau' na binau ka' batu anu binau nu mian.

YEREMIA 16:20

Te moko ala na manusia mombau posi pilogotnyo? Tantu madi' ahi'! Anu binaunyo aijo' memang misa'ahi' Tumpu Allah.”

YEREMIA 18:13

Tumpu notatae, “Soba pokilawa hi toto sa'angu' na bansa pa' toho'mo jinadi' na han anu susumo aiya. Mian nu Israel nombaumo han anu okabuhuk hondo!

YEREMIA 2:5

Tumpu notatae, “Kasala'an apaa na anu tinoa nu mompolee' nu belemiu hi beleng-Ku, sahingga aha pinalagantamo mae hi beleng-Ku? Aha pagala nolio pilogot anu madi' ko angga'nyo ka' ahennyo posi ahamo ahi' na na ambang.

YEREMIA 2:8

To ima-imam madi'mo ko anu mompokilawa iya mae na Aku, Tumpunyo. To mia-mian anu montinjohakon atulan madi'mo daagi' monsumbu' pa' ihe na Aku, to mia-mian anu balakuasa notomuhukmo mae hi beleng-Ku. Atas sanggo nu Baal na to nabi-nabi motatae, ka' monsombahmo pilogot anu madi' kokaliangannyo.”

YEREMIA 5:7

Tumpu notatae, “Kadaka' Aku mongampunimo dosa-dosa' nu mian anu palesayamo hi beleng-Ku? Aha nompala'imo mae Aku ka' mule' nonsombahmo anu misa' Tumpu Allah. Aku na nombee'i anu okaan hi aha sampe aha nobosumo, panyo aha nasala'mo ka' toto minsan aha mambamo hi to mia-mian anu saja' masala'.

YEHEZKIEL 14:5

Iwi-iwi' na pilogot haha aijo' nompojo'onmo mian anu palesayamo hi beleng-Ku da madi'mo ingohani mae hi beleng-Ku, panyo o'amalakon da kalana pontaami aijo' mian anu palesayamo hi belengku po ule'mo mae toka hi beleng-Ku.’

YEHEZKIEL 5:7

Tumpu Anu Matangkas na Kuasanyo notatae, “O, Yerusalem, potombihing mae! Beleyum madi'mo nontuluti iwi-iwi na palentang-Ku ka' mule' iwi-iwi na atulan-Ku: beleyum talalo hondo madi' mompajuli nu lingkuduimo na bansa-bansa sangga'at anu mompaha ohani beleyum ka' mule' nontulutimo adat nu bansang haha aijo'.

MIKHA 4:5

Iwi-iwi na bansa i dunia aiya monsombahmo ka' tulu-tulutanmo hi posi pilogot nu aha. Panyo kita na montuluti ahi' Tumpunto ka' monsombah Ia sampe toka sidu-sidutu'.

ROMA 1:23

Misa' Tumpu anu sampe toka sidu-sidutu' na anu osombah nu aha, panyo patong-patong anu montiho to bina-binatang anu timbali mate; aijo'mo mian, tomonsi, binatang anu ko tengkenyo opat, ka' binatang anu jumolo.

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

GALATIA 4:8

Uutu mae komiu madi' monsumbu' Tumpu, mokonyo aijo' tinimbalimo botuan nu to kua-kuasa' anu osangka sumo Tumpu, panyo sabenannyo misa' Tumpu anu sahondo-hondonyo.

PO'ULE' INGULIT 32:16

Aha nonsombahmo pilogot, sahingga Tumpu notambuha'mo, kalana aha nongka'ima'imo pilogot Ia notambuha'mo kalana aha nombaumo anu ma'idek aijo'.

PO'ULE' INGULIT 32:21

Aha nonsaduakon aku da nontambuha'i anu misa' Tumpu Allah, ka' nontambuha'imo patong nu bapilogotan nu aha. Sahingga Ku potimbalimo na mian anu pinalesayamo hi beleng-Ku da mongka'idekimo anu misa' bansa, ka' montambuha'i bansa anu ponga'.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”

1 PETRUS 1:18

Osumbu' nu belemiu apaa na anu binayanakonmo da bau pompobebas belemiu i kantumuu'an anu madi' ko angga'nyo anu pinotatu-tatusakonmo nu mompolee' miu. Pinombayannyo misa' pa' apaa anu timbali ma'idek sumo salaka kabai mosoni',

1 SAMUEL 4:21

Anak aijo sinanggohannyo, i Ikabod kalana koonyo, “Tumpu Allah Anu Daka' na kuasanyo madi'mo jinojoong hi aha mian Israel” – alati'nyo nu potatae aijo', mongkona Peti' Palajanjian ingagoanmo ka' mule' moniannyo tiba langkai'nyo sinilakamo. Kalana aijo' aha notataemo “Tumpu Allah Anu talasanggo madi'mo jinojoong hi aha mian Israel kalana Peti' Palajanjian nu Tumpu Allah ingagoanmo”.